പിണറായി വിജയന്‍ ബുള്ളറ്റ് പ്രൂഫ് കാര്‍ വാങ്ങുന്നു എന്ന വാര്‍ത്ത കൊടുത്തത് ഏഷ്യാനെറ്റ് ന്യൂസിന്റെ ഓണ്‍ലൈന്‍ വിഭാഗമാണ്. ഈ വാര്‍ത്തയ്‌ക്കെതിരെ സോഷ്യല്‍ മീഡിയയില്‍ ട്രോള്‍ പെരുമഴയായിരുന്നു. പജേറോ സ്‌പോര്‍ട്ട് ബുള്ളറ്റ് പ്രൂഫാക്കി വാങ്ങുന്നുസ എന്നായിരുന്നു വാര്‍ത്ത.
അസത്യ പ്രചാരകരോട് ഒരു വാക്ക് – മുഖ്യമന്ത്രിക്കായി ബുള്ളറ്റ് പ്രൂഫ് കാർ വാങ്ങുന്നു എന്ന വാർത്ത ഏഷ്യാനെറ്റ് ന്യൂസ് കൊടുത്തിട്ടില്ല. വാർത്ത തെറ്റെന്ന് പിണറായി പറഞ്ഞത് കൊടുത്തിട്ടുമുണ്ട്. ഏഷ്യാനെറ്റ് ന്യൂസ് വധം തുടരട്ടെ!
— VINU V JOHN (@vinuvjohn) December 8, 2017
എന്നാല്‍, ഇത്തരത്തിലൊരു വാര്‍ത്ത ഏഷ്യാനെറ്റ് ന്യൂസ് ചാനല്‍ ബുള്ളറ്റിനില്‍ നല്‍കിയിട്ടില്ലെന്നും ഓണ്‍ലൈനില്‍ വാര്‍ത്ത വന്നെങ്കില്‍ അത് അവരോട് ചോദിക്കണമെന്നുമുള്ള നിലപാടാണ് വിനു വി ജോണ്‍ ട്വിറ്ററില്‍ സ്വീകരിച്ചത്.
ഏഷ്യാനെറ്റ് ന്യൂസ് ചാനലും വെബും രണ്ട് എഡിറ്റര്‍മാരുടെ കീഴിലാണെന്നും വെബ് വരുത്തുന്ന പിഴകള്‍ക്ക് മാപ്പ് പറയേണ്ടത് അവരാണെന്നുമാണ് വിനു മറുപടി നല്‍കിയത്.
ഞാൻ ഇവിടെ പറയുന്നത് ഏഷ്യാനെറ്റ് ന്യൂസ് ചാനലുമായി ബന്ധപ്പെട്ട കാര്യങ്ങൾ മാത്രം! ഓൺലൈൻ മാധ്യമത്തിൽ വരുന്നതിന് മറുപടി അവരോട് ചോദിക്കുക.
— VINU V JOHN (@vinuvjohn) December 8, 2017
കേരള സര്‍ക്കാര്‍ ബുള്ളറ്റ് പ്രൂഫ് കാറുകള്‍ വാങ്ങുന്നുവെന്നും രോഗിയുമായി പോയ കാര്‍ സിപിഐഎം റെഡ് വോളണ്ടിയര്‍മാര്‍ തടഞ്ഞെന്നുമുള്ള വാര്‍ത്ത ഏഷ്യാനെറ്റ് ന്യൂസിന് വലിയ ക്ഷീണമാണ് ഉണ്ടാക്കിയിരിക്കുന്നത്. സോഷ്യല്‍ മീഡിയയില്‍ നിരവധി ആളുകള്‍ ഏഷ്യാനെറ്റ് ന്യൂസിന്റെ നിലപാടുകളെ ചോദ്യം ചെയ്ത് രംഗത്ത് വരികയും ചെയ്തു.
@vinuvjohn ഇത് പിന്നെ ഏഷ്യാനെറ്റിന്റെ അച്ഛൻ കൊടുത്തതാണോ? pic.twitter.com/sg2JDzPjLI
— Editors Live (@editorslive_in) December 8, 2017
തെറി പറഞ്ഞും അച്ഛന് വിളിച്ചും പേടിപ്പിക്കാമെന്ന് കരുതുന്ന സൈബർ സഖാക്കളേ, നിങ്ങൾക്ക് നല്ല നമസ്കാരം! നിങ്ങളുടെ വിരട്ടിൽ പണിനിർത്തി പോകാൻ വേറെ ആളെ അന്വേഷിക്കുക. വിമർശനങ്ങൾ പൂർണ്ണ മനസ്സോടെ സ്വീകരിക്കും. തെറ്റുകൾ തിരുത്തും. പക്ഷെ പേടിക്കില്ല, ഒരിക്കലും.
— VINU V JOHN (@vinuvjohn) December 8, 2017
Read more
