UAE ആസ്ഥാനമായ ICL ടൂര്‍സ് ആന്‍ഡ് ട്രാവല്‍സ് LLCയ്ക്ക് ഐക്യരാഷ്ട്ര സംഘടനയുടെ ലോക ടൂറിസം ഓര്‍ഗനൈസേഷനില്‍ അഫിലിയേഷന്‍ ലഭിച്ചു. ICL ടൂർസ് ആൻഡ് ട്രാവൽസ് LLC ആഗോളതലത്തിൽ 100ൽ പരം പുതിയ ശാഖകളുമായി വിപുലീ കരി ക്കാൻ ഒരുങ്ങുകയാണ്. ടൂറുകളിലും ട്രാവല്‍ വ്യവസായത്തിലും മുന്‍നിരയിലുള്ള ICL ടൂര്‍സ് ആന്‍ഡ് ട്രാവല്‍സ് LLC വ്യക്തിഗതവും സുസ്ഥിരവുമായ യാത്രാനുഭവങ്ങളില്‍ വൈദഗ്ദ്ധ്യം നേടിയ സ്ഥാപനമാണ്. യുണൈറ്റഡ് നേഷന്‍സ് വേള്‍ഡ് ടൂറിസം ഓര്‍ഗനൈസേഷനുമായി (UNWTO) ഔദ്യോഗിക ബന്ധം സ്ഥാപിച്ചത് ലോകത്തിന് മുന്നില്‍ പ്രഖ്യാപിക്കുന്നതില്‍ അഭിമാനിക്കുന്നുവെന്ന് ICL ടൂര്‍സ് ആന്‍ഡ് ട്രാവല്‍സ് അറിയിക്കുന്നു. 2024 നവംബര്‍ 14-ന് കൊളംബിയയിലെ കാര്‍ട്ടജീന ഡി ഇന്ത്യയില്‍ നടന്ന യുഎന്‍ഡബ്ല്യുടിഒ എക്‌സിക്യൂട്ടീവ് കൗണ്‍സിലിന്റെ 122-ാമത് സെഷനിലാണ് അഭിമാനകരമായ ഈ അംഗീകാരം ICL ടൂര്‍സ് ആന്‍ഡ് ട്രാവല്‍സ് LLCയ്ക്ക് ലഭിച്ചത്.
UNന്റെ പ്രത്യേക ഏജന്‍സി എന്ന നിലയില്‍ ഗവണ്‍മെന്റുകളുമായും സ്വകാര്യമേഖലയുമായും മറ്റു പങ്കാളികളുമായി സഹകരിച്ചും, 2030ലെ അജണ്ടയുമായി യോജിച്ചു പോകും വിധത്തിലാണ് സാമ്പത്തിക വളര്‍ച്ചയ്ക്കും വികസനത്തിനും പരിസ്ഥിതി സുസ്ഥിരതയ്ക്കും ഒരു ഉത്തേജകമായി UNWTO ടൂറിസത്തെ വികസിപ്പിച്ചെടുക്കുന്നത്. UNWTO-യുടെ അഫിലിയേറ്റ് അംഗമാകുന്നതിലൂടെ സുസ്ഥിര ടൂറിസം മുന്നോട്ട് കൊണ്ടുപോകാന്‍ പ്രതിജ്ഞാബദ്ധമായ 470-ലധികം ഓര്‍ഗനൈസേഷനുകളുടെ ആഗോള ശൃംഖലയില്‍ ICL ടൂര്‍സ് ആന്‍ഡ് ട്രാവല്‍സ് LLC ഉം പങ്കുചേരുകയാണ്. കമ്മ്യൂണിറ്റികളെ ശാക്തീകരിക്കുകയും സാംസ്‌കാരിക പൈതൃകവും പരിസ്ഥിതിയും സംരക്ഷിക്കുകയും ചെയ്യുന്ന ടൂറിസം പ്രോത്സാഹിപ്പിക്കുന്നതിനുള്ള കമ്പനിയുടെ ദൗത്യത്തെ ഈ പങ്കാളിത്തം ശക്തിപ്പെടുത്തുമെന്നും ICL ടൂര്‍സ് ആന്‍ഡ് ട്രാവല്‍സ് അറിയിക്കുന്നു. ഈ പങ്കാളിത്തം തങ്ങള്‍ക്ക് ഒരു സുപ്രധാന നാഴികക്കല്ലാണെന്ന് ഐസിഎല്‍ ഗ്രൂപ്പ് ഓഫ് കമ്പനീസ് ചെയര്‍മാന്‍ കെ.ജി. അനില്‍കുമാര്‍ പറഞ്ഞു.
”ആഗോള നേതാക്കളുമായി സഹകരിക്കാനും മികച്ച സമ്പ്രദായങ്ങള്‍ പങ്കിടാനും കൂടുതല്‍ സുസ്ഥിരമായ ടൂറിസം മേഖലയിലേക്ക് സംഭാവന നല്‍കാനും ഇത് ഒരു വേദി നല്‍കുന്നു. യാത്രക്കാര്‍ക്കും ഞങ്ങള്‍ സര്‍വീസ് നടത്തുന്ന ലക്ഷ്യസ്ഥാനങ്ങള്‍ക്കും പ്രയോജനപ്പെടുന്ന, ഫലപ്രദവും ഉത്തരവാദിത്തമുള്ളതുമായ യാത്രാ അനുഭവങ്ങള്‍ സൃഷ്ടിക്കാന്‍ കഴിയുമെന്ന് ഞങ്ങള്‍ പ്രതീക്ഷിക്കുന്നു’,
”UNWTO യുമായുള്ള ഞങ്ങളുടെ ബന്ധം സുസ്ഥിരതയോടുള്ള ഞങ്ങളുടെ പ്രതിബദ്ധത ഉറപ്പിക്കുക മാത്രമല്ല, സാംസ്‌കാരിക വിനിമയവും കമ്മ്യൂണിറ്റി ശാക്തീകരണവും വളര്‍ത്തുന്നതിനുള്ള ഞങ്ങളുടെ കഴിവ് വര്‍ദ്ധിപ്പിക്കുകയും ചെയ്യുന്നുവെന്നും ആഗോള ടൂറിസത്തിന്റെ ഭാവി രൂപപ്പെടുത്തുന്നതില്‍ നിര്‍ണായക പങ്ക് വഹിക്കുന്നതില്‍ ഞങ്ങള്‍ സന്തുഷ്ടരാണെന്നും ICL ടൂര്‍സ് ആന്‍ഡ് ട്രാവല്‍സ് LLC മാനേജിംഗ് ഡയറക്ടര്‍ ഉമ
അനില്‍കുമാര്‍ പറഞ്ഞു. ICL ഗ്രൂപ്പ് ഇന്റര്‍നാഷണല്‍ ഓപ്പറേഷന്‍സ് ഡയറക്ടര്‍ അമല്‍ജിത്ത് എ മേനോന്‍ അഭിപ്രായപ്പെട്ടത് ഇങ്ങനെയാണ്.
”UNWTO നെറ്റ്വര്‍ക്കിന്റെ ഭാഗമാകുന്നത് ആഗോള തലത്തില്‍ സഹകരിക്കാനുള്ള അവസരം നല്‍കുന്നു, ഉത്തരവാദിത്ത ടൂറിസം മുന്നോട്ട് കൊണ്ടുപോകുന്നതിനുള്ള ഞങ്ങളുടെ ശ്രമങ്ങളെ വ്യവസായ പ്രമുഖരുമായുള്ള ബന്ധം കൂടുതല്‍ മികച്ചതാക്കും. അര്‍ത്ഥവത്തായ യാത്രാനുഭവങ്ങള്‍ നല്‍കുന്നതിന് സമാന ചിന്താഗതിക്കാരായ ഓര്‍ഗനൈസേഷനുകള്‍ക്കൊപ്പം പ്രവര്‍ത്തിക്കാന്‍ ഞങ്ങള്‍ സന്തുഷ്ടരാണ്’
സാമ്പത്തിക വളര്‍ച്ചയിലൂടെയും വികസന അവസരങ്ങളിലൂടെയും കമ്മ്യൂണിറ്റികളെ ശാക്തീകരിക്കുക, പ്രകൃതിയും സാംസ്‌കാരിക പൈതൃകവും സംരക്ഷിക്കുന്നതിനുള്ള ഉത്തരവാദിത്ത യാത്രയെ പ്രോത്സാഹിപ്പിക്കുക, വൈവിധ്യമാര്‍ന്ന കമ്മ്യൂണിറ്റികളെ ആഘോഷിക്കാനും മനസ്സിലാക്കാനും സാംസ്‌കാരിക കൈമാറ്റം പ്രോത്സാഹിപ്പിക്കുക എന്നിങ്ങനെ ഐസിഎല്‍ ടൂര്‍സ് ആന്‍ഡ് ട്രാവല്‍സ് എല്‍എല്‍സിയുടെ സമീപനം ഈ മൂന്ന് പ്രധാന കാര്യങ്ങളാല്ലാണ് നയിക്കപ്പെടുന്നത്.
ICL FINCORP ചെയർമാൻ കം മാനേജിംഗ് ഡയറക്ടർ അഡ്വ. കെ.ജി. അനിൽകുമാർ, ICL TOURS & TRAVELS LLC മാനേജിംഗ് ഡയറക്ടർ ഉമ അനിൽകുമാർ, ICL ഗ്രൂപ്പിന്റെ അന്തർദേശീയ പ്രവർത്തനങ്ങൾക്കുള്ള ഡയറക്ടർ അമൽജിത്ത് എ. മേനോൻ, ICL ദുബായ് പ്രതിനിധി റയനത്ത് അലി എന്നിവർ
Read more
UNWTO അഫിലിയേഷനിലൂടെ, ഐക്യരാഷ്ട്രസഭയുടെ സുസ്ഥിര വികസന ലക്ഷ്യങ്ങളിലേക്കുള്ള സംഭാവനകള്‍ വര്‍ദ്ധിപ്പിക്കാന്‍ കമ്പനി തയ്യാറാണെന്നും മാനേജ്‌മെന്റ്‌ അറിയിച്ചു. UNWTO യുടെ സ്ഥാപനപരമായ പിന്തുണയില്‍ നിന്നും വിശ്വാസ്യതയില്‍ നിന്നും പ്രയോജനം നേടുന്നതോടൊപ്പം തന്നെ ICL ടൂര്‍സിന്റെ സംരംഭങ്ങള്‍ പ്രദര്‍ശിപ്പിക്കാനും സമാന ചിന്താഗതിക്കാരായ സംഘടനകളുമായി സഹകരിക്കാനും ആഗോള പ്രോജക്ടുകളില്‍ പങ്കെടുക്കാനും വിലപ്പെട്ട വ്യവസായ സ്ഥിതിവിവരക്കണക്കുകള്‍ ആക്‌സസ് ചെയ്യാനും ഈ പങ്കാളിത്തം പ്രാപ്തമാക്കുന്നു. കൂടുതല്‍ ധാര്‍മ്മികവും ഫലപ്രദവുമായ ആഗോള ടൂറിസം ലാന്‍ഡ്‌സ്‌കേപ്പ് രൂപപ്പെടുത്തുന്നതിനുള്ള ഐസിഎല്‍ ടൂര്‍സ് ആന്‍ഡ് ട്രാവല്‍സ് എല്‍എല്‍സിയുടെ യാത്രയില്‍ ഈ അംഗീകാരം ഒരു ചുവടുവെപ്പ് അടയാളപ്പെടുത്തുന്നുവെന്നും കമ്പനി അറിയിച്ചു. ദുബായിൽ നടന്ന വാർത്താസമ്മേളനത്തിൽ ICL FINCORP ചെയർമാൻ കം മാനേജിംഗ് ഡയറക്ടർ അഡ്വ. കെ.ജി. അനിൽകുമാർ, ICL TOURS & TRAVELS LLC മാനേജിംഗ് ഡയറക്ടർ ഉമ അനിൽകുമാർ, ICL ഗ്രൂപ്പിന്റെ അന്തർദേശീയ പ്രവർത്തനങ്ങൾക്കുള്ള ഡയറക്ടർ അമൽജിത്ത് എ. മേനോൻ, ICL ദുബായ് പ്രതിനിധി റയനത്ത് അലി എന്നിവർ പങ്കെടുത്തു.
