അബുദാബിയിലെ ബിഗ് ടിക്കറ്റ് നറുക്കെടുപ്പില്‍ വിജയിച്ച് കോടികള്‍ സ്വന്തമാക്കി തൃശൂര്‍ സ്വദേശിനി. തൃശൂര്‍ ചാവക്കാട് അഞ്ചങ്ങാടി സ്വദേശി ലീന ജലാലിനാണ് ഈ സുവര്‍ണ നേട്ടം. 44.75 കോടി രൂപയാണ് സമ്മാനം.
ലീനയും സഹപ്രവര്‍ത്തകരായ 9 പേരും ചേര്‍ന്നാണ് ടിക്കറ്റാണ് എടുത്തത്. ഒരു വര്‍ഷമായി ലീനയും സുഹൃത്തുക്കളും ചേര്‍ന്ന് ടിക്കറ്റ് എടുക്കുന്നുണ്ട് ആദ്യമായാണ് ലീനയുടെ പേരില്‍ ടിക്കറ്റ് എടുത്തത്. നറുക്കെടുപ്പില്‍ തനിക്കാണ് സമ്മാനം എന്നറിയിച്ച് കൊണ്ടുള്ള ഫോണ്‍കോള്‍ വന്നപ്പോള്‍ വ്യാജമാണ് എന്നാണ് കരുതിയത്. സമ്മാനം അടിച്ചുവെന്ന വാര്‍ത്ത വിശ്വസിക്കാന്‍ ഏറെ സമയം എടുത്തുവെന്നും ലീന പറഞ്ഞു.
അബൂദബിയിലെ ഷൊയ്ഡര്‍ പ്രോജക്ട് ഇലക്ട്രോണിക് മെക്കാനിക്കല്‍ എല്‍.എല്‍.സിയില്‍ എച്ച്.ആര്‍. ഉദ്യോഗസ്ഥയാണ് ലീന. നാല് വര്‍ഷമായി ലീന ഇവിടെ ചെയ്യുന്നു. ജോലിയില്‍ തുടരുമെന്നും ലീന പറഞ്ഞു.