ഇന്ത്യയില്‍ ഓട്ടോ ഓടിച്ച് ബില്‍ ഗേറ്റ്‌സ് ; മത്സരത്തിന് ക്ഷണിച്ച് ആനന്ദ് മഹീന്ദ്ര

ഇന്ത്യാ സന്ദർശനവേളയിൽ മഹീന്ദ്രയുടെ ഇലക്ട്രിക് ഓട്ടോറിക്ഷയായ ട്രിയോ ഓടിച്ച് മൈക്രോസോഫ്റ്റ് സഹസ്ഥാപകനും ശതകോടീശ്വരനുമായ ബിൽ ഗേറ്റ്സ്. ഓട്ടോറിക്ഷ ഓടിക്കുന്ന ബിൽ ഗേറ്റ്സിന്റെ വീഡിയോ സോഷ്യൽ മീഡിയയിൽ ഇതിനകം തന്നെ വൈറലാണ്. ഇലക്ട്രിക് ഓട്ടോറിക്ഷ ഓടിക്കുന്ന വീഡിയോ ബിൽ ഗേറ്റ്സ് തന്നെയാണ് സോഷ്യൽ മീഡിയയിൽ പങ്കുവച്ചിരിക്കുന്നത്.

വാഹനത്തിന്റെ കണ്ണാടിയിൽ ബിൽ ഗേറ്റ്സിന്റെ മുഖം കാണിച്ചാണ് വീഡിയോ ആരംഭിക്കുന്നത്. മാത്രമല്ല, ‘മൂന്ന് ചക്രങ്ങളുള്ളതും സീറോ എമിഷൻ ഉള്ളതും ശബ്‌ദമില്ലാത്തതും എന്താണ്? ഇതാണ് മഹീന്ദ്ര ട്രിയോ എന്നുള്ള ടെക്സ്റ്റും വിഡിയോയിൽ ഉൾപ്പെടുത്തിയിട്ടുണ്ട്. കൂടാതെ ഓട്ടോറിക്ഷയുടെ മറ്റ് ചില സവിശേഷതകളും അദ്ദേഹം അടികുറിപ്പായി പങ്കുവച്ചിട്ടുണ്ട്. രസകരമായ മറ്റൊരു കാര്യം വീഡിയോയിൽ ‘ചൽതി കാ നാം ഗാഡി’ എന്ന ചിത്രത്തിലെ “ബാബു സംജോ ഇഷാരെ” എന്ന ഗാനവും ഉൾപ്പെടുത്തിയിട്ടുണ്ട്. വീഡിയോ ഇതിനകം തന്നെ നിരവധി പേരാണ് കണ്ടത്.

‘ഇന്ത്യയുടെ പുതുമകളോടുള്ള അഭിനിവേശം എന്നെ ഒരിക്കലും വിസ്മയിപ്പിക്കുന്നില്ല. 131 കിലോമീറ്റർ ( ഏകദേശം 81 മൈൽ) വരെ സഞ്ചരിക്കാനും 4 ആളുകളെ വരെ വഹിക്കാനും കഴിവുള്ള ഒരു ഇലക്ട്രിക് റിക്ഷയാണ് ഞാൻ ഓടിച്ചത്. ഗതാഗത രംഗത്തിനും ഡീകാര്‍ബണൈസേഷനിലും മഹീന്ദ്രയെപ്പോലുള്ള കമ്പനികൾ നൽകുന്ന സംഭാവനകൾ പ്രചോദനം നൽകുന്നതാണ് എന്നായിരുന്നു വീഡിയോയ്‌ക്കൊപ്പം ബിൽ ഗേറ്റ്സ് പങ്കുവച്ച കുറിപ്പ്.

ബിൽ ഗേറ്റ്സ് ട്രിയോ ഓടിക്കുന്ന വീഡിയോ പങ്കുവച്ചതിന് പിന്നാലെ ട്വിറ്ററിലൂടെ ആനന്ദ് മഹീന്ദ്ര മറുപടി നൽകിയിട്ടുമുണ്ട്. ട്രിയോ ഓടിക്കാൻ സമയം കണ്ടെത്തിയതിൽ സന്തോഷം തോന്നുന്നു എന്നും അടുത്ത ഇന്ത്യ സന്ദർശനത്തിൽ സച്ചിനും ഞാനും താങ്കളുമായിട്ടുള്ളൊരു ഡ്രാഗ് റേസ് ആയിരിക്കും പ്രധാന അജൻഡ എന്നുമാണ് ആനന്ദ് മഹീന്ദ്രയുടെ ട്വീറ്റ്. ഹാർവാർഡ് സർവകലാശാലയിലെ തന്റെ സഹപാഠിയായിരുന്ന ആനന്ദ് മഹീന്ദ്രയെ സന്ദർശിച്ചപ്പോൾ പകര്‍ത്തിയതാണ് ഈ വീഡിയോ എന്നാണ് റിപ്പോർട്ടുകൾ.

മഹീന്ദ്രയുടെ ഇലക്ട്രിക് ത്രീവീലറുകളായ ട്രിയോ ഓട്ടോ, ട്രിയോ സോര്‍, സോര്‍ ഗ്രാന്‍ഡ് എന്നിവ ഇതിനകം തന്നെ ജനപ്രിയമായി കഴിഞ്ഞു. ഇന്ത്യയില്‍ ഡിസൈന്‍ ചെയ്യുകയും വികസിപ്പിക്കുകയും ചെയ്ത ഇലക്ട്രിക് ഓട്ടോറിക്ഷയാണ് മഹീന്ദ്ര ട്രിയോ.  ഒരു തവണ ചാര്‍ജ് ചെയ്താല്‍ 141 കിലോമീറ്റര്‍ വരെ സഞ്ചരിക്കാന്‍ സാധിക്കും എന്നാണ് മഹീന്ദ്ര അവകാശപ്പെടുന്നത്.

Latest Stories

വിഷുക്കാലത്തും നെല്‍കര്‍ഷകര്‍ പട്ടിണിയില്‍; കടം വാങ്ങാന്‍ സിബില്‍ സ്‌കോറുമില്ല; അവഗണന തുടര്‍ന്ന് സര്‍ക്കാര്‍

'ഞാൻ പുറത്തിറങ്ങുമ്പോൾ ഒരു മാധ്യമ പ്രവർത്തകൻ പോലും ഉണ്ടാവരുത്'; ഗസ്റ്റ് ഹൗസിൽ മാധ്യമങ്ങൾക്ക് വിലക്ക് ഏർപ്പെടുത്തി സുരേഷ് ഗോപി

IPL 2025: നിന്റെ ശിക്ഷ എഴുതാൻ മിക്കവാറും നോട്ട്ബുക്ക് വേണ്ടിവരും, ദിഗ്‌വേഷ് രതിക്ക് വീണ്ടും പണി; ഇത്തവണ കടുത്തു

മധ്യപ്രദേശിന് പിന്നാലെ ഒഡിഷയിലും മലയാളി വൈദികന് മർദനം; പള്ളിയിൽ കയറി പൊലീസ് ക്രൂരമായി മർദിച്ചു, പണം കവർന്നു

MI VS LSG: ഈ പന്ത് മോന്റെ ഓരോ കോമഡി, ഗോയങ്കയുടെയും പന്തിന്റെയും കളികണ്ട് ചിരിനിര്‍ത്താതെ രോഹിത്, വീഡിയോ കാണാം

സ്ത്രീയായി ജനിക്കുന്നത് ശാപമാണ്, ജോലിക്ക് പോവുകയാണെങ്കില്‍ ബലാത്സംഗം ചെയ്യപ്പെടും.. പുരുഷന്മാര്‍ എന്ന് ഗര്‍ഭിണികള്‍ ആകുന്നുവോ അന്നേ തുല്യത വരുള്ളൂ: നീന ഗുപ്ത

ഗോകുലം ഗോപാലന്റെ സ്ഥാപനങ്ങളിൽ നടന്ന റെയ്‌ഡിന് എമ്പുരാൻ സിനിമയുമായി ബന്ധമില്ല; ഫെമ ലംഘിച്ചുവെന്ന് ഇഡി, ഒന്നരക്കോടി പിടിച്ചെടുത്തു

സ്വര്‍ണം വാങ്ങാനിത് നല്ല നേരം; രണ്ട് ദിവസത്തില്‍ പവന് കുറഞ്ഞത് 2,000 രൂപ

MI UPDATES: രോഹിത് ശര്‍മ്മ പുറത്തേക്കോ, താരത്തിന് സംഭവിച്ചത്‌, മുംബൈക്ക് തിരിച്ചടിയാവുമോ. ഹിറ്റ്മാന്റെ ഫിറ്റ്‌നസിനെ കുറിച്ച് കോച്ച് പറഞ്ഞത്

ട്രംപിന്റെ പകരച്ചുങ്ക പ്രഖ്യാപനം; രണ്ടാം ദിനവും അമേരിക്കൻ ഓഹരി വിപണിയിൽ കനത്ത ഇടിവ്, യൂറോപ്യൻ ഓഹരി വിപണികളും ഏഷ്യൻ വിപണികളും തകർച്ചയിൽ