Connect with us
https://southlive.in/wp-content/uploads/2018/08/728-x-90-pix.jpg

BUSINESS NEWS

ഇന്ത്യന്‍ ബാങ്കുകളോ നിക്ഷേപകരുടെ പണമോ അപകടത്തിലല്ലെന്ന് റിസര്‍വ് ബാങ്ക് മുന്‍ എക്സി. ഡയറക്ടര്‍ ജി. പത്മനാഭന്‍

, 9:22 pm

ഇന്ത്യന്‍ ബാങ്കിംഗ് സംവിധാനം ചില പ്രതിസന്ധികളിലൂടെ കടന്നുപോകുകയാണെന്നും എന്നാല്‍ രാജ്യത്തെ ബാങ്കുകളോ നിക്ഷേപകരുടെ പണമോ അപകടത്തില്‍ അല്ലെന്ന് റിസര്‍വ് ബാങ്ക് ഓഫ് ഇന്ത്യ മുന്‍ എക്സിക്യൂട്ടിവ് ഡയറക്റ്ററും ബാങ്ക് ഓഫ് ഇന്ത്യയുടെ ചെയര്‍മാനുമായ ജി. പത്മനാഭന്‍. ധനം ബിസിനസ് മാഗസിന്‍ കൊച്ചി ലെ മെറിഡിയനില്‍ സംഘടിപ്പിച്ച പ്രഥമ ധനം ബാങ്കിംഗ്, ഫിനാന്‍സ് ആന്‍ഡ് ഇന്‍വെസ്റ്റമെന്റ് സമിറ്റ് & അവാര്‍ഡ് നൈറ്റ് 2018 ഉദ്ഘാടനം ചെയ്യുകയായിരുന്നു അദ്ദേഹം.

‘കിട്ടാക്കടമാണ് ബാങ്കുകള്‍ നേരിടുന്ന ഒരു പ്രധാന വെല്ലുവിളി. പൊതുമേഖലാ ബാങ്കുകള്‍ മൂലധന അപര്യാപ്തതയും നേരിടുന്നുണ്ട്. റീറ്റെയ്ല്‍ മേഖലയില്‍ ബാങ്കിംഗ് ഇതര ധനകാര്യ സ്ഥാപനങ്ങളില്‍ നിന്നുള്ള മല്‍സരമാണ് മറ്റൊരു പ്രശ്നം,’ പത്മനാഭന്‍ ചൂണ്ടിക്കാട്ടി.
ബാങ്ക് ഓഫ് ദി ഇയര്‍, നോണ്‍-ബാങ്കിംഗ് കമ്പനി ഓഫ് ദി ഇയര്‍ തുടങ്ങിയ 11 അവാര്‍ഡുകള്‍് സമാപനച്ചടങ്ങില്‍ സമ്മാനിച്ചു. ബാങ്കിംഗിലെ പുത്തന്‍ പ്രവണതകള്‍, സാമ്പത്തിക-ഓഹരി വിപണികളിലെ മാറ്റങ്ങള്‍, ഡിജിറ്റല്‍ ഡിസ്റപ്ഷന്‍, തുടങ്ങിയ വിവിധ വിഷയങ്ങളില്‍ രാജ്യത്തിന്റെ വിവിധ ഭാഗങ്ങളില്‍ നിന്നെത്തുന്ന വിദഗ്ധര്‍ സംഗമത്തില്‍ പ്രഭാഷണം നടത്തി.

ബാങ്കിംഗും സാമ്പത്തിക വിപണിയും, ഓഹരി വിപണിയിലെ അവസരങ്ങള്‍ എന്നീ വിഷയങ്ങളില്‍ രണ്ട് പാനല്‍ ചര്‍ച്ചകളും നടന്നു. കാത്തലിക് സിറിയന്‍ ബാങ്ക് ചെയര്‍മാന്‍ ടി. എസ്. അനന്തരാമന്‍, ഫെഡറല്‍ ബാങ്ക് മുന്‍ചെയര്‍മാന്‍ കെ. പി. പത്മകുമാര്‍, ഇസാഫ് സ്മോള്‍ ഫിനാന്‍സ് ബാങ്ക് എംഡി കെ. പോള്‍ തോമസ്, ജിയോജിത് ചീഫ് ഇന്‍വെസ്റ്റ്മെന്റ് സ്ട്രാറ്റജിസ്റ്റ് ഡോ. വി. കെ. വിജയകുമാര്‍, ഹെഡ്ജ് ഇക്വിറ്റീസ് എംഡി അലക്സ് കെ. ബാബു, അക്യുമെന്‍ ക്യാപ്പിറ്റല്‍ മാര്‍ക്കറ്റ് വൈസ് ചെയര്‍മാന്‍ അക്ഷയ് അഗര്‍വാള്‍, ഫെഡറല്‍ ബാങ്ക് മുന്‍ ചീഫ് ജനറല്‍ മാനേജര്‍ കെ. ആര്‍. മോഹനചന്ദ്രന്‍, മോട്ടിലാല്‍ ഓസ് വാള്‍ സെക്യൂരിറ്റീസിലെ ഉത്തര രാമകൃഷ്ണന്‍, അഫ്ളുവന്‍സ് വെല്‍ത്ത് അഡൈ്വസേഴ്സ് ഇന്‍വെസ്റ്റ്മെന്റ് അഡൈ്വസര്‍ മാക്സി ജോസ് എന്നിവരാണ് ഈ ചര്‍ച്ചകളില്‍ സംബന്ധിച്ചു. ധനം ചീഫ് എഡിറ്ററും മാനേജിംഗ് ഡയറക്റ്ററുമായ കുര്യന്‍ ഏബ്രഹാം, ഫെഡറല്‍ ബാങ്ക് മുന്‍ ചെയര്‍മാന്‍ കെ പി പത്മകുമാര്‍ എന്നിവര്‍ സംസാരിച്ചു.

Advertisement