ആലി ഭട്ടിന്റെ “സഡക് 2” ട്രെയ്‌ലറിന് ഡിസ്‌ലൈക്ക് ക്യാമ്പയ്‌നുമായി സുശാന്ത് സിംഗ് രജ്പുത്തിന്റെ ആരാധകര്‍. 2.8 മില്യന്‍ ആള്‍ക്കാരാണ് സഡക് 2വിന്റെ ട്രെയ്‌ലര്‍ കണ്ടിരിക്കുന്നത്. 1.4 മില്യണ്‍ ഡിസ്‌ലൈക്കുകളാണ് ട്രെയ്‌ലറിന് ഇതിനോടകം ലഭിച്ചിരിക്കുന്നത്.
സുശാന്തിനോടുള്ള ആദരവ് ആയി ഡിസ്‌ലൈക്ക് ചെയ്യൂ, ട്രെയ്‌ലര്‍ കാണാനെത്തിയത് ഡിസ്‌ലൈക്ക് ചെയ്യാന്‍ വേണ്ടി മാത്രമാണ്, മൂന്നാംകിട പ്രണയവും കൊലപാതകവും, സഞ്ജയ് ദത്തിന് ശ്വാസകോശ അര്‍ബുദം വന്ന റിപ്പോര്‍ട്ട് സിനിമയ്ക്കുള്ള പ്രൊമോഷന്‍ ആയിരിക്കുമോ?, യൂട്യൂബിലെ ഏറ്റവും കൂടുതല്‍ ഡിസ്‌ലൈക്ക് ചെയ്ത വീഡിയോ ആക്കണം ഇത് എന്നുള്ള കമന്റുകളാണ് ട്രെയ്‌ലറിന് ലഭിക്കുന്നത്.
മഹേഷ് ഭട്ട് സംവിധാനം ചെയ്ത് മുകേഷ് ഭട്ട് നിര്‍മ്മിക്കുന്ന സിനിമയില്‍ ആലിയക്കൊപ്പം പൂജ ഭട്ട്, സഞ്ജയ് ദത്ത്, ആദിത്യ റോയ് കപൂര്‍ എന്നിവരാണ് ചിത്രത്തില്‍ കേന്ദ്ര കഥാപാത്രങ്ങളാകുന്നത്. ഡിസ്‌നി പ്ലസ് ഹോട്സ്റ്റാര് പ്ലാറ്റ്‌ഫോമില്‍ ഓഗസ്റ്റ് 28നാണ് സഡക് 2 റിലീസിനെത്തുന്നത്. ഹോട്സ്റ്റാര് അണ്‍ ഇന്‍സ്റ്റാള്‍ ചെയ്യണം എന്ന ക്യാമ്പെയ്‌നും സോഷ്യല്‍ മീഡിയയില്‍ പ്രചരിക്കുന്നുണ്ട്.
സുശാന്തിന് നീതി ലഭിക്കണം, ഹോട്സ്റ്റാര് അണ്‍ ഇന്‍സ്റ്റാള്‍ ചെയ്യുക, ആലിയ ഭട്ടിനെ ബോയ്കോട്ട് ചെയ്യുക എന്ന ഹാഷ്ടാഗുകളാണ് ട്രെന്‍ഡിംഗാവുന്നത്. സഞ്ജയ് ദത്തും പൂജാഭട്ടും പ്രധാനവേഷങ്ങളിലെത്തി വന്‍ജയം നേടിയ ബോളിവുഡ് റൊമാന്റിക് ത്രില്ലറായിരുന്നു സഡക്. 1991-ല്‍ മഹേഷ് മഹേഷ് ഭട്ടിന്റെ സംവിധാനത്തില്‍ പുറത്തിറങ്ങിയ ഈ സിനിമയുടെ രണ്ടാം ഭാഗം സഡക് 2.