അഭിഷേക് ബച്ചന്‍-ഐശ്വര്യ റായ് വിവാഹബന്ധം വഷളാകാന്‍ കാരണം നടി നിമ്രത് കൗറുമായുള്ള നടന്റെ ബന്ധമെന്ന് റിപ്പോര്‍ട്ടുകള്‍. താരങ്ങളുടെ വിവാഹമോചന വാര്‍ത്തകള്‍ പ്രചരിക്കാന്‍ തുടങ്ങിയിട്ട് നാളുകളായി. ഈയടുത്ത ദിവസങ്ങളിലാണ് നിമ്രതും അഭിഷേകും തമ്മില്‍ പ്രണയത്തിലാണെന്ന വാര്‍ത്തകള്‍ എത്തിയത്. ഇതോടെ ഈ വിഷയത്തില്‍ പ്രതികരിച്ചിരിക്കുകയാണ് നിമ്രത്.
”എന്താണ് ഞാന്‍ വിവാഹം കഴിക്കാത്തത് എന്നാണ് എല്ലാവരും ചോദിക്കുന്നത്. എന്ത് പറഞ്ഞാലാണ് ആളുകള്‍ക്ക് മനസിലാവുകയെന്ന് എനിക്കറിയില്ല. വിവാഹം കഴിക്കാത്തത് കൊണ്ട് ഏതെങ്കിലും തരത്തിലുള്ള പ്രശ്‌നങ്ങള്‍ എനിക്കിപ്പോള്‍ ഇല്ല. അതിന്റെ സമയത്ത്, ശരിയായ ആളെ കണ്ടെത്തി കഴിയുമ്പോള്‍ വിവാഹം നടക്കും.”
”ഇത്തരം കാര്യങ്ങളൊന്നും മുന്‍കൂട്ടി ആലോചിച്ച് നടപ്പിലാക്കാന്‍ പറ്റുന്നതല്ല” എന്നാണ് നിമ്രത് പറയുന്നത്. അതേസമയം, 2022ല്‍ പുറത്തിറങ്ങിയ ‘ദസ്‌വി’ എന്ന ചിത്രത്തില്‍ അഭിഷേകും നിമ്രതും ഒന്നിച്ച് അഭിനയിച്ചിരുന്നു. ഈ സിനിമയുടെ പ്രമോഷനായി അഭിഷേകും നിമ്രത്തും ഒന്നിച്ചെത്തിയ പഴയ വീഡിയോ സോഷ്യല്‍ മീഡിയയില്‍ ഇപ്പോഴും വൈറലാവുകയാണ്.
നിമ്രത്തുമൊത്തുള്ള വേദിയില്‍ തന്നെ ഐശ്വര്യയെ വാനോളം അഭിഷേക് പുകഴ്ത്തി സംസാരിക്കുന്നുമുണ്ട്. അമ്പരപ്പിക്കുന്ന തരത്തിലെ വൈകാരിക പിന്തുണയാണ് എന്റെ ഭാര്യ എനിക്ക് നല്‍കുന്നത്. അക്കാര്യത്തില്‍ ഞാനും ഞങ്ങളുടെ കുടുംബമാകെ ഭാഗ്യം ചെയ്തവരാണ് എന്നായിരുന്നു അഭിഷേക് പറഞ്ഞത്.