കോവിഡ് 19ന്റെ പശ്ചാത്തലത്തില്‍ രാജ്യം സമ്പൂര്‍ണമാൈയും ലോക്ഡൗണ്‍ ചെയ്തിരിക്കുകയാണ്. ഈ സാഹചര്യത്തില്‍ ഒന്‍പത് കുടുംബങ്ങളുടെ സുരക്ഷ ഏറ്റെടുത്ത് ബോളിവുഡ് താരം വിവേക് ഒബ്രോയ്. 21 ദിവസം രാജ്യം ലോക്ഡൗണ്‍ ചെയ്യുമ്പോള്‍ സാധിക്കുന്നവര്‍ ഒന്‍പത് കുടുംബങ്ങളുടെ ഉത്തരവാദിത്വം ഏറ്റെടുക്കുക എന്ന പ്രധാനമന്ത്രിയുടെ പ്രസ്താവനയാണ് താരം ഏറ്റെടുത്തിരിക്കുന്നത്.
“”പരസ്പരം ഐക്യത്തോടെയിരിക്കാനുള്ള സമയമാണ്…ഈ 21 ദിവസത്തേക്ക് 9 കുടുംബങ്ങളെ പരിപാലിക്കുമെന്ന നരേന്ദ്ര മോദിജിയുടെ പ്രതിജ്ഞ ഏറ്റെടുത്തു…നിങ്ങള്‍ എല്ലാവരും നിങ്ങള്‍ക്ക് കഴിയുന്നത് ഏറ്റെടുത്ത് ചെയ്യുന്നത്് കാണാന്‍ ഞാന്‍ ആഗ്രഹിക്കുന്നു..”” എന്ന് വിവേക് ഒബ്രോയ് ട്വിറ്ററില്‍ കുറിച്ചു.
ബോളിവുഡ് താരങ്ങളെല്ലാം കൊറോണ പടരുന്നത് തടയാനായി ജാഗ്രതാ നിര്‍ദേശങ്ങള്‍ പങ്കുവച്ചെത്തുന്നുണ്ട്. നടന്‍ ഹൃത്വിക് റോഷന്‍ 20 ലക്ഷം രൂപ സഹായധനം നല്‍കിയിട്ടുണ്ട്.