ബാല എന്ന ചിത്രത്തിന് ശേഷം ആയുഷ്മാന്‍ നായകനായി എത്തിയ പുതിയ ചിത്രമാണ് ശുഭ് മംഗള്‍ സ്യാദ സാവധാന്‍. സ്വവര്‍ഗ ദമ്പതികളുടെ പ്രണയകഥയാണ് ചിത്രം അവതരിപ്പിക്കുന്നത്. ചിത്രം കഴിഞ്ഞ ദിവസമാണ് പ്രദര്‍ശനത്തിനെത്തിയത്. ഇപ്പോഴിതാ ചിത്രത്തെ പ്രശംസിച്ച് രംഗത്ത് വന്നിരിക്കുകയാണ് അമേരിക്കന്‍ പ്രസിഡന്റ് ഡോണള്‍ഡ് ട്രംപ്.
“ഗംഭീരം” എന്നാണ് ചിത്രത്തെ കുറിച്ച് ഡ്രംപ് ട്വീറ്റ് ചെയ്തത്. ശുഭ് മംഗള്‍ സ്യാദ സാവധാനെ കുറിച്ച് എല്‍ജിബിടിക്യു അവകാശ പ്രവര്‍ത്തകനായ പീറ്റര്‍ ടാച്ചല്‍ ട്വീറ്റ് ചെയ്തിരുന്നു. ഈ ട്വീറ്റ് പങ്കുവെച്ചാണ് ഡ്രംപിന്റെ പ്രശംസ. സ്വവര്‍ഗ്ഗാനുരാഗം എന്ന പ്രമേയത്തെ അടിസ്ഥാനമാക്കി സിനിമ ഒരുക്കാനുള്ള നിര്‍മ്മാതാക്കളുടെ ശ്രമത്തെ അഭിനന്ദിക്കുന്നെന്നാണ് പീറ്റര്‍ ട്വിറ്ററില്‍ കുറിച്ചത്.
2017- ലെ ശുഭ് മംഗല്‍ സാവധാന്‍ എന്ന ചിത്രത്തിന്റെ രണ്ടാം ഭാഗമാണ് “ശുഭ് മംഗള്‍ സ്യാദ സാവധാന്‍”. ആയുഷ്മാന്‍ ഖുറാനയും ജിതേന്ദ്ര കുമാറും പ്രധാന താരങ്ങളായി എത്തുന്ന ചിത്രം ഹിതേഷ് കേവല്യയാണ് സംവിധാനം ചെയ്തിരിക്കുന്നത്. ആനന്ദ് എല്‍. റായ്, ഭൂഷണ്‍ കുമാര്‍ എന്നിവര്‍ ചേര്‍ന്നാണ് നിര്‍മ്മാണം. നീന ഗുപ്ത, മാന്‍വി, സുനിത, നീരജ്, ഭൂമി എന്നിവരാണ് ചിത്രത്തിലെ മറ്റ് താരങ്ങള്‍. തനിഷ്‌ക് ആണ് സംഗീതം.