Connect with us
https://southlive.in/wp-content/uploads/2018/08/728-x-90-pix.jpg

NEWS ELSEWHERE

വീട്ടില്‍ ഭക്ഷണം എത്തിക്കാന്‍ ‘ഊബര്‍ ഈറ്റ്‌സ്’

, 7:19 am

ഇരുനൂറോളം റസ്റ്ററന്റുകളില്‍ നിന്ന് എത്ര ചെറിയ ഓര്‍ഡറും ആവശ്യക്കാര്‍ക്ക് എത്തിക്കുന്ന സേവനം നാളെ ഊബര്‍ കൊച്ചിയില്‍ തുടങ്ങുന്നു. ടാക്‌സി ആപ് സേവനക്കമ്പനിയായ ഊബറിന്റെ ‘ഊബര്‍ ഈറ്റ്‌സ്’ നാളെ 12 മുതല്‍ കലൂര്‍, പനമ്പിള്ളി നഗര്‍, മറൈന്‍ ഡ്രൈവ്, എളംകുളം ഭാഗങ്ങളില്‍ ലഭ്യമാകും.

ഒരു കപ്പ് ചായയായാലും കുടുംബത്തിനു മൊത്തത്തിലുള്ള ഭക്ഷണമായാലും ഒരു രൂപ മാത്രം ഫീസ് ഈടാക്കിക്കൊണ്ടാണ് ഊബര്‍ ഈറ്റ്സ് എത്തിക്കുകയെന്ന് ഊബര്‍ ഈറ്റ്സ് ഇന്ത്യ മേധാവി ഭാവിക് റാത്തോഡ് പറഞ്ഞു. ഇരുചക്ര വാഹനങ്ങളില്‍, ഭക്ഷണത്തിന്റെ ചൂട് നഷ്ടമാകാത്ത ബാഗുകളിലാണു ഡെലിവറി. ശരാശരി അരമണിക്കൂറിനുള്ളില്‍ ഭക്ഷണം ലഭ്യമാകും.

ഊബര്‍ ഈറ്റ്‌സ് (uber eats) ആപ് ഡൗണ്‍ലോഡ് ചെയ്താണ് സേവനം ലഭ്യമാക്കേണ്ടത്. റസ്റ്ററന്റുകളുടെ പട്ടികയില്‍നിന്ന് ഇഷ്ടവിഭവങ്ങള്‍ കണ്ടെത്തി ഓര്‍ഡര്‍ ചെയ്യാം. ഊബര്‍ ടാക്‌സി ആപ്പിലെപ്പോലെ പേയ്ടിഎം വഴിയോ ഭക്ഷണമെത്തുമ്പോള്‍ പണമായോ വില നല്‍കാം. ഓര്‍ഡറിന്റെ പുരോഗതി തല്‍സമയം പരിശോധിക്കുകയും ചെയ്യാം. യുഎസില്‍ 2014ല്‍ ആണ് ആരംഭിച്ച ഊബര്‍ ഈറ്റ്സ് ഇപ്പോള്‍ 29 രാജ്യങ്ങളിലായി 130 നഗരങ്ങളിലുണ്ട്. ഇന്ത്യയിലെ ഒന്‍പതാമത്തെ നഗരമാണു കൊച്ചി.

Advertisement