ആറാമത് പെപ്പെ കേരള ഗാര്മെന്റ്സ് പ്രീമിയര്‍ ലീഗ് ക്രിക്കറ്റ് ടൂര്‍ണമെന്റിലെ കളിക്കാരുടെ ലേലം ശ്രീ. ബിജോ അലക്സാണ്ടര്‍, പൊലീസ് സൂപ്രണ്ട് (മനുഷ്യാവകാശ കമ്മീഷന്‍) ഉദ്ഘാടനം ചെയ്തു. സമീപം പ്രസിഡന്റ് ശ്രീ. വി.എം.എച്ച്. അഹമ്മദുള്ള, സെക്രട്ടറി സാബി ജോണ്‍, ഗാര്മെന്റ്സ് ക്രിക്കറ്റ് അസോസിയേഷന്‍ ട്രസ്റ്റ് അംഗങ്ങളും 12 ടീം ഉടമകളും എറണാകുളത്തെ അബാദ് പ്ലാസ ഹോട്ടലില്‍ വച്ച് നടന്ന ചടങ്ങില്‍ പങ്കെടുത്തു.
ഗാര്‍മെന്റ് ക്രിക്കറ്റ് അസ്റ്റോസിയേഷന്‍ ട്രസ്റ്റ് കൊച്ചി ത്രിപ്പൂണിത്തുറ ആസ്ഥാനമാക്കി സംസ്ഥാനത്തുടനീളം പ്രവര്‍ത്തിക്കുന്ന ഒരു ചാരിറ്റബിള്‍ സൊസൈറ്റി ആണ്. ടെക്സ്റ്റൈല്‍, ഗാര്മെന്റ്സ് മേഖലകളില്‍ പ്രവര്‍ത്തിക്കുന്ന ആളുകളുടെ മാനസ്സികവും, ശാരീരികവും തൊഴില്‍പരവുമായ ഉന്നമനത്തിനു വേണ്ടിയുളള പരിപാടികള്‍ സംഘടിപ്പിച് നടപ്പിലാക്കുക എന്നതാണ് ഈ ട്രസ്റ്റിന്റെ പ്രധാനലക്ഷ്യം.
ഇതിനെ മുന്‍നിര്‍ത്തി എല്ലാവര്‍ഷവും വളരെ വിപുലമായ രീതിയില്‍ മികച്ച ഒരു ക്രിക്കറ്റ് ടൂര്‍ണമെന്റ് സംഘടിപ്പിച്ചു വരുന്നു. ടെക്സ്റ്റല്‍ മേഖലയില്‍ പ്രവര്‍ത്തിക്കുന്ന ടീലേഴ്സ്, ഡിസ്ട്രിബൂട്ടേഴ്സ്, എക്സിക്യൂട്ടീവ്സ് എന്നിവരാണ് വിവിധ ടീമുകളിലായി കളിക്കുന്നത്.