കടുത്ത വിമര്‍ശനങ്ങള്‍ ഉയര്‍ന്നിരുന്നുവെങ്കിലും തിയേറ്ററില്‍ ഗംഭീര കളക്ഷന്‍ നേടിയ ചിത്രമാണ് ‘അനിമല്‍’. ചിത്രം ജനുവരി 26 മുതല്‍ ചിത്രം നെറ്റ്ഫ്‌ലിക്‌സിലൂടെ സ്ട്രീമിംഗ് ആരംഭിക്കും. സെന്‍സര്‍ ബോര്‍ഡിന്റെ നിര്‍ദേശത്തെ തുടര്‍ന്ന് നീക്കം ചെയ്ത രംഗങ്ങള്‍ ഉള്‍പ്പെടുത്തിയാണ് ചിത്രം ഒ.ടി.ടിയിലെത്തുന്നത്.
സ്ത്രീ വിരുദ്ധതയെയും അക്രമത്തെയും മഹത്വവല്‍ക്കരിക്കുന്നു എന്ന പേരില്‍ ചിത്രം ഏറെ വിമര്‍ശനങ്ങള്‍ ഏറ്റുവാങ്ങിയിട്ടുണ്ട്. ചിത്രത്തിലെ രശ്മിക മന്ദാനയുടെ നായികാ കഥാപാത്രത്തിന് എതിരെ വിമര്‍ശനങ്ങള്‍ എത്തിയിരുന്നു.
സമീപകാലത്ത് എത്തിയ ഏറ്റവും മോശം സ്ത്രീ കഥാപാത്രമാണ് ഗീതാഞ്ജലി എന്ന രശ്മികയുടെ കഥാപാത്രം എന്ന വിമര്‍ശനങ്ങളാണ് എത്തിയത്. എന്നാല്‍ ചിത്രത്തിലെ മറ്റൊരു നായികയായ തൃപ്തി ദിമ്രിയെ പ്രേക്ഷകര്‍ ഏറ്റെടുത്തിരുന്നു.
സോഷ്യല്‍ മീഡിയയില്‍ വളരെ പെട്ടെന്ന് ഫോളോവേഴ്സ് വര്‍ദ്ധിച്ച തൃപ്തിക്ക് നാഷണല്‍ ക്രഷ് എന്ന പദവിയും സോഷ്യല്‍ മീഡിയ നല്‍കിയിരുന്നു. ബോബി ഡിയോള്‍ ആണ് ചിത്രത്തില്‍ വില്ലന്‍ വേഷത്തില്‍ എത്തിയത്. ഡിസംബര്‍ ഒന്നിന് ആയിരുന്നു ചിത്രം തിയേറ്ററുകളില്‍ എത്തിയത്.