‘അനിമല്‍’ ചിത്രത്തിലെ ഇന്റിമേറ്റ് രംഗങ്ങള്‍ ലീക്ക് ആയതിന് പിന്നാലെയാണ് നടി തൃപ്തി ദിമ്രി പ്രേക്ഷകര്‍ക്കിടയില്‍ ചര്‍ച്ചയായി മാറിയത്. സ്‌ക്രീന്‍ ടൈം കുറവാണെങ്കിലും ചിത്രത്തിലെ തൃപ്തിയുടെ പ്രകടനം ശ്രദ്ധ നേടിയിട്ടുണ്ട്. സോഷ്യല്‍ മീഡിയയില്‍ ഫോളോവേഴ്‌സും കൂടിയതോടെ നാഷണല്‍ ക്രഷ് ആയി മാറിയിരിക്കുകയാണ് തൃപ്തി.
ഇതോടെ തൃപ്തിയുടെ പഴയ സിനിമകളും കൂടുതല്‍ വിവരങ്ങളും തിരഞ്ഞ് പോവുകയാണ് ആരാധകര്‍. നടിയുടെ വ്യക്തി ജീവിതവുമായി ബന്ധപ്പെട്ട ചില കാര്യങ്ങളും പുറത്തു വരുന്നുണ്ട്. നടി അനുഷ്‌ക ശര്‍മ്മയുടെ സഹോദരന്‍ കാര്‍ണേഷ് ശര്‍മ്മയുടെ മുന്‍ കാമുകിയാണ് തൃപ്തി എന്നാണ് വിവരമാണ് ഇപ്പോള്‍ സോഷ്യല്‍ മീഡിയ ചര്‍ച്ചയാകുന്നത്.
തൃപ്തി നായികയായെത്തിയ ബുള്‍ബുള്‍, ഖാല എന്നീ ചിത്രങ്ങള്‍ നിര്‍മ്മിച്ചത്. ബുള്‍ബുള്‍ സിനിമയുടെ ചിത്രീകരണത്തിനിടെയാണ് ഇരുവരും പ്രണയത്തിലായത്. കഴിഞ്ഞ വര്‍ഷം ഡിസംബറില്‍ കര്‍ണേഷിനൊപ്പമുള്ള ചിത്രങ്ങള്‍ പങ്കുവെച്ച് തൃപ്തി തന്റെ പ്രണയം പരസ്യമാക്കിയിരുന്നു.
അനുഷ്‌കയുടെ സഹോദരന്‍ അവളെ കെട്ടിപ്പിടിച്ച് കവിളില്‍ ചുംബിക്കുന്ന ഫോട്ടോയായിരുന്നു ഇത്. കൂടാതെ ഇ ടൈംസിന് നല്‍കിയ ഒരു അഭിമുഖത്തിലും തൃപ്തി കര്‍ണേഷ് ശര്‍മ്മയുമായുള്ള ബന്ധത്തെ കുറിച്ച് തുറന്നു പറഞ്ഞിരുന്നു. എന്നാല്‍ അധികം വൈകാതെ തന്നെ ഇരുവരും വേര്‍പിരിഞ്ഞു.
ഇരുവരും ഇന്‍സ്റ്റാഗ്രാമില്‍ പരസ്പരം അണ്‍ഫോളോ ചെയ്തിരുന്നു. കൂടാതെ, ഒരുമിച്ചുള്ള ചിത്രങ്ങളും ഡിലീറ്റ് ചെയ്തു. എങ്കിലും ഇരുവരും ഇതുവരെ ബ്രേക്കപ്പിനെ കുറിച്ച് സംസാരിച്ചിട്ടില്ല. എന്നാല്‍ കരിയറിന് വേണ്ടിയാണ് തൃപ്തി കര്‍ണേഷുമായി പിരിഞ്ഞത് എന്ന തരത്തിലുള്ള ചര്‍ച്ചകളും എത്തിയിരുന്നു.
അതേസമയം, അനിമല്‍ സിനിമയില്‍ അഭിനയിക്കുന്നതിന് മുമ്പ് തന്നെ തന്റെ പല അഭിമുഖങ്ങളിലും രണ്‍ബിര്‍ കപൂറിനെ തന്റെ ആദ്യ ക്രഷ് ആയി തൃപ്തി വിശേഷിപ്പിച്ചിരുന്നു. സിനിമയുടെ പ്രമോഷനുമായി ബന്ധപ്പെട്ട പ്രസ് മീറ്റില്‍ രണ്‍ബിറിനെ കണ്ണെടുക്കാതെ നോക്കി നില്‍ക്കുന്ന തൃപ്തിയുടെ വീഡിയോ വൈറലായിരുന്നു.