തികച്ചും മിനുസമാര്‍ന്ന ചര്‍മ്മം എല്ലാവരും ആഗ്രഹിക്കുന്ന ഒന്നാണ്.എന്നാല്‍ നിങ്ങളുടെ എണ്ണമയമുള്ള ചര്‍മ്മം അതിന് തടസ്സമാകുന്നുണ്ടോ ? നമ്മുടെ ചര്‍മ്മത്തിന് എണ്ണ ആവശ്യമാണ്.എന്നാല്‍ മുഖത്ത് ആ കൊഴുപ്പ് കൂടുതലുള്ളത് ഒട്ടും ആകര്‍ഷകമല്ല. എല്ലാത്തിനുമുപരി, എണ്ണമയമുള്ള മുഖത്തോട് കൂടി ഉണരുന്നത് ആര്‍ക്കും ഇഷ്ടമുള്ള കാര്യമല്ല.ആരോ അക്ഷരാര്‍ത്ഥത്തില്‍ എണ്ണ പുരട്ടിയതായി നിങ്ങള്‍ക്ക് തോന്നും, അല്ലേ? എണ്ണമയമുള്ള ചര്‍മ്മത്തിന് സങ്കീര്‍ണതകളും ബുദ്ധിമുട്ടുകളുമുണ്ട്.
എണ്ണമയമുള്ള ചര്‍മ്മത്തിന്റെ യഥാര്‍ത്ഥ കാരണം ഒരാളുടെ ജനിതക ഘടനയെ ആശ്രയിച്ചിരിക്കുന്നു, എന്നാല്‍ ഈ പ്രശ്‌നം പരിഹരിക്കാന്‍ വഴികളുണ്ട്. നിങ്ങള്‍ക്കറിയാവുന്നതുപോലെ, ചര്‍മ്മം എങ്ങനെ കാണപ്പെടുന്നു എന്നതിന് നമ്മള്‍ കഴിക്കുന്ന ഭക്ഷണപദാര്‍ത്ഥങ്ങള്‍ ഒരു പ്രധാന പങ്ക് വഹിക്കുന്നു. അതിനാല്‍, എന്ത് കഴിക്കണം, എന്തൊക്കെ ഒഴിവാക്കണം എന്നറിയുന്നത് എണ്ണമയമുള്ള ചര്‍മ്മത്തെ നിയന്ത്രിക്കുന്നതില്‍ വളരെയധികം സഹായിക്കും. എണ്ണമയമുള്ള ചര്‍മ്മത്തെ നിയന്ത്രിക്കാന്‍ ചില ഭക്ഷണങ്ങള്‍ ഇതാ:
ബ്രോക്കോളി
ബ്രൊക്കോളി ഒരിക്കലും ഏറ്റവും പ്രിയപ്പെട്ട ഭക്ഷണ അവാര്‍ഡ് നേടിയേക്കില്ല, പക്ഷേ എണ്ണമയമുള്ള ചര്‍മ്മത്തിന് ഇത് നിര്‍ബന്ധമായും ഉണ്ടായിരിക്കേണ്ട ഭക്ഷണമാണ്. വിറ്റാമിന്‍ എയും വിറ്റാമിന്‍ സിയും നിങ്ങളുടെ ചര്‍മ്മത്തിന്റെ ഉറ്റ ചങ്ങാതിമാരാണ്.ബ്രൊക്കോളിയില്‍ ഇവ രണ്ടും അടങ്ങിയിരിക്കുന്നു. ബ്രോക്കോളിയില്‍ അടങ്ങിയിരിക്കുന്ന ആന്റിഓക്സിഡന്റുകള്‍ അധിക എണ്ണ ഉല്‍പാദനത്തെ തടയുന്നു, ഇത് എണ്ണമയമുള്ള ചര്‍മ്മത്തിന് സുരക്ഷയേകുന്നു. പക്ഷേ, ഇത് പച്ചയായി കഴിക്കരുത്. ബ്രോക്കോളി കഴിക്കാനുള്ള നല്ലൊരു വഴിയാണ് സൂപ്പ്.
ധാന്യങ്ങള്‍
കുറഞ്ഞ അളവില്‍ സംസ്‌കരിച്ച ധാന്യങ്ങളില്‍ നാരുകള്‍ അടങ്ങിയിട്ടുണ്ട്. ഇത് നമ്മുടെ ശരീരത്തില്‍ നിന്ന് വിഷവസ്തുക്കളെ ഇല്ലാതാക്കാന്‍ സഹായിക്കുന്നു.അങ്ങനെ നമ്മുടെ ചര്‍മ്മം, മുടി, ആരോഗ്യം എന്നിവ മികച്ച രീതിയില്‍ പ്രവര്‍ത്തിക്കുന്നു. ഫൈബര്‍ ഉള്ളടക്കം ചര്‍മ്മത്തെ എണ്ണമയമുള്ള ചര്‍മ്മത്തിന്റെ ഉപോല്‍പ്പന്നമായ എണ്ണയില്‍ നിന്നും മുഖക്കുരുവില്‍ നിന്നും മുക്തമാക്കുന്നു. കൂടാതെ, ധാന്യങ്ങള്‍ പതിവായി കഴിക്കുന്നത് വീക്കം മൂലമുണ്ടാകുന്ന ചര്‍മ്മത്തിന് കേടുപാടുകള്‍ വരുത്തുന്നത് തടയുന്നു.
തേങ്ങാവെള്ളം
എണ്ണമയമുള്ള ചര്‍മ്മത്തിന് നിങ്ങള്‍ പതിവായി കഴിക്കേണ്ട ഒരു പാനീയമാണിത്. ധാതുക്കള്‍ നിറഞ്ഞ തേങ്ങാവെള്ളം ചര്‍മ്മത്തെ ശുദ്ധമാക്കുകയും ജലാംശം നല്‍കുകയും ചെയ്യുന്നു. അങ്ങനെ എണ്ണ-ജല സന്തുലിതാവസ്ഥ നിലനിര്‍ത്തുന്നു.
കുക്കുമ്പര്‍
എണ്ണമയമുള്ള ചര്‍മ്മത്തിന് നന്മ നിറഞ്ഞ മറ്റൊരു ഭക്ഷണം ഇതാ. അടിസ്ഥാനപരമായി, വെള്ളരിക്കാ 95% വെള്ളം നിറഞ്ഞതാണ്. അതിനാല്‍ അവ നിങ്ങളുടെ ശരീരത്തില്‍ ജലാംശം നല്‍കുന്നതിനും വിഷവസ്തുക്കളെ ശരീരത്തില്‍ നിന്ന് പുറന്തള്ളുന്നതിനും മികച്ചതാണ്. കുക്കുമ്പര്‍ നിങ്ങളുടെ ചര്‍മ്മത്തെ ശുദ്ധീകരിക്കുകയും മാലിന്യങ്ങള്‍ നീക്കം ചെയ്യുകയും ചെയ്യുന്നു. ഇത് മുഖത്ത് എണ്ണ അടിഞ്ഞുകൂടുന്നത് തടയാനും അതിന്റെ അനന്തരഫലമായി മുഖക്കുരു തടയാനും സഹായിക്കുന്നു. ഈ പച്ചക്കറിയുടെ മികച്ച ആന്റിഓക്സിഡന്റ് ഗുണങ്ങള്‍ ചര്‍മ്മത്തിലും ആശ്വാസം പകരാന്‍ ഇത് പ്രാപ്തമാക്കുന്നു.
ഡാര്‍ക്ക് ചോക്ലേറ്റ്
എണ്ണമയമുള്ള ചര്‍മ്മത്തിനുള്ള ഭക്ഷണങ്ങളുടെ പട്ടികയില്‍ ഡാര്‍ക്ക് ചോക്ലേറ്റ് കാണുമ്പോള്‍ നിങ്ങള്‍ ആശ്ചര്യപ്പെടുന്നുണ്ടോ? അത്ഭുതപ്പെടേണ്ട, ഡാര്‍ക്ക് ചോക്ലേറ്റ് രുചികരമാണെന്നതിന് പുറമേ എണ്ണമയമുള്ള ചര്‍മ്മത്തിനെതിരെ പോരാടാനും ഇത് നിങ്ങളെ സഹായിക്കും. ഇതിലെ ഫ്‌ലേവനോയ്ഡുകളുടെ സാന്നിധ്യം ചര്‍മ്മത്തിലെ എണ്ണ ഉല്‍പാദനം നിയന്ത്രിക്കുന്നതിലൂടെ മുഖക്കുരു വീക്കം തടയാന്‍ സഹായിക്കുന്നു. ഡാര്‍ക്ക് ചോക്ലേറ്റില്‍ അടങ്ങിയിരിക്കുന്ന ശക്തമായ ആന്റിഓക്സിഡന്റുകള്‍ നിങ്ങളുടെ ചര്‍മ്മത്തെ മിനുസവും തിളക്കവും നിലനിര്‍ത്തുന്നു.എണ്ണമയമുള്ള ചര്‍മ്മത്തെ നിയന്ത്രിക്കുന്നതിന് ഡാര്‍ക്ക് ചോക്ലേറ്റ് പ്രയോജനകരമാണെങ്കിലും, മിതമായ അളവില്‍ വേണം കേട്ടോ ഇത് കഴിയ്ക്കാന്‍.
അവോക്കാഡോ
അവോക്കാഡോ കഴിക്കാന്‍ നിങ്ങള്‍ക്ക് ശരിക്കും ഒരു കാരണം ആവശ്യമുണ്ടോ? കാരണം ഈ പഴം ഏത് രൂപത്തില്‍ കഴിച്ചാലും രുചി മുകുളങ്ങള്‍ക്ക് ഒരു ആനന്ദമാണ്.അവോക്കാഡോ രുചിക്ക് പുറമേ, അമിതമായ എണ്ണ സ്രവണം തടയുകയും ചര്‍മ്മത്തെ ഫലപ്രദമായി മോയ്‌സ്ചറൈസ് ചെയ്യുകയും ചെയ്യുന്നു.
വാഴപ്പഴം
വിറ്റാമിനുകള്‍, ഫോസ്ഫറസ്, പൊട്ടാസ്യം, മഗ്‌നീഷ്യം എന്നിവയാല്‍ നിറഞ്ഞ വാഴപ്പഴം ഒരു സൂപ്പര്‍ഫുഡാണ്.എണ്ണമയമുള്ള ചര്‍മ്മത്തിന്റെ കാരണങ്ങളിലൊന്ന് സെബത്തിന്റെ അധിക ഉല്‍പാദനമാണെന്ന് നിങ്ങള്‍ക്കറിയാമോ? നിങ്ങളുടെ ശരീരത്തില്‍ പൊട്ടാസ്യം, ഫോസ്ഫറസ്, മഗ്‌നീഷ്യം എന്നിവയുടെ അഭാവം കാരണം സെബത്തിന്റെ അമിതമായ ഉല്‍പാദനം സംഭവിക്കാം.വാഴപ്പഴം അവയെല്ലാം നിറഞ്ഞതാണ്.അതിനാല്‍ ഇത് എണ്ണമയമുള്ള ചര്‍മ്മത്തിന് അനുയോജ്യമായ ഭക്ഷണമായി മാറുന്നു. അതിനാല്‍, നിങ്ങളുടെ എണ്ണമയമുള്ള ചര്‍മ്മത്തെ നിയന്ത്രിക്കാന്‍, ദിവസവും ഒരു വാഴപ്പഴം കഴിക്കുക, ഇത് വളരെ ഗുണം ചെയ്യും. കൂടാതെ, വാഴപ്പഴത്തില്‍ വിറ്റാമിന്‍ ഇ അടങ്ങിയിട്ടുണ്ട്, ഇത് ചര്‍മ്മത്തിന് തിളക്കം നല്‍കാനും സഹായിക്കും.
നാരങ്ങ
ചെറുതും പുളിയുള്ളതുമായ നാരങ്ങ എണ്ണമയമുള്ള ചര്‍മ്മത്തിന് ആത്യന്തിക ഭക്ഷണമാണ്.കാരണം ഇതിന് അമിതമായ എണ്ണ ആഗിരണം ചെയ്യാനുള്ള കഴിവുണ്ട്.കൂടാതെ, ഇത് ചര്‍മ്മത്തില്‍ നിന്ന് വിഷവസ്തുക്കളെ നീക്കം ചെയ്യുകയും മികച്ച ഘടന നല്‍കുകയും ചെയ്യുന്നു.
അണ്ടിപ്പരിപ്പ്
അണ്ടിപ്പരിപ്പ് അത്ഭുതകരമായ രുചിയുള്ളതും ആരോഗ്യപരമായ ഗുണങ്ങള്‍ ധാരാളമുള്ളതുമായ ഒരു ചെറിയ സൂപ്പര്‍ ഫുഡാണ്.പട്ടിണി കിടക്കുമ്പോള്‍ നിങ്ങളെ രക്ഷിക്കുന്നതിനു പുറമേ, എണ്ണമയമുള്ള ചര്‍മ്മത്തിന് നട്സ് വളരെ മികച്ചതാണ്. അവയിലെ ഒമേഗ -3 ഫാറ്റി ആസിഡുകളുടെ സാന്നിധ്യം എണ്ണമയമുള്ള ചര്‍മ്മത്തിന്റെ പ്രശ്നത്തെ സുഖപ്പെടുത്തുകയും വിറ്റാമിനുകളും ധാതുക്കളും നിങ്ങളുടെ ശരീരത്തില്‍ ലോഡുചെയ്യുകയും അങ്ങനെ നിങ്ങളെയും നിങ്ങളുടെ ചര്‍മ്മത്തെയും ആരോഗ്യകരമാക്കുകയും ചെയ്യുന്നു.
ഗ്രീന്‍ വെജിറ്റബിള്‍സ്
നമ്മള്‍ കുട്ടികളായിരിക്കുമ്പോള്‍, നമ്മുടെ അമ്മമാര്‍ അക്ഷരാര്‍ത്ഥത്തില്‍ പച്ചക്കറികള്‍ കഴിപ്പിക്കാന്‍ നമ്മുടെ പിന്നാലെ ഓടിയിട്ടുണ്ടാകും. ചെറുപ്പത്തില്‍ നമ്മള്‍ അത് വെറുത്തപ്പോള്‍, ഇന്ന് അവ പല തരത്തില്‍ നമുക്ക് രക്ഷകരാണ്.നമ്മെ ആരോഗ്യത്തോടെ നിലനിര്‍ത്തുന്നതിനു പുറമേ, ഗ്രീന്‍ വെജിറ്റബിള്‍സിലെ ഫൈബര്‍ നിങ്ങളുടെ ചര്‍മ്മത്തില്‍ ഉല്‍പ്പാദിപ്പിക്കുന്ന അമിതമായ എണ്ണയെ ഇല്ലാതാക്കുന്നു. അതിനാല്‍, അടുത്ത തവണ നിങ്ങള്‍ പച്ച പച്ചക്കറികള്‍ ഒഴിവാക്കാന്‍ ശ്രമിക്കുമ്പോള്‍, ഇതിനെക്കുറിച്ച് സ്വയം ഓര്‍ത്ത് അവ നിശബ്ദമായി കഴിക്കുക.
സിട്രസ് പഴങ്ങള്‍
സിട്രസ് പഴങ്ങളില്‍ വിറ്റാമിന്‍ സി അടങ്ങിയിട്ടുണ്ട്. അതിനാല്‍ ഓറഞ്ച്, പേരക്ക, കിവി, പപ്പായ എന്നിവ നന്നായി കഴിയ്ക്കുക.കാരണം അവയിലെ വിറ്റാമിന്‍ സിയുടെ ഉള്ളടക്കവും വിഷാംശം ഇല്ലാതാക്കുന്ന ഘടകങ്ങളും നിങ്ങളുടെ ചര്‍മ്മത്തില്‍ നിന്ന് അധിക എണ്ണയെ പുറന്തള്ളുകയും കൊഴുപ്പ് കുറയ്ക്കുകയും ചെയ്യുന്നു.