ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് (എയിംസ്) ബി.എസ്‌സി നഴ്‌സിംഗ് (എച്ച്),ബി.എസ്‌സി നഴ്‌സിങ് (പോസ്റ്റ് ബേസിക്),ബി.എസ്‌സി പാരാമെഡിക്കല്‍ കോഴ്‌സുകള്‍ക്കായുള്ള രജിസ്‌ട്രേഷന്‍ തിയതി മെയ് 11 വരെ വീണ്ടും നീട്ടി. കോവിഡ് ഭീഷണിയെ തുടര്‍ന്നുണ്ടായ ലോക്ഡൗണില്‍ രജിസ്‌ട്രേഷനുള്ള അവസാന തിയതി മെയ് 4 വരെ നീട്ടിയിരുന്നു.
പുതിയ ഷെഡ്യൂള്‍ പ്രകാരം ബി.എസ്‌സി നഴ്‌സിംഗ് (എച്ച്),ബി.എസ്‌സി നഴ്‌സിംഗ് (പോസ്റ്റ് ബേസിക്),ബി.എസ്‌സി (പാരാമെഡിക്കല്‍) കോഴ്‌സുകളുടെ (അന്തിമ രജിസ്‌ട്രേഷന്‍ സ്വീകരിച്ചവര്‍ക്ക് മാത്രം) അന്തിമ രജിസ്‌ട്രേഷനായുള്ള കോഡ് ജനറേഷന്‍ മെയ് 11 വൈകുന്നേരം 5 മണി വരെയാണ് നീട്ടിയിരിക്കുന്നത്.
അന്തിമ രജിസ്‌ട്രേഷനായി കോഡ് ജനറേറ്റ് ചെയ്തവര്‍ക്ക് മാത്രമാണ് മെയ് 11 വരെ രജിസ്‌ട്രേഷന്‍ (ഫീസ് അടക്കല്‍, പരീക്ഷാ സെന്റര്‍ മാറ്റം) നീട്ടിയത്.
വെബ്‌സൈറ്റ്: എയിംസ്