ലോകകപ്പ് കിരീടം ചൂടിയ അര്‍ജന്റീനയ്ക്കും മെസിക്കുമുള്ള അഭിനന്ദനങ്ങള്‍ക്കൊപ്പം അക്ഷയ് കുമാറിനെ ട്രോളി സോഷ്യല്‍ മീഡിയ. ഒരുപാട് ബയോപിക് സിനിമകളില്‍ നായകനാകുന്ന താരമാണ് അക്ഷയ് കുമാര്‍. അതുകൊണ്ട് തന്നെ ഇനി മെസിയായി വേഷമിടുമെന്നുമാണ് സോഷ്യല്‍ മീഡിയയുടെ പരിഹാസം.
അര്‍ജന്റീനയുടെ ജേഴ്‌സി അണിഞ്ഞുള്ള അക്ഷയ് കുമാറിന്റെ ചിത്രങ്ങളാണ് ട്വീറ്ററില്‍ നിറയുന്നത്. ‘ഹൗസ്ഫുള്‍ 3’ എന്ന സിനിമയില്‍ അര്‍ജന്റീനയുടെ ജേഴ്‌സി ഇട്ട് ഫുട്‌ബോള്‍ താരമായി അക്ഷയ് കുമാര്‍ അഭിനയിച്ചിരുന്നു. ഈ ചിത്രങ്ങളാണ് വീണ്ടും പ്രചരിക്കുന്നത്.
Lionel Messi : The Legend of Argentina Biopic incoming! Starring @akshaykumar pic.twitter.com/Sq06Nricvw
— Aman Kushwaha (@kushwaaaah) December 18, 2022
‘ലയണല്‍ മെസ്സി: ദി ലെജന്റ് ഓഫ് അര്‍ജന്റീന’ എന്നാക്കാം അക്ഷയ് ഒരുക്കുന്ന ബയോപ്പിക്കിന് പേരെന്നും ആളുകള്‍ നിര്‍ദേശിക്കുന്നുണ്ട്. അതേസമയം, ഇനി വരാനിരിക്കുന്ന ബയോപിക്കില്‍ മൈനിംഗ് എഞ്ചിനിയര്‍ സര്‍ദാര്‍ ജസ്വന്ത് സിംഗ് ഗില്ലിന്റെ വേഷത്തിലാണ് നടന്‍ അഭിനയിക്കുക.
Akshay Kumar announced a biopic on Messi. Starts preparations. pic.twitter.com/6Qajs7VfdH
— Zaffar 🇮🇳 (@Zaffar_Nama) December 19, 2022
തുടര്‍ന്ന് ഇന്ത്യന്‍ സൈന്യത്തിലെ ഗൂര്‍ഖ റെജിമെന്റില്‍ ഉദ്യോഗസ്ഥനായ മേജര്‍ ജനറല്‍ ഇയാന്‍ കാര്‍ഡോസോയുടെ ജീവിതത്തെ ആസ്പദമാക്കിയുള്ള ‘ഗൂര്‍ഖ’യിലും അക്ഷയ് അഭിനയിക്കും. സൂര്യ ചിത്രം ‘സൂരറൈ പോട്രി’ന്റെ ഹിന്ദി റീമേക്കും താരത്തിന്റെതായി ഒരുങ്ങുന്നുണ്ട്.
#Messi𓃵 #FIFAWorldCup #AkshayKumar pic.twitter.com/F23Cu19pi7
— jai_memeisthan (@memeisthan) December 19, 2022
Read more
