Connect with us
https://southlive.in/wp-content/uploads/2018/08/728-x-90-pix.jpg

SOCIAL STREAM

ജോലിക്കായി വീഡിയോ കോള്‍, അഭിമുഖം നടത്തിയ ആള്‍ ചോദിച്ചത് ശരീരം കാണിക്കാന്‍; ദുരനുഭവം വിവരിച്ച് യുവതി

, 8:37 pm

ജോലിക്കായുള്ള ഓണ്‍ലൈന്‍ അഭിമുഖത്തിനിടെ തനിക്കുണ്ടായ ദുരനുഭവം വിവരിക്കുകയാണ് നമ്യ എന്ന ചെന്നൈ സ്വദേശിയായ യുവതി. എയര്‍ ഫ്രാന്‍സില്‍ നിന്നാണെന്ന് അവകാശപ്പെട്ട് ഒരു ഫോണ്‍കോള്‍ നമ്യയെ തേടിയെത്തുന്നത് അങ്ങനെയാണ്. എന്നാല്‍ ആ വിളിയില്‍ അപകടം മണത്ത നമ്യ പിന്നെ സംശയിച്ചില്ല കോള്‍ റെക്കോര്‍ഡ് ചെയ്തുതുടങ്ങി. ആദ്യഘട്ടത്തില്‍ അടിസ്ഥാന വിവരങ്ങളാണ് അയാള്‍ ആരാഞ്ഞത്.

വാട്സാപ്പ് വീഡിയോ കോളിലൂടെ അഭിമുഖത്തിന്റെ രണ്ടാം ഘട്ടം നടത്തുമെന്നും ആദ്യവിളിയില്‍ അയാള്‍ അറിയിച്ചു. താനായിരിക്കില്ല മറ്റൊരാളായിരിക്കും അത് നടത്തുന്നതെന്നും പറഞ്ഞിരുന്നു. എന്നാല്‍, രണ്ടാമതും അയാള്‍ തന്നെയാണ് പേരുമാറ്റി നമ്യയെ വിളിച്ചത്. റൂമില്‍ തനിച്ചായിരിക്കണമെന്നും സഹായത്തിന് മറ്റാരും പാടില്ലെന്നും അയാള്‍ നിര്‍ദേശിച്ചിരുന്നു. ഒപ്പം അവര്‍ ധരിച്ചിരുന്ന ഷര്‍ട്ടിന്റെയും പാന്റിന്റെയും നിറവും അയാള്‍ ആരാഞ്ഞു.

പുതിയൊരു നമ്പറില്‍ നിന്നാണ് നമ്യക്ക് വീഡിയോ കോള്‍ വന്നത്. വീഡിയോ കോളിനിടയില്‍ നമ്യയുടെ പൊക്കം, ഭാരം എന്നിവയെക്കുറിച്ച് അയാള്‍ ചോദിച്ച അയാള്‍ അവരുടെ ശരീരത്തിലുള്ള ടാറ്റൂ കാണിച്ചുകൊടുക്കാനും ആവശ്യപ്പെട്ടു. അടുത്ത ആവശ്യം വയര്‍ കാണിച്ച് കൊടുക്കണമെന്നായിരുന്നു. ഇക്കാര്യം നമ്യ വിസമ്മതിച്ചതോടെ ഒരു ടീഷര്‍ട്ട് ധരിച്ചതിന് ശേഷം അപ്രകാരം ചെയ്യാനായി അയാള്‍ നിര്‍ബന്ധിച്ചു. അതിനും വഴങ്ങാതെ നിന്ന നമ്യയോട് അടിവസ്ത്രങ്ങള്‍ അഴിച്ചുമാറ്റി ടീഷര്‍ട്ട് മാത്രമണിഞ്ഞ് നില്‍ക്കാനായി അടുത്ത നിര്‍ദേശം. ഇതോടെ നമ്യ കോള്‍ കട്ട് ചെയ്യുകയായിരുന്നു.

പിടിക്കപ്പെട്ടെന്നുറപ്പായതോടെ അയാള്‍ ഭീഷണിയുമായി വീണ്ടും രംഗത്തെത്തി. താന്‍ ചെയ്യാന്‍ പോകുന്നത് എന്താണെന്ന് കാത്തിരുന്നു കണ്ടോളൂ എന്നായിരുന്നു അയാളുടെ ഭീഷണി. വാട്സാപ്പിലൂടെ അയാള്‍ നമ്യയുമായി നടത്തിയ ചാറ്റിങ്ങിന്റെ സ്‌ക്രീന്‍ ഷോട്ട് അടക്കമാണ് യുവതി തനിക്കുണ്ടായ അനുഭവം ലോകത്തെ അറിയിച്ചത്. തനിക്കുണ്ടായ അനുഭവം ഒരു പാഠമായി എടുക്കാനും സുരക്ഷിതയായിരിക്കാനുമാണ് അവര്‍ നിര്‍ദ്ദേശിക്കുന്നത്.

Girls, and everyone around.This is something serious. I don't want anyone to go through this.So please please be…

Posted by Namya Baid on Wednesday, 3 January 2018

Advertisement