അദിതി ഗുപ്ത സ്റ്റാര് ആണ്, എങ്ങനെയെന്നല്ലേ ആരും സഞ്ചരിക്കാത്ത വഴികളിലൂടെ സഞ്ചരിച്ച് സംരംഭകത്വത്തില് തന്റേതായ ഇടം കണ്ടെത്തിയാണ് അദിതി സ്റ്റാര് ആയിരിക്കുന്നത്. എങ്ങനെയെന്നല്ലേ, തന്റെ സംരംഭകചിന്തകള്ക്ക് അടിത്തറപാകാന് അദിതി തെരെഞ്ഞെടുത്തത് തന്റെ ആര്ത്തവ ചിന്തകളെയാണ്. ഇത് കേള്ക്കുമ്പോള് സാനിറ്ററി നാപ്കിന് ബിസിനസ് ആണോ കക്ഷി തുടങ്ങിയത് എന്ന് ചിന്തിക്കേണ്ട, അതല്ല സംഭവം.
ആര്ത്തവം എന്നത് അന്നും ഇന്നും എന്നും ഇന്ത്യന് ജനതക്ക് പടിക്കപ്പുറം നിര്ത്തേണ്ട പദമാണ്.ശരീരത്തിന്റെ തികസിച്ചും നോര്മലായ ഒരു പ്രകൃയ ആയിരുന്നിട്ട് കൂടി ആര്ത്തവത്തെ നമ്മള് പടിക്കപ്പുറത്ത് നിര്ത്തുന്നു. ആര്ത്തവം എന്തെന്നും എങ്ങനെ അതിനെ നേരിടണം എന്നുമുള്ള അറിവ് പലപ്പോഴും നമുക്കില്ല എന്നതാണ് വാസ്തവം. ഈ ചിന്തയില് നിന്നുമാണ് അദിതി തന്റെ സംരംഭത്തിന് തുടക്കം കുറിച്ചത്.
മെന്സ്ട്രുപീഡിയ – എ കംപ്ലീറ്റ് പിരീഡ്സ് ബുക്ക്
ആര്ത്തവ സംബന്ധമായ കാര്യങ്ങള് കുട്ടികള്ക്കു മനസ്സിലാകണമെങ്കില് അവര്ക്ക് അറിയാവുന്ന ഭാഷയില് പറയണം. അതിനാല്, കോമിക് ബുക്കിന്റെ വഴിയാണ് അദിതി ഇതിനായി തെരെഞ്ഞെടുത്തത്. കഥകളിലൂടെ ആര്ത്തവം എന്തെന്നും ഇതെന്നും എങ്ങനെ നേരിടണം എന്നും അദിതി പറഞ്ഞു മനസിലാക്കി. ഒരു ടീച്ചറും ആര്ത്തപ്രായത്തോടു അടുക്കുന്ന മൂന്നു കുട്ടികളുമായി മെന്സ്ട്രുപീഡിയ കോമിക്സിലെ കഥാപാത്രങ്ങള്.
ടീച്ചറോട് കുട്ടികള് ആര്ത്തവസംബന്ധമായ സംശയങ്ങള് ചോദിക്കുന്നു. ടീച്ചര് മറുപടി പറയുന്നു . ആ രീതിയിലാണ് മെന്സ്ട്രുപീഡിയ അവതരിപ്പിക്കപ്പെട്ടിരിക്കുന്നത്. കേട്ടവര് കേട്ടവര് സംഭവം ആദ്യം കളിയായി കരുതി എങ്കിലും പിന്നീടാണ് ഇതിന്റെ ബിസിനസ് താളം മനസിലായത്. കന്നഡ, ഒറിയ, ഹിന്ദി, ഇംഗ്ലീഷ്, ബംഗാളി തുടങ്ങിയ ഭാഷകളില് ഇന്ന് മെന്സ്ട്രുപീഡിയ എത്തുന്നു.
ഓണലൈന് വഴി നിശ്ചിതതുക കൊടുത്ത് പുസ്തകം സബ്സ്ക്രൈബ് ചെയ്യാവുന്നതാണ്. കഴിഞ്ഞ മൂന്നു വര്ഷങ്ങള്കൊണ്ട്, സമൂഹത്തിനു ഉതകുന്ന ഒരു പ്രവര്ത്തി ചെയ്യാന് കഴിഞ്ഞു എന്നും അതിലൂടെ തനിക്ക് മികച്ച ഒരു വരുമാനമാര്ഗം കണ്ടെത്താന് കഴിഞ്ഞു എന്നും അദിതി പറയുന്നു.
ആദിനാരി, അടുത്തത് ആഭരണങ്ങള്
Read more
മെന്സ്ട്രുപീഡിയയുടെ വിജയശേഷം, അദിതി ഇപ്പോള് ശ്രദ്ധപതിപ്പിക്കുന്നത് തന്റെ പുതിയ ബ്രാന്ഡ് ആയ ആദിനാരിയിലാണ്. പൂര്ണമായും പ്രകൃതിക്ക് ഇണങ്ങുന്ന രീതിയില് നിര്മിച്ചിരിക്കുന്ന ടെറാക്കോട്ട ആഭരങ്ങളാണ് ആദിനാരി. ആദിനാരിയുടെ എക്സിബിഷനും വില്പനയും ഇപ്പോള് ഡല്ഹിയില് പൊടിപൊടിക്കുകയാണ്