Connect with us
https://southlive.in/wp-content/uploads/2018/08/728-x-90-pix.jpg

NEWS ELSEWHERE

സൈക്കിളില്‍ നാടുചുറ്റിയ ഫ്രഞ്ച് ദമ്പതിമാര്‍ സൈക്കിള്‍ വില്‍ക്കാനാകാതെ ചുറ്റുന്നു

, 8:00 am

സൈക്കിളില്‍ നാടുചുറ്റിയ ഫ്രഞ്ച് ദമ്പതിമാര്‍ സൈക്കിള്‍ വില്‍ക്കാനാകാതെ വട്ടംചുറ്റുന്നു. ചെന്നൈയില്‍നിന്ന് ഒരുമാസംമുന്‍പ് തുടങ്ങിയ സൈക്കിള്‍യാത്രയാണ് തിങ്കളാഴ്ച കാഞ്ഞങ്ങാട്ട് അവസാനിച്ചത്. ഇനി രണ്ട് സൈക്കിളും വിറ്റിട്ടുവേണം ചൊവ്വാഴ്ച ഫ്രാന്‍സിലേക്ക് മടങ്ങാന്‍. ഫ്രഞ്ച് ദമ്പതിമാരായ ക്രിസ്പിനും ഭാര്യ ജൊലാന്റ് ക്രിസ്പിനുമാണ് ഈ കച്ചവടക്കാര്‍.

കാഞ്ഞങ്ങാട് റെയില്‍വേ സ്റ്റേഷനില്‍ തിങ്കളാഴ്ച ഉച്ചയ്ക്കാണ് ഇവരുടെ രണ്ട് സൈക്കിളുകള്‍ വില്‍പ്പനയ്ക്ക് െവച്ചത്. നാല്‍പ്പതിനായിരത്തോളം രൂപയ്ക്ക് വാങ്ങിയ രണ്ട് സൈക്കിളിനുംകൂടി അയ്യായിരത്തിനുമുകളില്‍ കിട്ടുമെന്ന് കരുതിയാണ് വില്‍പ്പനയ്ക്കുവെച്ചത്. പക്ഷെ അത്രയും വില നല്‍കാന്‍ ആരും തയ്യാറായില്ല. വിലപ്രശ്നം കാരണം സ്പോര്‍ട്സ് സൈക്കിളിന്റെ വില്‍പ്പനയും നടന്നില്ല.

നന്ദിപറഞ്ഞ് ചിരിയോടെ അവര്‍ ഇന്റര്‍സിറ്റിയില്‍ കയറി മംഗളൂരുവിലേക്ക് പോയി. ഒപ്പം ‘ഫോര്‍ സെയില്‍’ എന്ന ബോര്‍ഡ് തൂക്കിയ രണ്ട് സൈക്കിളുകളും. മംഗളൂരുവിലും സൈക്കിള്‍ വില്‍ക്കാനായില്ല. വെസ്റ്റ് കോസ്റ്റ് എക്സ്പ്രസില്‍ ചെന്നൈയിലേക്കുപോയ ഇവര്‍ക്ക് അവിടെയും സൈക്കിള്‍ വില്‍ക്കാനാകുമോയെന്ന് ഉറപ്പില്ല. ഇഷ്ടമുണ്ടായിട്ടല്ല സൈക്കിള്‍ വില്‍പ്പനയ്ക്കുവെച്ചത്. ചൊവ്വാഴ്ച ഫ്രാന്‍സിലേക്ക് പോകുമ്പോള്‍ കൊണ്ടുപോകാന്‍ കഴിയാത്തതിനാലാണ്.

സൈക്കിള്‍സഞ്ചാരം ഇങ്ങനെ,

ക്രിസ്?പിനും(56) ഭാര്യ ജൊലാന്റ് ക്രിസ്?പിനും(57) ഫ്രാന്‍സില്‍നിന്നാണ് ചെന്നൈയിലെത്തിയത്. അവിടെനിന്ന് രണ്ട് സ്പോര്‍ട്സ് സൈക്കിള്‍ വാങ്ങി. കേരളം കാണാനായിരുന്നു യാത്ര. ജനുവരി ഒന്‍പതിന് ചെന്നൈയില്‍നിന്ന് സൈക്കിളില്‍ പുറപ്പെട്ടു. തഞ്ചാവൂരും മധുരയും കടന്ന് തിരുവനന്തപുരം കണ്ടു. കൊച്ചിയും കണ്ണൂരും കടന്ന് കാഞ്ഞങ്ങാട്ടെത്തിയത് തിങ്കളാഴ്ച. തിരിച്ച് ചെന്നൈയിലേക്ക് ടിക്കറ്റ് ബുക്കുചെയ്തത് തിങ്കളാഴ്ച രാത്രി വെസ്റ്റ്കോസ്റ്റ് എക്സ്?പ്രസിനായിരുന്നു. അങ്ങനെയാണ് തിങ്കളാഴ്ച ഉച്ചയ്ക്ക് കാഞ്ഞങ്ങാട് റെയില്‍വേ സ്റ്റേഷനില്‍ എത്തിയത്. കേരളം മനോഹരം -ക്രിസ്?പിന്‍ പറഞ്ഞു

Advertisement