ഇന്‍ഫോസിസിന്റെ സിഇഒ ആന്‍ഡ് മാനേജിംഗ് ഡയറക്ടറായി സലില്‍ എസ്. പരേഖിനെ തെരഞ്ഞെടുത്തു. 2018 ജനുവരി രണ്ടിനായിരിക്കും സലിൽ ഇന്‍ഫോസിസില്‍ സിഇഒ ആയി ചുമതലയേൽക്കുക.
ഫ്രഞ്ച് ഐടി സര്‍വീസ് കമ്പനിയായ കാംപ്‌ജെമിനിയുടെ ഗ്രൂപ്പ് എക്‌സിക്യുട്ടീവ് ബോര്‍ഡ് അംഗമായിരുന്നു അദ്ദേഹം. വിശാല്‍ സിക്ക സിഇഒ സ്ഥാനം രാജിവച്ചതിനെ തുടർന്ന് യു ബി. പ്രവീൺ റാവുവിനാ‍യിരുന്നു സിഇഒയുടെ താൽക്കാലിക ചുമതല.
ബോംബെ ഐഐടിയില്‍ നിന്ന് എയറോനോട്ടിക്കല്‍ എന്‍ജിനിയറിംഗിൽ ബിരുദം നേടിയിട്ടുള്ള സലിൽ കോര്‍ണെല്‍ യൂണിവേഴ്‌സിറ്റിയില്‍ നിന്ന് മെക്കാനിക്കല്‍ എന്‍ജിനിയറിംഗ്, കംപ്യൂട്ടര്‍ സയന്‍സ് എന്നിവയിൽ ബിരുദാനന്തര ബിരുദവും കരസ്ഥമാക്കിയിട്ടുണ്ട്.