ഗൗതം വാസുദേവ് മേനോന്റെ സംവിധാനത്തിൽ സൂര്യയും – ജ്യോതികയും ജോഡികളായി തകർത്തഭിനയിച്ച സിനിമയാണ് കാക്ക കാക്ക. ‘എസിപി അൻപുസെല്‍വൻ ഐപിഎസാ’യി ചിത്രത്തില്‍ നായകൻ സൂര്യ എത്തിയപ്പോള്‍ നായിക ‘മായ’ ജ്യോതികയായിരുന്നു. 2013ലായിരുന്നു ചിത്രത്തിന്റെ റിലീസ്. ഒരൊറ്റ സിനിമയിലൂടെ തന്നെ ഇരുവരും തമിഴകത്തിന്റെ പ്രിയ്യപ്പെട്ട താരജോഡികളായി.
ഇപ്പോഴിതാ കാക്ക കാക്കയുടെ 20 ാം വാർഷികത്തിൽ ഹൃദയ സ്പർശിയായ കുറിപ്പ് പങ്കുവച്ചിരിക്കുകയാണ് സൂര്യ. ‘എനിക്ക് എന്റെ എല്ലാം തന്നെ ചിത്രമാണ് ഇത്. ‘അൻപുചെല്ലവൻ’ എന്റെ ഹൃദയത്തോട് ചേര്‍ന്നുനില്‍ക്കുന്നു. ‘കാക്കാ കാക്ക’യുടെ എല്ലാവര്‍ക്കും ആശംസകള്‍’. സൂര്യ ട്വിറ്ററിൽ കുറിച്ചു. തന്നോട് ജോയാണ് ചിത്രത്തെ കുറിച്ച് ആദ്യം സൂചിപ്പിച്ചത് എന്നും സൂര്യ വ്യക്തമാക്കുന്നു.
ഗൗതം വാസുദേവ് മോനോന്റേതായിരുന്നു തിരക്കഥയും. ആര്‍ ഡി രാജശേഖറായിരുന്നു ഛായാഗ്രാഹണം. കലൈപുലി എസ് തനു ആണ് ചിത്രത്തിന്റെ നിര്‍മാണം. ജീവൻ, ഡാനിയല്‍ ബാലാജി, ദേവദര്‍ശനിനി, മനോബാല, യോഗ് ജേപീ, വിവേക് ആനന്ദ്, സേതു രാജൻ തുടങ്ങിയവരും സൂര്യക്കൊപ്പം ചിത്രത്തില്‍ ഉണ്ടായിരുന്നു.
‘കങ്കുവ’ ആണ്. ഇനി ആരാധകർ കാത്തിരിക്കുന്ന സൂര്യ ചിത്രം. സിരുത്തൈ ശിവയാണ് ചിത്രത്തിന്റെ സംവിധാനം. വെട്രി പളനിസാമിയാണ് ചിത്രത്തിന്റെ ഛായാഗ്രാഹണം. തമിഴ്, തെലുങ്കു, കന്നഡ, ഹിന്ദി, മലയാളം എന്നീ ഭാഷകളിലായിട്ടാണ് ‘കങ്കുവ’ എത്തുക.