Connect with us
https://southlive.in/wp-content/uploads/2018/08/728-x-90-pix.jpg

NEWS ELSEWHERE

മദമിളകിയ കൊമ്പന്‍ പാപ്പാനെ കുത്തിക്കൊന്നു

, 7:48 am

മദമിളകിയ ആനയുടെ കുത്തേറ്റ് ഒന്നാം പാപ്പാന്‍ മരിച്ചു. ഈട്ടിക്കല്‍ ബേബി(57) യാണു മരിച്ചത്. എരുമേലി സ്വദേശി റിയാസിന്റെ ഉടമസ്ഥതയിലുള്ള ഗംഗാധരന്‍ എന്ന ആനയാണു പാപ്പാനെ ആക്രമിച്ചത്. ബേബിയുടെ വീടിനു സമീപത്ത് ഇന്നലെ ഉച്ചകഴിഞ്ഞ് രണ്ടരയോടെ കുരിശുങ്കല്‍ ഭാഗത്തായിരുന്നു സംഭവം.

ബേബിയുടെ മൃതദേഹം പാലാ താലൂക്കാശുപത്രിയിലേക്കു മാറ്റി. സംസ്‌കാരം ഇന്നു രണ്ടരയ്ക്ക് ചെമ്മല സെന്റ് ജോണ്‍സ് സി.എസ്.ഐ. പള്ളിയില്‍. സോഫിയാണു ബേബിയുടെ ഭാര്യ. മക്കള്‍: റോബിന്‍, റോസ്ബി. മരുമക്കള്‍: അനീഷ, ജിന്‍സ് ഒറ്റപ്ലാക്കല്‍ (തീക്കോയി).

തീറ്റ കൊടുക്കുന്നതിനിടെ പ്രകോപിതനായി പാപ്പാനെ ആക്രമിക്കുകയായിരുന്നു. മേലുകാവ് മേഖലയില്‍ തടിപ്പണിക്കു കൊണ്ടുപോകാനായി ഞായറാഴ്ചയാണ് ആനയെ ഇവിടെയെത്തിച്ചത്.

രണ്ടാം പാപ്പാന്‍ വിഷ്ണു മറ്റു പാപ്പാന്മാരുടെ സഹായത്തോടെ രണ്ടു മണിക്കൂറോളം പ്രയത്‌നിച്ചാണ് ആനയെ തളച്ചത്.

Advertisement