Connect with us
https://southlive.in/wp-content/uploads/2018/08/728-x-90-pix.jpg

BUSINESS

നിങ്ങളുടെ മിച്ചം പണം കൊണ്ട് എങ്ങനെയൊക്കെ നേട്ടം ഉണ്ടാക്കാം ?

, 11:58 am

മാസാവസാനം അല്പം പണം മിച്ചം പിടിക്കുക, അത് സമ്പാദ്യമാക്കി മാറ്റാൻ കഴിയുക – ആരുടെയും ഒരു സ്വപ്നമാണിത്. പുതിയ കാലത്തു ദൈനംദിന ചെലവുകൾ ഏറി വരുമ്പോൾ ഇത് ഏറെക്കുറെ അസാധ്യമായി തീരുന്നു. കാരണം, രണ്ടറ്റവും കൂട്ടിമുട്ടിക്കാൻ പാട് പെടുമ്പോൾ സമ്പാദ്യം പലർക്കും ഒരു മരീചികയാണ്. എന്നിരുന്നാലും മിച്ചം പിടിക്കാൻ കഴിഞ്ഞാൽ ബാങ്കിലെ സ്ഥിരം നിക്ഷേപമോ, മ്യൂച്ചൽ ഫണ്ട് പോലുള്ള ലിക്വിഡ് അസറ്റോ ഏതാണ് ഉചിതം എന്ന് പലർക്കും സംശയമുണ്ടാകും. രണ്ടിന്റെയും നേട്ടവും കോട്ടവും എന്തൊക്കെയാണെന്ന് നോക്കാം.
നിക്ഷേപങ്ങൾ താരതമ്യേന റിസ്ക് കുറഞ്ഞതാകണം എന്നാണ് ആഗ്രഹമെങ്കിൽ സ്ഥിര നിക്ഷേപവും ഹൃസ്വകാല മ്യൂച്ചൽ ഫണ്ട് നിക്ഷേപവും സ്വീകരിക്കാവുന്നതാണ്. ലിക്വിഡിറ്റി ആണ് മുഖ്യമെങ്കിൽ ഹൃസ്വകാല മ്യൂച്ചൽഫണ്ടുകൾ നല്ല ചോയ്‌സാണ്. കാരണം എഫ്.ഡിയേക്കാൾ അല്പം കൂടുതൽ റിട്ടേൺ ഇവ നൽകുന്നു.

ബാങ്ക് സ്ഥിര നിക്ഷേപം

@ ബാങ്കുകൾ ഏറ്റവും ചുരുങ്ങിയത് ഏഴു ദിവസം മുതൽ അഞ്ചു വർഷം വരെയുള്ള സ്ഥിര നിക്ഷേപങ്ങൾ സ്വീകരിക്കുന്നു.

@ എത്ര നാളത്തേക്കുള്ള നിക്ഷേപമാണെന്നത് നിങ്ങളുടെ ഹൃസ്വകാല – ദീർഘകാല ആവശ്യങ്ങൾ വിലയിരുത്തി തീരുമാനിക്കണം.

@ കാരണം കാലാവധി പൂർത്തിയയാകും മുൻപ് നിക്ഷേപം പിൻവലിക്കുന്നതായാൽ ബാങ്കുകൾ പിഴ ഈടാക്കാറുണ്ട്.

@ പലിശയിൽ നിന്നുള്ള വരുമാനം ഒരു വർഷത്തിൽ 10,000 രൂപയിൽ കൂടുതലാണെങ്കിൽ അതിന്മേൽ ആദായ നികുതി നൽകേണ്ടതുണ്ട്.

@ ഇത് ബാങ്ക് നിങ്ങളുടെ അക്കൗണ്ടിൽ നിന്നും പിൻവലിച്ച അടക്കുന്നു.

@ ഇപ്പോൾ ബാങ്കുകൾ സ്ഥിര നിക്ഷേപത്തിന് ഏഴു മുതൽ ഒമ്പത് ശതമാനം വരെ പലിശ നൽകുന്നു.

@ സീനിയർ സിറ്റിസൻസിനു കൂടുതൽ പലിശ ലഭിക്കുന്നു.

@ നിക്ഷേപങ്ങൾക്ക് ഇൻഷുറൻസ് ഉള്ളതിനാൽ സ്ഥിര നിക്ഷേപങ്ങൾ താരതമ്യേന സുരക്ഷിതമാണ്.

ലിക്വിഡ്മ്യൂച്വൽ ഫണ്ടുകൾ

@ നിങ്ങളുടെ സമ്പാദ്യം അല്പകാലത്തേക്ക് നിക്ഷേപിക്കാനാണ് ഉദ്ദേശമെങ്കിൽ ലിക്വിഡ്മ്യൂച്വൽ ഫണ്ടുകൾ നല്ല ചോയ്‌സാണ്.

@ ഡെബ്റ്റ് ഫണ്ടുകളാണെങ്കിൽ മ്യൂച്വൽ ഫണ്ടുകൾ നിങ്ങളുടെ പണം സർട്ടിഫിക്കറ്റ്ഓഫ് ഡെപ്പോസിറ്റ്സ്, ട്രഷറി ബില്ലുകൾ, കൊമേർഷ്യൽ പേപ്പർ, കാലാവധി നിക്ഷേപങ്ങൾ തുടങ്ങിയ മാർഗങ്ങളിൽ നിക്ഷേപിക്കുന്നു.

@ നിങ്ങൾക്ക് എപ്പോൾ വേണമെങ്കിലും നിക്ഷേപത്തിൽ നിന്നും പിന്മാറാം. ഇതിൽ എൻട്രി ലോഡ്, എക്സിറ്റ് ലോഡ് എന്നിവ ഉണ്ടാകില്ല.

@ ബാങ്കിലെ സ്ഥിരം നിക്ഷേപത്തേക്കാൾ നേട്ടം ഇതിൽ നിന്ന് ലഭിക്കും. എന്നാൽ അത് ഉറപ്പായി ലഭിക്കും എന്ന് പറയാൻ കഴിയില്ല.

@ ഇപ്പോൾ വാർഷികാടിസ്ഥാനത്തിൽ എട്ടു മുതൽ പത്തു ശതമാനം വരെ നേട്ടം ലിക്വിഡ് ഫണ്ടുകൾ നൽകുന്നു.

@ നിങ്ങളുടെ നിക്ഷേപം ഒരു ദിവസം കൊണ്ട് തന്നെ പിൻവലിക്കാൻ കഴിയും.

@ കൂടുതൽ നേട്ടമുള്ള മറ്റു ഫണ്ടുകളിലേക്ക് നിക്ഷേപങ്ങൾ മാറ്റാനും കഴിയുന്നു.

നിക്ഷേപം ദീർഘകാലത്തേക്കോ, ഹൃസ്വകാലത്തേക്കോ എന്നത് നോക്കിയും ലിക്വിഡിറ്റി പരിഗണിച്ചും ആണ് തീരുമാനം എടുക്കേണ്ടത്. മാസം കൃത്യമായി ഒരു തുക മാറ്റി വെക്കാൻ കഴിയുമെങ്കിൽ സിസ്റ്റമാറ്റിക് ഇൻവെസ്റ്റ്‌മെന്റ് പ്ലാൻ [എസ്. ഐ പി] ഒരു നല്ല ചോയ്‌സാണ്. ജോലി കിട്ടുന്ന ആദ്യ മാസം മുതൽ തന്നെ ഇത്തരം നല്ല പ്ലാനുകളിൽ നിക്ഷേപിക്കുന്നത് ദീർഘകാലാടിസ്ഥാനത്തിൽ മികച്ച നേട്ടം നൽകുന്നു. യുവാക്കളായ ജീവനക്കാർ പെൻഷൻ ഫണ്ടുകളിൽ നിക്ഷേപിക്കുന്നതും പരിഗണിക്കേണ്ടതാണ്.

Advertisement