പുതിയ കാരൻസ് എക്സ് ലൈൻ കാറുകൾ പുറത്തിറക്കി കിയ. മികച്ച മൈലേജ് തരുന്ന 7 സീറ്റർ കാറാണ് ദക്ഷിണ കൊറിയൻ വാഹന ബ്രാൻഡായ കിയ ഇത്തവണ എത്തിയിരിക്കുന്നത്. പെട്രോൾ, ഡീസൽ എന്നിങ്ങനെ രണ്ട് വേരിയന്റുകളിലാണ് കാരൻസ് ഇത്തവണ എത്തുന്നത്. ഈ സ്‌പോർട്ടിയർ ട്രിമ്മുമായി വരുന്ന ബ്രാൻഡിന്റെ ഇന്ത്യൻ നിരയിലെ മൂന്നാമത്തെ മോഡലാണ് കിയ കാരൻസ്.
എക്സ്‌ക്ലൂസീവ് മാറ്റ് ഗ്രാഫൈറ്റ് എക്സ്റ്റീരിയർ കളറും എക്സ്‌ക്ലൂസീവ് ഡ്യുവൽ ടോൺ ബ്ലാക്ക്, സ്പ്ലെൻഡിഡ് സേജ് ഗ്രീൻ ഇന്റീരിയറുകളും ഉൾപ്പെടെയുള്ള എക്സ്റ്റീരിയർ, ഇന്റീരിയർ മാറ്റങ്ങളോടെയാണ് പുതിയ കിയ കാരൻസ് എക്സ്-ലൈൻ വരുന്നത്.
പോഡ്‌കാസ്റ്റുകൾ, സ്‌ക്രീൻ മിററിംഗ്, പിങ്ക്‌ഫോംഗ് എന്നിവയും മറ്റ് വിവിധ വിനോദങ്ങളും പുതിയ ആപ്പുകളും ഫീച്ചർ ചെയ്യുന്ന എക്സ്‌ക്ലൂസീവ് റിയർ സീറ്റ് എന്റർടൈൻമെന്റ് യൂണിറ്റും സജ്ജീകരിച്ചിട്ടുണ്ട്. ഉപയോക്താവിന്റെ ഫോണിൽ ഇൻസ്റ്റാൾ ചെയ്‍തിട്ടുള്ള റിമോട്ട് കൺട്രോൾ ആപ്പ് വഴിയും റിയർ സീറ്റ് എന്റർടൈൻമെൻറ് യൂണിറ്റ് നിയന്ത്രിക്കാൻ സാധിക്കും.
ഉപയോക്താവിന്റെ ഫോണിൽ ഇൻസ്റ്റാൾ ചെയ്‍തിട്ടുള്ള റിമോട്ട് കൺട്രോൾ ആപ്പ് വഴിയും റിയർ സീറ്റ് എന്റർടൈൻമെൻറ് യൂണിറ്റ് നിയന്ത്രിക്കാൻ സാധിക്കും എന്നതും മറ്റൊരു പ്രത്യേകതയാണ്. മാറ്റ് ഗ്രാഫൈറ്റ് ഫിനിഷ്ഡ് ഫ്രണ്ട് ബമ്പർ, ഷാർക്ക് ഫിൻ ആന്റിന, സ്‌പോയിലർ, റിയർ ബമ്പർ, ഔട്ട് ഡോർ ഹാൻഡിൽ എന്നിവയാണ് കാരൻസ് എക്സ്-ലൈനിൽ എക്സ്റ്റീരിയറിൽ വരുന്ന മാറ്റങ്ങൾ. പുതിയ ഡ്യുവൽ ടോൺ ക്രിസ്റ്റൽ കട്ട് 16 ഇഞ്ച് അലോയ് വീലിലാണ് പുതിയ കിയ കാരൻസ് എക്സ് ലൈൻ എത്തുന്നത്.
കിയ കാരൻസ് എക്സ് ലൈൻ വേരിയന്റ് രണ്ട് എഞ്ചിൻ ഓപ്ഷനുകളിൽ ലഭ്യമാണ്. 160hp ഉം 253Nm ഉം ഉത്പാദിപ്പിക്കുന്ന, 7-സ്പീഡ് DCT-യുമായി ഘടിപ്പിച്ച 1.5-ലിറ്റർ, ടർബോ-പെട്രോൾ എഞ്ചിനിലും 116hp ഉത്പാദിപ്പിക്കുന്ന 6-സ്പീഡ് AT യുമായി ഘടിപ്പിച്ച 1.5-ലിറ്റർ ഡീസൽ എഞ്ചിനിലും ലഭ്യമാണ്.
കിയ കാരൻസിനു 100,000 ഉപഭോക്താക്കളാണ് നിലവിൽ ഉള്ളത്, പുതിയ എക്സ് ലൈൻ അത് ഗണ്യമായി വികസിപ്പിക്കുമെന്നു കിയ ഇന്ത്യ ചീഫ് സെയിൽസ് ആൻഡ് ബിസിനസ് ഓഫീസർ മ്യുങ്-സിക് സോൺ പറഞ്ഞു. അനന്ത്പൂരിലെ സ്ഥാപനത്തിലാണ് കിയ കാരൻസ് നിർമ്മിക്കുന്നത്. എല്ലാ വേരിയന്റുകളിലും ആറ് എയർബാഗുകൾ സ്റ്റാൻഡേർഡായി വാഗ്ദാനം ചെയ്യുന്നു എന്നതാണ് കിയ കാരൻസിന്റെ പ്രധാന ഹൈലൈറ്റ്.
18.94 ലക്ഷം രൂപ മുതൽ കാരൻസ് എക്സ് ലൈൻ ലഭിക്കും. പ്രീമിയം ഫീച്ചറുകളോടുവരുന്ന എക്സ് ലൈൻ പെട്രോൾ 7ഡിസിടിക്ക് 18,94,900 രൂപയും, ഡീസൽ 6എടി ക്ക് 19,44,900 രൂപയുമാണ് വില വരുന്നത്. ടൊയോട്ട ഇന്നോവ ക്രിസ്റ്റ, മാരുതി സുസുക്കി എക്സ് എൽ 6, മാരുതി സുസുക്കി എർട്ടിഗ, ടൊയോട്ട റൂമിയോൺ തുടങ്ങിയ മറ്റ് എംപിവികളോടാണ് കാരൻസ് മത്സരിക്കുക.