ബോളിവുഡിനെ കൈപ്പിടിച്ചുര്‍ത്തി രണ്‍ബിര്‍ കപൂര്‍-ആലിയ ഭട്ട് ചിത്രം ‘ബ്രഹ്‌മാസ്ത്ര’. തുടരെ തുടരെ ബോളിവുഡ് സിനിമകള്‍ ബോക്‌സോഫീസില്‍ പരാജയപ്പെടുന്ന സാഹചര്യത്തിലാണ് പ്രതീക്ഷയോടെ ബ്രഹ്‌മാസ്ത്ര തിയേറ്ററുകളില്‍ എത്തിയത്. ബഹിഷ്‌കരണാഹ്വാനങ്ങളും വിമര്‍ശനങ്ങളും സിനിമ നേരിട്ടുവെങ്കിലും ആദ്യ ദിനം തന്നെ ഗംഭീര കളക്ഷന്‍ ആണ് സിനിമ നേടിയിരിക്കുന്നത്.
റിലീസ് ദിനത്തില്‍ ആഗോള തലത്തില്‍ 75 കോടി ചിത്രം നേടിയെന്നാണ് സിനിമയുടെ നിര്‍മ്മാതാവായ കരണ്‍ ജോഹര്‍ പുറത്തു വിട്ടിരിക്കുന്ന വിവരം. ചിത്രത്തെ വിമര്‍ശിച്ചവര്‍ക്കും പരിഹസിച്ചവര്‍ക്കുമുള്ള മറുപടിയായാണ് ചിത്രത്തിന്റെ ആരാധകര്‍ ഈ കണക്കുകളെ കൊണ്ടാടുന്നത്.
സെപ്റ്റംബര്‍ 9ന് ഒരു പ്രവര്‍ത്തി ദിനത്തില്‍ പുറത്തെത്തിയ ബോളിവുഡ് ചിത്രത്തെ സംബന്ധിച്ച് ഈ ആദ്യദിന ആഗോള ഗ്രോസ് എന്നത് എക്കാലത്തെയും റെക്കോര്‍ഡ് ആണെന്ന് ട്രേഡ് അനലിസ്റ്റ് സുമിത് കദേല്‍ വ്യക്തമാക്കി. സമീപകാലത്ത് ബോളിവുഡില്‍ ഏറ്റവും വലിയ അഡ്വാന്‍സ് റിസര്‍വേഷന്‍ ലഭിച്ച ചിത്രവുമായിരുന്നു ബ്രഹ്‌മാസ്ത്ര.
ഫാന്റസി അഡ്വഞ്ചര്‍ വിഭാഗത്തില്‍ പെടുന്ന ചിത്രമാണിത്. അമിതാഭ് ബച്ചന്‍, മൗനി റോയ്, നാഗാര്‍ജുന എന്നിവരാണ് റ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ബ്രഹ്‌മാസ്ത്ര പാര്‍ട്ട് 1 ശിവ ആണ് ഇപ്പോള്‍ തിയേറ്ററില്‍ എത്തിയിരിക്കുന്നത്. സിനിമയില്‍ രണ്‍ബിര്‍ കപൂര്‍ അവതരിപ്പിക്കുന്ന നായകന്‍ സ്വയമേവ ഒരു അസ്ത്രമാണ്.