പി.കെ കുഞ്ഞനന്തനെ കുറിച്ച്‌ തന്റെ പേരും ചിത്രവും ഉൾപ്പെടുത്തി പ്രചരിക്കുന്ന പ്രസ്താവന വ്യാജമാണെന്ന് സുനിൽ പി ഇളയിടം. താൻ പറയാത്ത കാര്യങ്ങൾ പ്രചരിപ്പിക്കുന്നത് മര്യാദയില്ലായ്മയാണ് എന്നും ബന്ധപ്പെട്ടവർ അതവസാനിപ്പിക്കണം എന്നും സുനിൽ പി ഇളയിടം തന്റെ ഫേസ്ബുക്ക് പോസ്റ്റിൽ വ്യക്തമാക്കി.
ടി.പി ചന്ദ്രശേഖരൻ കൊലക്കേസിൽ ശിക്ഷിക്കപ്പെട്ട സി.പി.എം അംഗവും കഴിഞ്ഞ ദിവസം അന്തരിക്കുകയും ചെയ്ത പി.കെ കുഞ്ഞനന്തനെ സുനിൽ പി ഇളയിടം പ്രകീർത്തിക്കുന്നതായുള്ള പോസ്റ്റുകൾ സുനിൽ പി ഇളയിടം സ്പീച്ച്‌ എന്ന ഫേസ്ബുക്ക് പോസ്റ്റിലൂടെയാണ് സി.പി.എം അനുകൂലികൾ പ്രചരിപ്പിച്ചത്.
“അതിഭീകരമായി ഒരു ഭരണകൂടം വേട്ടയാടിയ മനുഷ്യനാണ്, തല്ലി ചതച്ചിട്ടും തോറ്റു പോകാത്ത വീര്യമാണ്. സഖാവ് പി കെ കുഞ്ഞനന്തന് അന്ത്യാഭിവാദ്യങ്ങൾ…” എന്നാണ് സുനിൽ പി ഇളയിടത്തിന്റെ പേരിൽ പ്രചരിക്കുന്ന ഒരു പോസ്റ്റിൽ എഴുതിയിരിക്കുന്നത്.
സുനിൽ പി ഇളയിടത്തിന്റെ ഫേസ്ബുക്ക് കുറിപ്പ്:
എൻ്റെ പേരും ചിത്രവും ഉൾപ്പെടുത്തി ഇങ്ങനെയൊരു പ്രസ്താവന പ്രചരിക്കുന്ന കാര്യം ഇപ്പോഴാണ് സുഹൃത്തുക്കൾ ശ്രദ്ധയിൽ പെടുത്തിയത്. ഇത് എൻ്റെ പേജോ പ്രസ്താവനയോ അല്ല. ബന്ധപ്പെട്ടവർ ഇത് പിൻവലിക്കണം
എനിക്ക് ഈയൊരു Fb അക്കൗണ്ട് മാത്രമാണ് ഉള്ളത്. എൻ്റെ പേരും ചിത്രവും ഉൾപ്പെടുത്തി സാമൂഹ്യ മാധ്യമങ്ങളിൽ പ്രചരിക്കുന്ന മറ്റു പേജുകളും പ്രസ്താവനകളും എൻ്റെ അറിവോ സമ്മതമോ ഉള്ളവയല്ല.
എൻ്റെ പേരും ചിത്രവും ഉപയോഗിച്ച് ഞാൻ പറയാത്ത കാര്യങ്ങൾ പ്രചരിപ്പിക്കുന്നത് മര്യാദയില്ലായ്മയാണ്. ബന്ധപ്പെട്ടവർ അതവസാനിപ്പിക്കണം.
https://www.facebook.com/sunil.elayidom/posts/2767573420020918
സുനിൽ പി ഇളയിടത്തിന്റെ പേരിലുള്ള വ്യാജപ്രചാരണങ്ങൾ:
https://www.facebook.com/SunilPElayidam/posts/171006494440180
https://www.facebook.com/SunilPElayidam/videos/305676663799603/