Connect with us
https://southlive.in/wp-content/uploads/2018/08/728-x-90-pix.jpg

STORY PLUS

‘അമ്മയുടെ മൃതദേഹം സംസ്‌കരിക്കാന്‍ കാശിന് വേണ്ടി കരയുന്ന രണ്ട് ആണ്‍മക്കള്‍’ നെഞ്ച് പൊട്ടും ഈ കാഴ്ച

, 4:24 pm

മോര്‍ച്ചറിക്കുള്ളില്‍ അമ്മയുടെ മരവിച്ച കാലുകള്‍ കണ്ട് നിസ്സഹായരായി നില്‍ക്കുകയായിരുന്നു വേല്‍മുരുകനും മോഹന്‍രാജും . പിന്നീടാണോര്‍ത്തത് അമ്മയെ സ്വസ്ഥമായൊരിടത്ത് അടക്കാന്‍ കയ്യില്‍ ചില്ലിക്കാശില്ല. ഒടുവിലവര്‍ ആശുപത്രി വാര്‍ഡുകളില്‍ കാശിന് വേണ്ടിയലഞ്ഞു. ചിലര്‍ കനിഞ്ഞു. ചിലര്‍ വെറുതെ ചിരിച്ചുകാണിച്ചു. സ്വരുക്കൂട്ടിയ കാശ് ഒന്നിനും തികിഞ്ഞതില്ല. മണിക്കൂറുകള്‍ കടന്നുപോയി. ആശുപത്രിയില്‍ വന്ന ആരോ രണ്ട് ആണ്‍മക്കളുടെ ദയനീയാവസ്ഥ ഡിണ്ടിഗല്‍ റോട്ടറി ക്ലബിന്റെ മുന്‍ പ്രസിഡന്റ് എസ്. ഇളങ്കോവനെ അറിയിച്ചു. ഇളങ്കോവന്റെ കനിവില്‍ പെറ്റമ്മയ്ക്ക് അവര്‍ യാത്രപറഞ്ഞു.

തമിഴ്‌നാട് ഡിണ്ടിഗലിലെ കൂതംപട്ടിയിലാണ് കരളലയിക്കുന്ന ഈ സംഭവം നടന്നത്. കൂലിപ്പണിക്കാരായ കാളിയപ്പന്റെയും വിജയയുടെയും മക്കളാണ് പതിനാല് വയസ്സുകാരന്‍ വേല്‍മുരുകനും, പതിനഞ്ചുവയസ്സുകാരന്‍ മോഹന്‍രാജും.ഒമ്പത് വയസ്സുള്ള ഒരു അനുജത്തി കൂടെയുണ്ടിവര്‍ക്ക്. നാഗര്‍കോവിലിലെ ദലിത് കുടുംബത്തിലെ അംഗമായ വിജയ അന്യജാതിക്കാരനായ കാളിയപ്പനെ വിവാഹം കഴിച്ചതിനെ തുടര്‍ന്ന് കുടുംബാംഗങ്ങളുമായി അകല്‍ച്ചയിലായിരുന്നു.  പതിനഞ്ച് വര്‍ഷം മുമ്പാണ് ഇവര്‍ കൂതംപ്പട്ടിയിലേക്ക് താമസം മാറിയത്.

2008 ലാണ് കാളിയപ്പന്‍ വിജയയെയും മക്കളെയും വിട്ടുപിരിയുന്നത്. എന്നിട്ടും ആ കുടുംബം തളര്‍ന്നില്ല. അമ്മയുടെ തണല്‍ എന്നുമുണ്ടാവുമെന്ന് പ്രതീക്ഷിച്ചു.എന്നാല്‍ വിധി അവരെ വെറുതെവിട്ടില്ല. സ്താനാര്‍ബുദത്തെ തുടര്‍ന്ന് രംഗബോധമില്ലാത്ത കോമാളിയായ മരണം വിജയെയും കൂട്ടികൊണ്ടുപൊയതോടെ എന്തുചെയ്യണമെന്ന് അറിയാതെ നില്‍ക്കുകയായിരുന്നു ഈ കുരുന്നുകള്‍. ആശുപത്രിക്കാര്‍ പറഞ്ഞു മുതിര്‍ന്നവരെ കൂട്ടിക്കൊണ്ടുവരാന്‍ എന്നാല്‍ ആകെയുള്ള ബന്ധു വിളിച്ചിട്ട് ഫോണ്‍ എടുക്കുന്നില്ല.

കുട്ടികളുടെ നിസ്സഹായവസ്ഥ പെട്ടെന്നുതന്നെ ജില്ലാകളക്ടറുടെ അടുക്കലുമെത്തി. വൈകാതെ തന്നെ ഇളങ്കോവനും സഹായവുമായെത്തി. കുട്ടികളുടെ പഠനം ഏറ്റെടുക്കുമെന്നും അറിയിച്ചു.

അമ്മയുടെ ചിതയടങ്ങി, പക്ഷേ മോഹന്‍ രാജിന്റെയും വേല്‍മുരുകന്റെയും മനസ് ചുട്ടുപൊള്ളുകയാണ്. സ്വന്തമായി ജോലിചെയ്ത് അനിയത്തിയെയും അനിയനെയും പഠിപ്പിക്കുമെന്നാണ് മോഹന്‍ പറയുന്നത്. മക്കള്‍ക്കുവേണ്ടി രാപകലില്ലാതെ ജോലിചെയ്തിരുന്ന അമ്മ നേരം ഇരുട്ടിവെളുത്തപ്പോള്‍ തനിച്ചാക്കുമെന്ന് അവര്‍ കരുതിക്കാണില്ല.

Advertisement