ഇന്ത്യന്‍ വിപണിയില്‍ നിലവില്‍ വില്‍പ്പനയ്ക്ക് എത്തിക്കുന്ന തങ്ങളുടെ എല്ലാ വാഹനങ്ങള്‍ക്കും മെയില്‍ ആകര്‍ഷകമായ ചില ഡീലുകളും ഡിസ്‌കൗണ്ടും പ്രഖ്യാപിച്ച് റെനോ. ക്വിഡ്, ട്രൈബര്‍, കൈഗര്‍, ഡസ്റ്റര്‍ തുടങ്ങിയ മോഡലുകള്‍ക്കാണ് ആകര്‍ഷകമായ ഓഫറുകള്‍ കമ്പനി പ്രഖ്യാപിച്ചിരിക്കുന്നത്.
ക്വിഡ് ഹാച്ച്ബാക്കിന് 10,000 രൂപ കിഴിവ് ലഭ്യമാണ്. എന്നാല്‍ ഇത് പ്രീ അപ്ഡേറ്റ്ഡ് പതിപ്പ് മോഡലുകളില്‍ മാത്രമാണ് ലഭിക്കുക. ചെറിയ ഹാച്ച്ബാക്കിന് 0.8 ലിറ്റര്‍ വേരിയന്റുകളില്‍ 10,000 രൂപ എക്സ്ചേഞ്ച് ബോണസായി ലഭിക്കും. ഉയര്‍ന്ന കപ്പാസിറ്റി 1.0 ലിറ്റര്‍ വേരിയന്റുകളില്‍ 15,000 രൂപയാണ് എക്‌സ്-ചേഞ്ച് ബോണസ്. അതിനുപുറമെ, ലോയല്‍റ്റി ബോണസായി 37,000 രൂപയും വാഗ്ദാനം ചെയ്യുന്നുണ്ട്.
ട്രൈബറിന് 5,000 രൂപ ക്യാഷ് ഡിസ്‌കൗണ്ടും 20,000 രൂപ എക്സ്ചേഞ്ച് ബോണസും കമ്പനി വാഗ്ദാനം ചെയ്യുന്നു. എംപിവിക്ക് 44,000 രൂപ വരെ ലോയല്‍റ്റി ബോണസും ലഭിക്കും. കൈഗറിന് 55,000 രൂപ വരെ ലോയല്‍റ്റി ബോണസ് ഉണ്ട്. മറ്റ് ഓഫറുകളും ആനുകൂല്യങ്ങളും കൈഗറിന് ലഭിക്കുന്നില്ല.
റെനോ ഡസ്റ്റര്‍ ഇന്ത്യയില്‍ ഔദ്യോഗികമായി കമ്പനി നിര്‍ത്തലാക്കിയെങ്കിലും ഡീലര്‍ യാര്‍ഡുകളില്‍ അവശേഷിക്കുന്ന ഏതെങ്കിലും സ്റ്റോക്ക് (എന്തെങ്കിലും ഉണ്ടെങ്കില്‍) വന്‍തോതില്‍ ക്യാഷ് ഡിസ്‌കൗണ്ടുകളോടെ ലഭ്യമാകും.
10,000 രൂപ കോര്‍പ്പറേറ്റ് കിഴിവ് എല്ലാ മോഡലുകളിലും ലഭ്യമാണ്. കര്‍ഷകര്‍ക്കും സര്‍പഞ്ചിനും ഗ്രാമപഞ്ചായത്ത് അംഗങ്ങള്‍ക്കും മാത്രം ലഭ്യമായ 5000 രൂപ റൂറല്‍ ബോണസും ഓഫറില്‍ ഉണ്ട്. കോര്‍പ്പറേറ്റ് കിഴിവുകളും ഗ്രാമീണ ബോണസും ഒരുമിച്ച് ലഭിക്കില്ല.