റോയല്‍ എന്‍ഫീല്‍ഡെന്നു കേട്ടാല്‍ ചോര തിളക്കണമെന്നാണ് ന്യൂജെനറേഷന്റെ പുതിയ മുദ്രാവാക്യം. ഡ്യൂക്കും മോജോയും വന്ന് എന്‍ഫീല്‍ഡിന് നേരിയ പണി കൊടുക്കുന്നുണ്ടെങ്കിലും കാര്യങ്ങള്‍ “റോയലായി” തന്നെ തുടരുന്നു. റോയല്‍ എന്‍ഫീല്‍ഡ് ഉടമകള്‍ക്ക് ബൈക്ക് ഓടിക്കുന്നതിനേക്കാള്‍ താല്‍പര്യം ഇതിന്റെ വിശേഷങ്ങള്‍ പറയുന്നതിലാകും. ഒരു തരം ആരാധന. ഈ ആരാധനയ്ക്കിടയില്‍ ബുള്ളറ്റ് പോരാ എന്നാരെങ്കിലും പറഞ്ഞാല്‍ മതി. മമ്മുട്ടിയെ വിമര്‍ശിച്ച പാര്‍വതിക്ക് കിട്ടിയ പൊങ്കാലയൊന്നും ഒന്നുമാകില്ല. ഓടാന്‍ കണ്ടവും മതിയാകില്ല.
എന്നാല്‍, ഈ മുതലാളിമാരുടെ തന്നെ രോദനാണ് പുതിയ റോയല്‍ എന്‍ഫീല്‍ഡ് വിശേഷം. കമ്പനിയുടെ തരക്കേടില്ലാത്തെ മോഡല്‍ എന്ന് പറയപ്പെടുന്ന ഹിമാലയന് പുതിയ അവതാരത്തെ എത്തിക്കുമെന്ന ഫെയ്‌സ്ബുക്ക് പോജ് പോസ്റ്റിനടിയിലാണ് എന്‍ഫീല്‍ഡ് മുതലാളിമാരുടെ രോദനം. പുതിയ മോഡലൊന്നുമല്ല, ഉള്ളതിനെ ഒന്നു മിനുക്കി കൊണ്ടുവരാനാണ് കമ്പനി ഒരുങ്ങുന്നത്. എല്ലാസമയത്തെയും പോലെ ഒരു ബില്‍ഡ് അപ്പ് ഒക്കെ നല്‍കി സംഭവം മാസാണെന്ന് കാണിക്കാനുള്ള വിപണ തന്ത്രത്തിന് പുറത്ത് ഒന്നുമില്ലെന്നാണ് പോസ്റ്റിന് കമന്റുകളായി വരുന്നത്.
ഇനി നിങ്ങള്‍ ഒരു റോയല്‍ എന്‍ഫീല്‍ഡ് ബൈക്കെടുക്കുകയാണെങ്കില്‍ രണ്ടു മൂന്ന് കാന്‍ എന്‍ജിന്‍ ഓയിലും കരുതിക്കോ എന്നും ചില മുതലാളിമാര്‍ കമന്റിടുന്നുണ്ട്. റോയല്‍ എന്‍ഫീല്‍ഡ് എന്ന പ്രതാപമൊക്കെ കളഞ്ഞു മുടിച്ചു. സര്‍വീസിന്റെ കാര്യം ആലോചിക്കുമ്പോള്‍ വണ്ടി വാങ്ങേണ്ടിയിരുന്നില്ലെന്നും ചിലര്‍ പറയുന്നു.
അതേസമയം, ചങ്കാണ് എന്‍ഫീല്‍ഡ് മുത്താണ് എന്‍ഫീല്‍ഡ് ഉയിരാണ് എന്‍ഫീല്‍ഡ് എന്ന് പറയുന്ന ആരാധകരും ഇക്കൂട്ടത്തിലുണ്ട്. എന്തായാലും ഹിമാലയന്റെ പുതിയ പതിപ്പ് 12ന് പുറത്തിറങ്ങും.
Read more
https://www.facebook.com/RoyalEnfield/videos/386961961746435/
