Connect with us
https://southlive.in/wp-content/uploads/2018/08/728-x-90-pix.jpg

STORY PLUS

മനസമാധാനത്തിനായി 5000 രൂപ നല്‍കി കെട്ടിപ്പിടിക്കാം; ലൈംഗികതയ്ക്ക് ഈ ‘പുണരലില്‍’ സ്ഥാനമില്ല

, 5:42 pm

കെട്ടിപ്പിടുത്തം ഒരു മരുന്നാണ്. ശാസ്ത്രത്തിന് കണ്ടുപിടിക്കാന്‍ കഴിയാത്ത മനുഷ്യനിലെ ഒട്ടെറെ രോഗങ്ങള്‍ അലിയിച്ചുകളയാനുള്ള, ആര്‍ക്കും അനായാസം നല്‍കാന്‍ കഴിയുന്ന ദിവ്യഔഷധം. എന്നാല്‍ ഈ വൈദ്യത്തെക്കുറിച്ച് നമ്മള്‍ അത്ര ബോധവാന്മാരാല്ലെന്നാണ് യാഥാര്‍ത്ഥ്യം. എന്നാല്‍ അതൊരു സേവനമായാലോ ? മണിക്കൂറിന് 5000 രൂപ വരെ ഈടാക്കുന്ന ഒരു സേവനം.  സദാചാരബോധം മനസ്സില്‍ അടിയുറച്ചുപോയവര്‍ക്ക് അതങ്ങ് ദഹിക്കാന്‍ വളരെ പാടായിരിക്കും. എന്നാല്‍ ഇതും യാഥാര്‍ത്ഥ്യമാണ്.

സംഗതി അങ്ങ് അമേരിക്കയിലാണ്. മനുഷ്യനും മനുഷ്യനും മാത്രം അറിയുന്ന ഭാഷയാണ് ആലിംഗനം. അതില്‍ സ്വന്തങ്ങളില്ല.ബന്ധങ്ങളുമില്ല. ആര്‍ക്കും വേണമെങ്കിലും കെട്ടിപ്പിടിക്കാം. ആ ഒരു തത്വമാണ് cuddles.com എന്ന സ്ഥാപനം ഇത്തരം ഒരു ബിസിനസിലൂടെ പ്രാവര്‍ത്തികമാക്കുന്നത്. മാനസികമായി അരക്ഷിതാവസ്ഥ തോന്നുമ്പോള്‍, ആരുടെയെങ്കിലും സാന്നിധ്യം ആഗ്രഹിക്കുമ്പോള്‍ ഇവിടെയുള്ളവര്‍ ഈ സേവനത്തെ ആശ്രയിക്കാറുണ്ട്. ഈ മാര്‍ഗ്ഗത്തിലൂടെ വരുമാനം ഉണ്ടാക്കുന്നവരും ന്യൂയോര്‍ക്കില്‍ ഒത്തിരിയുണ്ട്. അതില്‍ സ്ത്രീകളും പുരുഷന്മാരും, പ്രായവുള്ളവരും, അവിവാഹിതരും, വിവാഹിതരും ഉള്‍പ്പെടുന്നു.

cuddles.com ന്റെ പ്രധാന അംഗങ്ങളില്‍ ഒരാളാണ് സക്‌സിയ എന്ന യുവതി. മണിക്കൂറില്‍ 80 ഡോളറാണ് ഇവര്‍ ഇടാക്കുന്നത്. കെട്ടിപ്പിടുത്തത്തെ മഹത്തരമായ,മനുഷ്യശരീരത്തിനു മാത്രം മനസ്സിലാകുന്ന ഒരു സേവനമായാണ് ഇവര്‍ കാണുന്നത്. കഴിഞ്ഞ ഒരു വര്‍ഷമായി താനീ മേഖലയില്‍ ഉണ്ടെന്നും, കെട്ടിപ്പിടിക്കുമ്പോള്‍ പങ്കാളിക്കുണ്ടായിരുന്ന വിഷമങ്ങളെക്കുറിച്ചും ആലിംഗനത്തിലൂടെ അവ ഇല്ലാതാകുന്നതിനെക്കുറിച്ചുമാണ് സംസാരിക്കാറുള്ളതെന്നും സക്‌സിയ പറയുന്നു. വിവാഹിതയായ തനിക്ക് ഈയൊരു ജോലി ചെയ്യാന്‍ ഭര്‍ത്താവിന്റെ പൂര്‍ണ്ണ പിന്തുണ ലഭിക്കുന്നുണ്ടെന്നും അവര്‍ പറയുന്നു. എന്നാല്‍ ഇതൊരിക്കലും മനുഷ്യന്റെ ലൈംഗീകതാല്‍പര്യങ്ങളെ തൃപ്തിപ്പെടുത്തുന്നതല്ലെന്നും ഇവര്‍ ചൂണ്ടിക്കാണിക്കുന്നുണ്ട്.

ലൈംഗീകത മനുഷ്യന് പ്രധാനപെട്ടതാണെന്നും, ജീവിതത്തിന് വളരെ അനിവാര്യമുള്ളതാണ്. എന്നാല്‍ ഈ സേവനത്തെ അത്തരത്തിലല്ല കാണുന്നത്. മനുഷ്യന്‍ തമ്മിലുള്ള ആശയവിനിമയത്തിന്റെ ഭാഗമാണിതെന്ന് ഈ സേവനത്തിന്റെ ഉപഭോക്താക്കള്‍ സാക്ഷ്യപ്പെടുത്തുന്നു.

പല പ്രായത്തിലുള്ള ആളുകള്‍ ഈ സേവനത്തിനുവേണ്ടി എത്തുന്നുണ്ട്. ആഴ്ചയില്‍ ഇത്തരത്തില്‍ 200ലധികം അപേക്ഷകളാണ് ലഭിക്കുന്നതെന്നും കമ്പിനിയുടെ സ്ഥാപകനും, സിഇഒയുമായ ആദം ലുപിന്‍ പറയുന്നു. 40 ലധികം കഡില്‍ വിദ്ഗധരാണ് ഈ സ്ഥാപനത്തില്‍ സേവനം നല്‍കുന്നത്. മൂന്നോ നാലോ ആഴ്ചകള്‍ കൂടുമ്പോള്‍ ഇതുമായി ബന്ധപ്പെട്ട് പരസ്യങ്ങള്‍ നല്‍കാറുണ്ടെന്നും ആദം പറയുന്നു. മനുഷ്യര്‍ തമ്മിലുള്ള ആന്തരികബന്ധത്തെ ഊട്ടിയുറപ്പിക്കുന്ന ആലിംഗനം ആശയവിനിമയത്തിന്റെ ഒരു ഭാഗമാണെന്ന തിരിച്ചറിവാണ് ഈ ബിസിനസ് തുടങ്ങാന്‍ പ്രേരിപ്പിച്ചതെന്നും ഇദ്ദേഹം പറയുന്നു.

Renting a hug buddy

A service in New York is offering busy men and women the opportunity to pay for cuddling services, though at a steep cost of around Rs 5000 an hour.

Posted by Scroll on Friday, 9 February 2018

Advertisement