കൊച്ചി മെെേട്രായുടെ ഭാഗ്യചിഹ്നമായ ആനക്കുട്ടന് പേര് നിർദ്ദേശിക്കാൻ പൊതുജനാഭിപ്രായം തേടിയ മെട്രോ അധികൃതർ കുടുങ്ങി. നിർദ്ദേശിക്കുന്ന പേരുകൾ കമന്റുകളായി രേഖപ്പെടുത്തണം, തുടർന്ന് ഷെയർ ചെയ്യുകയും വേണം കൂടുതൽ ലൈക്കുകൾ കിട്ടുന്ന പേര് തെരഞ്ഞെടുക്കപ്പെടും എന്നതായിരുന്നു ഫെയ്സ്ബുക്ക് പേജില് കൊച്ചി മെട്രോ വ്യവസ്ഥ വെച്ചിരുന്നത്.
എന്നാൽ ലിജോ വർഗീസ് എന്നൊരാൾ കമന്റ് ചെയ്ത “കുമ്മനാന” എന്ന പേരാണ് ഞൊടിയിടയിൽ തരംഗമായത്. മണിക്കൂറുകൾക്കുള്ളിൽ നാലായിരത്തിന് മുകളിൽ ആളുകളാണ് “കുമ്മനാന” എന്ന കമന്റിന് ലൈക്ക് ചെയ്തത്. ഏറ്റവും കൂടുതല് ലൈക്ക് കിട്ടുന്ന പേര് ഭാഗ്യചിഹ്നത്തിന് നല്കുമെന്നതിനാല് വന് ആവേശത്തോടെയാണ് ഫെയ്സ്ബുക്കിലൂടെ ആളുകള് പ്രതികരിച്ചത്.
https://www.facebook.com/KochiMetroRail/photos/a.749217425099774.1073741897.288747784480076/1690612227626951/?type=3&theater
പേര് നിര്ദ്ദേശിക്കൂ .. കണ്ണഞ്ചിപ്പിക്കുന്ന സമ്മാനങ്ങള് നേടൂ’ എന്നായിരുന്നു കൊച്ചി മെട്രോ ഒഫീഷ്യല് പേജിലൂടെ നല്കിയ പരസ്യം. അപ്പു, തൊപ്പി, കുട്ടന് ഈ പേരൊന്നും വേണ്ട. അതൊന്നും സ്റ്റാറ്റസിന് ചേരില്ല. നല്ല കൂള്’ ആയൊരു പേര്…ആര്ക്ക് വേണമെങ്കിലും പേര് നിര്ദ്ദേശിക്കാം. എന്ന പരസ്യം നവംബര് 30നാണ് പ്രത്യക്ഷപ്പെട്ടത്.
Read more
അതേസമയം, കുമ്മനാനയിൽ പെട്ടുപോയ മെട്രോ അധികൃതർ അവസാനം അടവുനയവുമായി രംഗത്തെത്തി. ഒടുവിൽ ആരും അറിയാതെ നൈസ് ആയിട്ട് പോസ്റ്റ് എഡിറ്റ് ചെയ്തു. പഴയ പോസ്റ്റിന് താഴെയായി- “”ഏതെങ്കിലും വ്യക്തിയെ അപകീർത്തിപ്പെടുത്തുന്നതോ അല്ലെങ്കിൽ ഏതെങ്കിലും വ്യക്തിയ്ക്കെതിരായി വേദനാജനകമായി കമന്റ് ചെയ്യുന്നതോ ആയ മത്സര എൻട്രികൾ പ്രത്സാഹിപ്പിക്കുന്നതല്ല. ഇവ തിരഞ്ഞെടുക്കലിനായി പരിഗണിക്കുകയുമില്ല””. എന്നതാണ് അധികൃതർ എഡിറ്റ് ചെയ്തത്. കൂടുതല് ലൈക്ക് കിട്ടുന്ന മൂന്നു പേരുകള് ഷോര്ട്ട്ലിസ്റ്റിട്ടായിരിക്കും വിജയിയെ കണ്ടെത്തുന്നത്. നാലാം തീയ്യതി വൈകുന്നേരം ആറുവരെയാണ് പേരിടാനുള്ള സമയം.