Connect with us
https://southlive.in/wp-content/uploads/2018/08/728-x-90-pix.jpg

AUTOMOBILE

1140 സിസി എഞ്ചിനില്‍ ഒരുങ്ങിയ ഒരു റോയല്‍ എന്‍ഫീല്‍ഡ് ബൈക്ക്; വിപണിയിലെത്തിയത് പതിനെട്ട് മോഡലുകള്‍ മാത്രം; വില 40 ലക്ഷം!

, 8:57 pm

പല പ്രമുഖരും വന്നു പോയിട്ടും ബുള്ളറ്റിന്റെ പ്രതാപത്തിന് യാതൊരു വിധ കോട്ടവും തട്ടിയിട്ടില്ല. ഒരു ബുള്ളറ്റ് ഒക്കെ വാങ്ങി അതില്‍ കയറി ഗാഭീര് ശബ്ദത്തില്‍ തലയെടുപ്പോടെ ഒരു കുതിപ്പ് ആഗ്രഹിക്കാത്തവര്‍ ചുരുക്കമായിരിക്കും. ഒരു ബൈക്ക് എന്നതിനപ്പുറം ബുള്ളറ്റ് സ്വന്തമായുണ്ട് എന്നതൊരു ഗമയാണ്. ഒരു മാറ്റം ആഗ്രഹിക്കുന്നവരുടെ പ്രിയമേറിയ വാഹനമായി ഇന്നും വാഴുകയാണ് ബുള്ളറ്റ്. കരുത്തും ദൃഢതയും ഈടുനില്‍പ്പും തുടങ്ങി എണ്ണമറ്റ വിശേഷതകള്‍ ബുള്ളറ്റിനെ ഉപഭോക്താക്കള്‍ക്ക് പ്രിയപ്പെട്ട വാഹനമാക്കുന്നു.

അന്നും ഇന്നും ബുള്ളറ്റ് ആനപ്പുറത്ത് തന്നെ വിഹരിക്കുകയാണ്. 1140 സിസി എഞ്ചിനില്‍ ഒരു റോയല്‍ എന്‍ഫീല്‍ഡ് ബൈക്ക് എന്ന് കേള്‍ക്കുമ്പോള്‍ എന്ത് തള്ളാണ് തള്ളുന്നത് എന്ത് പലരെങ്കിലും ചിന്തിച്ചേക്കാം. എന്നാല്‍ മോഡിഫിക്കേഷനോ കഴമ്പില്ലാത്ത വാദമോ ഒന്നുമല്ല ഇത്. 1140 സിസി എഞ്ചിനില്‍ ഒരു ബൈക്കിനെ റോയല്‍ എന്‍ഫീല്‍ഡ് പുറത്തിറക്കിയിരുന്നു. അതും എണ്‍പത് വര്‍ഷം മുമ്പ് 1938 ല്‍.

റോയല്‍ എന്‍ഫീല്‍ഡ് KX, കമ്പനി ഇന്നുവരെ അവതരിപ്പിച്ചിട്ടുള്ളതില്‍ വെച്ചു ഏറ്റവും കരുത്തന്‍. 1,140 സിസി ഇരട്ട സിലിണ്ടര്‍ എഞ്ചിനാണ് റോയല്‍ എന്‍ഫീല്‍ഡ് KX -ല്‍. ബൈക്കിലുള്ളത് നാലും സ്പീഡ് ഗിയര്‍ബോക്സും. കേള്‍ക്കുന്നവര്‍ക്ക് അത്ഭുതപ്പെടാതെ വേറെ വഴിയില്ല.

ആകെമൊത്തം 18 റോയല്‍ എന്‍ഫീല്‍ഡ് KX -കളാണ് വിപണിയില്‍ എത്തിയത്. ഒട്ടുമിക്കവയും നാമാവിശേഷമായി. എന്നാല്‍ കൂട്ടത്തില്‍ ഒന്നുമാത്രം ഇന്നും തെളിവിനായി അവശേഷിക്കുന്നുണ്ട്. PSJ 697 രജിസ്ട്രേഷന്‍ നമ്പറോടെയുള്ള 1938 മോഡല്‍ റോയല്‍ എന്‍ഫീല്‍ഡ് KX ആണ് അത്. ബ്രിട്ടണില്‍ 1938 ജൂണ്‍ ഏഴിനാണ് ഈ അത്യപൂര്‍വ റോയല്‍ എന്‍ഫീല്‍ഡ് KX രജിസ്റ്റര്‍ ചെയ്തിരിക്കുന്നത്. ഇന്ധനടാങ്കിനോട് ചേര്‍ന്നാണ് ബൈക്കിന്റെ ഗിയര്‍ സംവിധാനം. ആവശ്യാനുസരണം കൈകള്‍ ഉപയോഗിച്ച് KX -ല്‍ ഗിയര്‍മാറാം.

നാല്‍പതു ലക്ഷം രൂപയ്ക്ക് മേലെയാണ് ബൈക്കിന്റെ മതിപ്പുവില. മണിക്കൂറില്‍ 130 കിലോമീറ്റര്‍ വേഗത്തില്‍ വരെ കുതിക്കാന്‍ റോയല്‍ എന്‍ഫീല്‍ഡ് KX -ന് പറ്റും. 27 കിലോമീറ്ററാണ് ബൈക്ക് കാഴ്ചവെക്കുന്ന മൈലേജ്.

Advertisement