Connect with us

MEDIA

ശ്രീദേവി മരിച്ചു, ഒപ്പം ഇന്ത്യയിലെ ജേര്‍ണലിസവും; ‘ന്യൂസ് കി മോത്’ ഹാഷ്ടാഗ് ട്വിറ്റര്‍ ട്രെന്‍ഡിംഗില്‍

, 12:01 pm

ബോളിവുഡ് താരം ശ്രീദേവിയുടെ മരണമായിരുന്നു ഇന്നലെ ഇംഗ്ലീഷ് ചാനലുകളും ഹിന്ദി ചാനലുകളും ചര്‍ച്ചയ്ക്ക് എടുത്തത്. മലയാളത്തില്‍ റിപ്പോര്‍ട്ടര്‍ ചാനലും ഈ വിഷയം ചര്‍ച്ച ചെയ്തു. ചാനല്‍ ചര്‍ച്ചകളുടെ നിലവാര തകര്‍ച്ച കണ്ട് മാധ്യമ പ്രവര്‍ത്തകര്‍ ഉള്‍പ്പെടെ ഇതിനെതിരെ ശക്തമായി പ്രതിഷേധിക്കുകയും ഇന്ത്യയിലെ ജേര്‍ണലിസം മരിച്ചു എന്ന് സാക്ഷ്യപ്പെടുത്തുന്ന ന്യൂസ് കാ മോത് എന്ന ഹാഷ്ടാഗ് ട്രെന്‍ഡിംഗ് ആകുകയും ചെയ്തു.

ഞായറാഴ്ച്ച രാവിലെ മുതല്‍ ഇന്ത്യന്‍ ടെലിവിഷന്‍ ചാനലുകളില്‍ കാണുന്നത് ശ്രീദേവിയുടെ മൃതശരീരത്തിന്മേലും ജേര്‍ണലിസത്തിന്മേലുമുള്ള താണ്ഡവ നൃത്തമാണ്. ടെലിവിഷന്‍ അവതാരകരും പാനലിസ്റ്റുകളും ചേര്‍ന്ന് സ്റ്റുഡിയോ ഫ്‌ളോറിലിരുന്ന് ‘കോണ്‍സ്പിറേഷന്‍ തിയറികള്‍’ പറഞ്ഞുണ്ടാക്കുകയായിരുന്നു.

ശ്രീദേവിയുടെ മരണകാരണം ഹൃദയാഘാതം അല്ലെന്നും അപകടമരണം ആണെന്നുമുള്ള ‘ഡെത്ത് സര്‍ട്ടിഫിക്കറ്റ്’ കിട്ടിയതും ദുബായ് പൊലീസ് അന്വേഷണം ഏറ്റെടുത്തതുമാണ് ‘ടെലിവിഷന്‍ എഡിറ്റേഴ്‌സിന്’ ആഘോഷിക്കാനുള്ള വക നല്‍കിയത്.

ഞായറാഴ്ച്ച ഉച്ച മുതല്‍ ഇത്തരത്തിലുള്ള തിയറികള്‍ വായുവില്‍ പറന്ന് നടക്കുന്നുണ്ട്. ടൈംസ് ഓഫ് ഇന്ത്യയുടെ വെബ്‌സൈറ്റാണ് ആദ്യം ഇത്തരത്തിലൊരു തിയറി അവതരിപ്പിച്ചത്. ’54 വയസ്സ് മാത്രം പ്രായമുള്ള ശ്രീദേവി എന്തുകൊണ്ടാണ് ജാന്‍വി കപൂറിന്റെ ആദ്യ സിനിമയ്ക്ക് മുന്‍പ് മരിച്ചത്. ബോണി കപൂറിന്റെ ആദ്യ ഭാര്യയുടെ മരണവും അര്‍ജുന്‍ കപൂറിന്റെ സിനിമാ അരങ്ങേറ്റത്തിന് തൊട്ടുമുന്‍പായിരുന്നു’ – ഞങ്ങള്‍ ഒന്നും പറഞ്ഞിട്ടില്ല എന്നാല്‍ കൃത്യമായി മരണത്തില്‍ ബോണി കപൂറിനെ വലിച്ചിഴക്കുകയും ചെയ്തു എന്ന തരത്തിലുള്ള എഴുത്തായിരുന്നു ടൈംസ് ഓഫ് ഇന്ത്യ നടത്തിയത്.

ടെലിവിഷന്‍ സ്‌ക്രീനിലെ നാടകങ്ങള്‍ തുടങ്ങുന്നതിന് മുന്‍പുള്ള കര്‍ട്ടന്‍ തുറക്കല്‍ മാത്രമായിരുന്നു ടൈംസ് ഓഫ് ഇന്ത്യയിലെ സ്റ്റോറി. ബംഗാളി, ഹിന്ദി, ഇംഗ്ലീഷ് ടെലിവിഷന്‍ ചാനലുകള്‍ ശ്രീദേവിയുടെ മരണം മദ്യപാനത്തിലേക്കും കോസ്മറ്റിക് സര്‍ജറിയിലേക്കും ആദ്യം തന്നെ പിടിച്ചുകെട്ടി. പിന്നീടാണ് ദുബായ് പൊലീസിന്റെ ഡെത്ത് സര്‍ട്ടിഫിക്കറ്റ് പോലും വരുന്നത്. അതിന് മുന്‍പായിരുന്നു ഇതെല്ലാം. മലയാളത്തിലാണെങ്കില്‍ ശ്രീദേവിയുടെ മരണകാരണം ഹൃദയാഘാതമാണെന്ന് ഫോറന്‍സിക് സ്ഥിരീകരണം ലഭിച്ചുവെന്നായിരുന്നു മാതൃഭൂമി ഓണ്‍ലൈന്‍ റിപ്പോര്‍ട്ട് ചെയ്തത്.

ആജ് തക്ക്, ടിവി9 തുടങ്ങിയ ചാനലുകള്‍ ഒരുപടി കൂടി കടന്ന് ബാത്ത് ടബിന്റെ ഗ്രാഫിക്കല്‍ റെപ്രസന്റേഷന്‍ വരെ ഉണ്ടാക്കിയെടുത്തു. ടൈംസ് നൗവിന്റെ ഡിസ്‌ക്കഷന്‍ പാനലിലുണ്ടായിരുന്ന സിമി ചാന്ദോക്ക് മര്യാദയുടെ എല്ലാ സീമകളും ലംഘിച്ച് അവര്‍ക്കൊപ്പം ഉണ്ടായിരുന്നു എന്നുള്ള രീതിയിലാണ് സംസാരിച്ചത്. ടൈംസ് നൗവിന്റെ എഡിറ്റര്‍ ഇന്‍ ചീഫ് മുഖത്ത് എല്ലാതരം ഗൗരവവും കൊണ്ടുവന്ന് ചര്‍ച്ച ചെയ്തുകൊണ്ടിരുന്നത് ശ്രീദേവി കുടിച്ചത് വോട്കയായിരുന്നോ കോക്ക്‌ടെയ്‌ലായിരുന്നോ അതോ വൈന്‍ ആയിരുന്നോ എന്നതാണ് !

ന്യൂസ് എക്‌സ് ചര്‍ച്ചയില്‍ പങ്കെടുത്ത നാസര്‍ അബ്ദുള്ള പറഞ്ഞത് ശ്രീദേവി കൊല്ലപ്പെട്ടതാണ്, അതിന് പിന്നില്‍ ബോണി കപൂറാണെന്നും അദ്ദേഹത്തിന്റെ പെരുമാറ്റം സംശയം ഉളവാക്കുന്നതും ആണെന്നായിരുന്നു.

ഇന്ത്യാ ടിവിയുടെ പ്രഖ്യാപനം മരണകാരണം മദ്യമാണെന്നായിരുന്നു. അര്‍ണാബ് ഗോസ്വാമിയുടെ റിപ്പബ്‌ളിക് ടിവിയാണെങ്കില്‍ ശ്രീദേവിയുടെ മരണം സുനന്ദ പുഷ്‌ക്കറിന്റെ മരണവുമായി സാമ്യമുണ്ടെന്ന് സ്ഥാപിക്കാനുള്ള ശ്രമത്തിലായിരുന്നു. ഒരു വെടിക്ക് രണ്ട് പക്ഷി, ശ്രീദേവിയുടെ മരണവും ചര്‍ച്ച ചെയ്യാം റിപ്പബ്‌ളിക് ടിവി ശത്രുവായി പ്രഖ്യാപിച്ച ശശി തരൂരിനെ ഉപദ്രവിക്കുകയും ചെയ്യാം.

ശ്രീദേവി ബാത്ത്ടബില്‍ മരിച്ചു കിടക്കുന്ന ഗ്രാഫിക്ക്‌സ് ഉണ്ടാക്കിയായിരുന്നു സിഎന്‍എന്‍ ഐബിഎന്‍ ചര്‍ച്ച നടത്തിയത്.

ശ്രീദേവിയുടെ മരണം ചര്‍ച്ച ചെയ്യപ്പെടേണ്ട വിഷയം തന്നെയാണ്. പക്ഷെ, റേറ്റിംഗിനായി എല്ലാം തങ്ങള്‍ക്ക് തോന്നുന്ന രീതിയില്‍ വളച്ചൊടിക്കുന്നത് എന്ത് മാധ്യമ ധര്‍മ്മമാണ്.

ചിത്രങ്ങള്‍ക്കും വിവരങ്ങള്‍ക്കും കടപ്പാട് ന്യൂസ് ലോണ്ട്റി


Don’t Miss

IN VIDEO4 hours ago

ചൈനയ്‌ക്കൊപ്പം വരുമോ ഇന്ത്യ?

ഇന്ത്യന്‍ ഓഹരി വിപണി കഴിഞ്ഞ കുറെ മാസങ്ങളായി നേട്ടങ്ങളുടെ പാതയിലാണ്. ഇടയ്ക്കിടെ കിതയ്ക്കുന്നുണ്ടെങ്കിലും വീണ്ടും ഊര്‍ജം സംഭരിച്ച് മുന്നേറുന്നത് കാണാം. സെന്‍സെക്‌സ് 40,000 പോയിന്റ് പിന്നിടുമെന്ന നിരീക്ഷണം...

CRICKET5 hours ago

ഇതാണ് ലോകോത്തര ബോളര്‍; റാഷിദ് ഖാനെ പ്രശംസകൊണ്ട് മൂടി സച്ചിന്‍

ലോകക്രിക്കറ്റിലെ തന്നെ ഏറ്റവും സംഹാരിയായ സ്പിന്‍ ബൗളര്‍മാരിലേക്കുളള റാഷിദ് ഖാന്റെ വളര്‍ച്ച അതിവേഗമായിരുന്നു. ലോകോത്തര ബാറ്റ്‌സ്മാന്‍മാരെയെല്ലാ വിറപ്പിച്ച് കൊണ്ടായിരുന്നു ഈ അഫ്ഗാന്‍ യുവതാരത്തിന്റെ വരവ്. അഫ്ഗാന്‍ ദേശീയ...

KERALA5 hours ago

കൈവെട്ട് കേസ്; പ്രതികള്‍ക്ക് ശിക്ഷാ ഇളവ്; അഞ്ച് എസ്ഡിപിഐ പ്രവര്‍ത്തകര്‍ ജയില്‍ മോചിതരായി

തൊടുപുഴ ന്യൂമാന്‍ കോളജ് അധ്യാപകനായിരുന്ന പ്രഫ. ടി.ജെ. ജോസഫിന്റെ കൈപ്പത്തി വെട്ടിമാറ്റിയ കേസിലെ അഞ്ചു പ്രതികള്‍ ശിക്ഷാ ഇളവ് ലഭിച്ചതിനെത്തുടര്‍ന്ന് ജയില്‍മോചിതരായി. പോപ്പുലര്‍ഫ്രണ്ട്, എസ്ഡിപിഐ പ്രവര്‍ത്തകരായ ജമാല്‍,...

CRICKET5 hours ago

റാഷിദ് ഖാന്റെ ചിറകിലേറി ഹൈദരബാദ് ഫൈനലിലേക്ക്; കൊല്‍ക്കത്തയ്ക്കെതിരെ സണ്‍റൈസേഴ്സിന് 13 റണ്‍സ് ജയം

കൊല്‍ക്കത്തയക്കെതിരെ ഹൈദരാബാദിന് 13 റണ്‍സ് ജയം. 175 റണ്‍സ് വിജയ ലക്ഷ്യം പിന്തുടര്‍ന്ന കൊല്‍ക്കത്തയ്ക്ക് നിശ്ചിത 20 ഓവറില്‍ 9 വിക്കറ്റ് നഷ്ടത്തില്‍ 161 റണ്‍സ് എടുക്കാനേ...

KERALA5 hours ago

‘മിസോറാം ഗവര്‍ണറായി നിയമിച്ചത് അറിഞ്ഞിട്ടില്ല; പദവി ആഗ്രഹിച്ചിട്ടില്ല’; ആരോടും ചോദിച്ചിട്ടുമില്ലെന്ന് കുമ്മനം

മിസോറാം ഗവര്‍ണറായിട്ടുള്ള നിയമനം താന്‍ അറിഞ്ഞിട്ടില്ലെന്ന് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍. മാധ്യമങ്ങളില്‍ വന്ന വാര്‍ത്തകളിലൂടെയാണ് ഇക്കാര്യം അറിഞ്ഞത്. ഇങ്ങനെ ഒരു സ്ഥാനത്തിനായി ആഗ്രഹിച്ചിട്ടില്ല, ആരോടും...

SOCIAL STREAM5 hours ago

‘മലയാളികളെ മാത്രം ചിരിപ്പിച്ച് നടന്നാമതിയോ, നോര്‍ത്ത് ഈസ്റ്റിലുള്ളവര്‍ക്കും വേണ്ടേ കുറച്ച് എന്റര്‍ടൈന്‍മെന്റൊക്കെ’; കുമ്മനത്തിന്റെ ഗവര്‍ണര്‍ സ്ഥാനവും ആഘോഷിച്ച് ട്രോളന്‍മാര്‍

ബിജെപി സംസ്ഥാന അധ്യക്ഷന്‍ കുമ്മനം രാജശേഖരനെ മിസോറാം ഗവര്‍ണറായി രാഷട്രപതി രാംനാഥ് കോവിന്ദ് നിയമിച്ചു എന്ന വാര്‍ത്ത കുറേ പേരെങ്കിലും ഞെട്ടലോടെയാവും കേട്ടിരിക്കുക. ലഫ്റ്റണല്‍ ജനറല്‍ നിര്‍ഭയി...

KERALA6 hours ago

കണ്ണൂരില്‍ എപി- ഇകെ സുന്നി വിഭാഗങ്ങള്‍ തമ്മില്‍ സംഘര്‍ഷം; ജുംഅ നമസ്‌കാരം തടഞ്ഞു; പൊലീസ് ലാത്തി വീശി; പ്രശ്‌നക്കാരെ അറസ്റ്റ് ചെയ്തു നീക്കി

എട്ടിക്കുളത്ത് ജുംഅ നമസ്‌കാരം തടഞ്ഞതിനെത്തുടര്‍ന്ന് സംഘര്‍ഷവും ലാത്തി വീശലും. എ.പി വിഭാഗം സുന്നികളുടെ പള്ളിയില്‍ പുതുതായി ജുംഅ തുടങ്ങാനുള്ള നീക്കം മറുവിഭാഗം തടഞ്ഞതാണ് സംഘര്‍ഷത്തിനിടയാക്കിയത്. സംഘര്‍ഷമുണ്ടാക്കിയവരെ പൊലീസെത്തി...

FOOTBALL6 hours ago

ഇന്ത്യന്‍ ഫുട്ബോള്‍ ആരാധകര്‍ക്ക് സന്തോഷ വാര്‍ത്ത; ലോകകപ്പ് കാണാന്‍ ഉറക്കം കളയണ്ട,മത്സരങ്ങളുടെ സമയ ക്രമങ്ങളിങ്ങനെ

ലോകകപ്പിന് പന്തുരുളാൻ ഇനി 20 ദിവസം മാത്രമേ അവശേഷിക്കുന്നുള്ളു. ജൂണ്‍ 14 ന് റഷ്യയിലാണ് കിക്കോഫ്. ഫുട്ബോൾ ആരാധകർക്ക് ഇനി ഉത്സവക്കാലമാണ്. വാ​ഗ്വാദങ്ങളും പന്തയവുമൊക്കെയായി ഫുട്ബോൾ ലോകം...

KERALA6 hours ago

നിപ്പാ വൈറസ്: ഉറവിടം കണ്ടെത്താന്‍ പൊലീസും; വടകര റൂറല്‍ എസ്പി ജി.ജയദേവിന്റെ നേതൃത്വത്തില്‍ അന്വേഷിക്കും

നിപ്പാ വൈറസിന്റെ ഉറവിടം വവ്വാലില്‍ നിന്നല്ലെന്ന് പരിശോധനാ ഫലം വന്നതോടെ വൈറസ് ബാധയുടെ ഉറവിടം കണ്ടെത്താന്‍ പോലീസും. വടകര റൂറല്‍ എസ്പി ജി.ജയദേവിന്റെ നേതൃത്വത്തിലാണ് അന്വേഷണം. രോഗലക്ഷണവുമായി...

NATIONAL6 hours ago

പാമ്പുകടിയേറ്റ് സ്ത്രീയും അവരുടെ മുലപ്പാല്‍ കുടിച്ച കുഞ്ഞും മരിച്ചു

പാമ്പുകടിയേറ്റ സ്ത്രീയും അവരുടെ മുലപ്പാല്‍ കുടിച്ച മകളും മരിച്ചു. ഉത്തര്‍പ്രദേശിലാണ് സംഭവം. ഉറക്കത്തിലാണ് മുപ്പത്തി മൂന്നുകാരിയായ യുവതിക്ക് പാമ്പുകടിയേറ്റത്. എന്നാല്‍ ഇകാര്യം യുവതി അറിഞ്ഞില്ല. ഉറക്കമുണര്‍ന്ന അവര്‍...