ആഭ്യന്തര ഓഹരി വിപണി തിങ്കളാഴ്ചത്തെ സെഷനിൽ കുത്തനെ ഉയർന്നു, കോർപ്പറേറ്റ് നികുതി നിരക്ക് കുറയ്ക്കാൻ സർക്കാർ തീരുമാനിച്ചതിന് ശേഷം ഏഷ്യൻ കമ്പനികളിൽ ഉണർവുണ്ടാകുകയും നേട്ടങ്ങൾ തുടർച്ചയായ രണ്ടാം ദിവസത്തിലേക്ക് വ്യാപിക്കുകയും ചെയ്തു. എസ് ആന്റ് പി ബി എസ് ഇ സെൻസെക്സ് സൂചിക 1,331.39 പോയിൻറ് ഉയർന്ന് 39,346.01 ലെത്തി. വിശാലമായ എൻ‌എസ്‌ഇ നിഫ്റ്റി ബെഞ്ച്മാർക്ക് 11,666.35 ലേക്ക് ഉയർന്നു. മുൻപത്തെ അപേക്ഷിച്ച് 392.15 പോയിൻറ് ഉയർച്ചയാണിത്.
ഐടിയും ഫാർമയും ഒഴിച്ചു നിർത്തിയാൽ ബാങ്കിംഗ്, ഓട്ടോ, കൺസ്യൂമർ ഗുഡ്സ് ഷെയറുകൾ വിപണിയെ ഉയർന്ന നിലയിലേക്ക് ഉയർത്തി. രാവിലെ 9:21 ന് സെൻസെക്സ് 1,045.98 പോയിൻറ് അഥവാ 2.75 ശതമാനം ഉയർന്ന് 39,060.60 എന്ന നിലയിലാണ് വ്യാപാരം നടത്തിയത്. നിഫ്റ്റി 295.45 പോയിൻറ് അഥവാ 2.62 ശതമാനം ഉയർന്ന് 11,569.65 ൽ എത്തി.
ഐടിസി, ലാർസൻ ആന്റ് ട്യൂബ്രോ, ഇൻഡസ്ഇൻഡ് ബാങ്ക്, ബ്രിട്ടാനിയ, ഐസിഐസിഐ ബാങ്ക്, ഏഷ്യൻ പെയിന്റ്സ് എന്നിവയാണ് 50-സ്ക്രിപ് സൂചികയിൽ ഏറ്റവും കൂടുതൽ നേട്ടമുണ്ടാക്കിയത്. 5.07 ശതമാനത്തിനും 8.28 ശതമാനത്തിനും ഇടയിലാണ് വ്യാപാരം. കഴിഞ്ഞ വെള്ളിയാഴ്ച എസ് ആന്റ് പി ബി എസ് ഇ സെൻസെക്സ് സൂചിക 1921.15 പോയിൻറ് അഥവാ 5.32 ശതമാനം ഉയർന്ന് 38,014.62 ൽ അവസാനിച്ചു. കഴിഞ്ഞ 10 വർഷത്തിനിടയിലെ ഏറ്റവും മികച്ച ഏകദിന നേട്ടമാണിത്.