മലയാളത്തിന്റെ പ്രിയ നടൻ ടിജി രവി പ്രധാന കഥാപാത്രമായെത്തുന്ന ചിത്രം അവകാശികൾ ആഗസ്റ്റ് പതിനേഴിന് പ്രദർശനത്തിനെത്തും.ഐ സ്ട്രീം ഒടിടി പ്ലാറ്റ്ഫോമിലാണ് അവകാശികൾ പ്രദർശിപ്പിക്കുന്നത്.റ്റി.ജി രവിയുടെ ഇരുനൂറ്റി അൻപതാമത് സിനിമയാണ് അവകാശികൾ.

കേരള ചലച്ചിത്ര അക്കാഡമി അംഗവും എഐവൈഎഫ് സംസ്ഥാന പ്രസിഡൻ്റുമായ എൻ.അരുണാണ് ചിത്രത്തിന്റെ രചനയും സംവിധാനവും നിർവഹിച്ചിരിക്കുന്നത്. റിലീസിന്റെ ഔദ്യോഗിക പ്രഖ്യാപനം നടൻ ടി.ജി രവി നിർവ്വഹിച്ചു.

ഇന്ത്യൻ സാമൂഹിക സാഹചര്യം കേരളത്തിലെയും ആസാമിലെയും ഗ്രാമീണ ജീവിതങ്ങളിലൂടെ അവതരിപ്പിക്കുന്നതാണ് സിനിമയുടെ പ്രമേയം.
ഇതര സംസ്ഥാന തൊഴിലാളി വിഷയങ്ങൾ ഉൾപ്പടെയുള്ള കേരളത്തിലെ വർത്തമാനകാല സങ്കീർണ്ണതകൾ നർമ്മത്തിൽ ചാലിച്ച് സിനിമയിൽ അവതരിപ്പിച്ചിട്ടുണ്ട്.

ഇർഷാദ്, ടി.ജി രവി, ബേസിൽ പാമ, ജയരാജ് വാര്യർ , സോഹൻ സീനു ലാൽ, , വിഷ്ണു വിനയ് , എം എ നിഷാദ് , അനൂപ് ചന്ദ്രൻ, പാഷാണം ഷാജി , അഞ്ജു അരവിന്ദ്, കുക്കു പരമേശ്വരൻ, ജോയ് വാൽക്കണ്ണാടി, ബിന്ദു അനീഷ് എന്നിവർക്കൊപ്പം നിരവധി ആസാമി നാടക കലാകാരൻമാരും ചിത്രത്തിൽ അണിനിരക്കുന്നുണ്ട്.

Read more

കളക്ഷനില്‍ പതര്‍ച്ചയില്ല, ആദ്യ ദിനം ഹിറ്റടിച്ച് 'റെട്രോ'; പിന്നാലെ 'റെയ്ഡ് 2'വും നാനിയുടെ 'ഹിറ്റ് 3'യും, ഓപ്പണിങ് ഡേ കളക്ഷന്‍ റിപ്പോര്‍ട്ട്

തരുൺ മൂർത്തി മാജിക് ഇനിയും തുടരുമോ? എന്താണ് 'ടോർപിഡോ'

ജീവിതം കൈവിട്ട് കളയല്ലേയെന്ന് പറഞ്ഞതാണ്, ഇനി പറഞ്ഞിട്ടും കാര്യമില്ല..: ബീന ആന്റണി

സ്വന്തം മൂത്രം കുടിച്ചിട്ടുണ്ട്, അത് ദിവ്യൗഷധമാണ്.. ആരോഗ്യത്തിന് വളരെ നല്ലതാണ്: നടി അനു അഗര്‍വാള്‍

ചാക്യാര്‍ വേഷത്തില്‍ മണിക്കൂറുകളോളം നിന്നു, ഭക്ഷണം കഴിക്കാനെത്തിയപ്പോള്‍ ഓടിച്ചു, ഷൂട്ടില്ലെന്ന് ആരും പറഞ്ഞില്ല; 'ചോക്ലേറ്റ്' സെറ്റില്‍ നേരിട്ട ദുരനുഭവം

റഫീഖ് അഹമ്മദ് , പർവതി ചന്ദ്രൻ . എന്നിവരുടെ വരികൾക്ക് സംഗീതം നൽകിയിരിക്കുന്നത് മിനീഷ് തമ്പാനാണ്. വിനു പട്ടാട്ട് , ആയില്യൻ കരുണാകരൻ എന്നിവരാണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. എഡിറ്റിങ് അഖിൽ എ ആർ ഉം ആർഎൽവി അജയ് കലാസംവിധാനവും നിർവഹിച്ചിരിക്കുന്നു.