Connect with us
https://southlive.in/wp-content/uploads/2018/08/728-x-90-pix.jpg

SOCIAL STREAM

‘ഷാജീന്നുള്ള പേര് കേട്ടാ അറിഞ്ഞൂടേടാ ചാണക്യന്‍ ആണെന്ന്..ഉച്ചകഴിഞ്ഞപ്പൊ ദിത് ദിങ്ങനാണ്’; മാറിമറിഞ്ഞ കര്‍ണാടക ഫലപ്രഖ്യാപനം സോഷ്യല്‍ മീഡിയയിലിങ്ങനെ; കേരളം പിടിക്കുമെന്ന് ബിജെപി തള്ളും ട്രോളന്മാര്‍ തകര്‍ത്തു

, 6:46 pm

രാജ്യം ഉറ്റുനോക്കിയ കര്‍ണാടക തിരഞ്ഞെടുപ്പ് ഫലപ്രഖ്യാപന ദിവസത്തെ സംഭവവികാസങ്ങളെ കോര്‍ത്തിണക്കി സോഷ്യല്‍ മീഡിയയില്‍ മലയാളി ട്രോളന്മാരുടെ പൊങ്കാല. കര്‍ണാടകയ്‌ക്കൊപ്പം അവിടുത്തെ തിരഞ്ഞെടുപ്പ് ഫലത്തെ അതേ ആവേശത്തോടെ നോക്കി കാണുകയായിരുന്നു മലയാളികളും.

ദക്ഷിണേന്ത്യയിലേക്കുള്ള ബിജെപിയുടെ കടന്നു വരവിനെ പടിവാതിലില്‍ തന്നെ തകര്‍ത്ത ആവേശമാണ് സോഷ്യല്‍ മീഡിയയില്‍ മലയാളികള്‍ പങ്കുവെക്കുന്നത്. ജനതാദളിനെയും കുമാരസ്വാമിയെയും ഒന്നും ഇതു വരെ കേട്ടിട്ടില്ലാത്തവര്‍ പോലും കര്‍ണാടകയില്‍ ബിജെപി അധികാരത്തില്‍ വരുന്നതിനെ കോണ്‍ഗ്രസ്-ജെഡിഎസ് സഖ്യം തടയിട്ടപ്പോള്‍ ആഘോഷമാക്കി.

വോട്ടെണ്ണല്‍ ദിവസമായ ഇന്ന രാവിലെ മുതല്‍ ട്രെന്‍ഡ് ബിജെപിക്ക് അനുകൂലമായിരുന്നു. രാവിലത്തെ മാനസികാവസ്ഥയും ഉച്ചയ്ക്കുശേഷം കളം മാറിയപ്പോഴുള്ള ആഹ്ലാദവും പങ്കുവെക്കുന്ന നിരവധി ട്രോളുകള്‍ സോഷ്യല്‍ മീഡിയയില്‍ ഇതിനോടകം ഹിറ്റ് ചാര്‍ട്ടിലായി.

കര്‍ണാടക ബിജെപി ഒറ്റയ്ക്ക് ഭരിക്കുമെന്ന സദാനന്ദ ഗൗഡയുടെ പ്രതികരണവും അടുത്ത ലക്ഷ്യം കേരളവുമാണെന്ന പ്രസ്താവനയുമൊക്കെ വാരിയിട്ടലക്കിയിരിക്കുകയാണ് മലയാളികള്‍.

ഉച്ചയ്ക്കു ശേഷം കളം പിടിച്ച എച്ച്ഡി കുമാരസ്വാമിക്കും ജെഡിഎസിനും വീര പരിവേഷം നല്‍കിയാണ് ട്രോളന്മാര്‍ സ്വീകരിച്ചത്. കോണ്‍ഗ്രസിന്റെ മുഖ്യമന്ത്രി പദ വാഗ്ദാനം സ്വീകരിച്ച് സഖ്യ സാധ്യതകള്‍ക്കുള്ള ചര്‍ച്ചയാരംഭിച്ചതോടെ പറഞ്ഞുറപ്പിച്ച അധികാരം ബിജെപിക്ക് കൈയ്യില്‍ നിന്ന് വഴുതി പോയി. ജെഡിഎസിനെ മന്ത്രിസഭ രൂപീകരിക്കാന്‍ ബിജെപി ക്ഷണിച്ചതും ബിജെപിക്ക് വിനയായി. അതും സോഷ്യല്‍ മീഡിയ ആഘോഷമാക്കി. പതിവു പോലെ ബീഫും വിഷയമായി.

പദ്ധതികള്‍ പൊളിഞ്ഞ അമിത് ഷായും ബിജെപിയും, പ്രതീക്ഷിക്കാത്ത അടിപറ്റിയ കോണ്‍ഗ്രസിനെയും ചിത്രത്തിലേ ഇല്ലാത്ത സിപിഎമ്മിനെയും സോഷ്യല്‍ മീഡിയ കണക്കിന് പരിഹസിക്കുന്നുണ്ട്.

ട്രോള്‍ കടപ്പാട്,icu

Advertisement