മെറ്റയുടെ സിഇഒയും കോടീശ്വരനുമായ മാർക്ക് സക്കർബർഗ് തന്റെ വീട്ടുമുറ്റത്ത് സ്ഥാപിച്ച ഒരു ഭീമാകാരമായ ഒരു ശിൽപമാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ഭാര്യയായ പ്രിസില്ല ചാൻ്റെ പ്രതിമയാണ് മാർക്ക് സക്കർബർഗ് തന്റെ വീട്ടുമുറ്റത്ത് തന്നെ സ്ഥാപിച്ചിരിക്കുന്നത്.
ഭാര്യയുടെ ശിൽപം നിർമ്മിക്കുന്ന റോമൻ പാരമ്പര്യം തിരികെ കൊണ്ടുവരുന്നു എന്ന അടികുറിപ്പോടെയാണ് സക്കർബർഗ് പോസ്റ്റ് പങ്കുവച്ചിരിക്കുന്നത്. ന്യൂയോർക്ക് നഗരം ആസ്ഥാനമായുള്ള പ്രശസ്ത കലാകാരനായ ഡാനിയൽ അർഷാം ആണ് ഈ ശിൽപം നിർമിച്ചിരിക്കുന്നത്.
View this post on Instagram
ഇത്രയും പ്രധാനപ്പെട്ട ഒരു കലാസൃഷ്ടി തൻ്റെ ഭാര്യക്ക് സമർപ്പിക്കാനുള്ള സുക്കർബർഗിൻ്റെ തീരുമാനത്തിന് കയ്യടിക്കുകയാണ് സോഷ്യൽ മീഡിയ. 12 വർഷത്തിലേറെയായി വിവാഹിതരായ മാർക്ക് സക്കർബർഗും പ്രിസില്ല ചാനും – മാക്സിമ, ഓഗസ്റ്റ്, ഔറേലിയ എന്നീ മൂന്ന് പെൺമക്കളുടെ മാതാപിതാക്കളാണ്
2003-ൽ മാർക്ക് സക്കർബർഗ് ഹാർവാർഡിൽ പഠിക്കുന്ന സമയത്ത് ഒരു കോളേജ് പാർട്ടിയിൽ വച്ച് കണ്ടുമുട്ടിയതോടെയാണ് ദമ്പതികളുടെ ബന്ധം ആരംഭിച്ചത്.
