‘ഫൈറ്റര്‍’ ചിത്രത്തിന്റെ ടീസര്‍ എത്തിയപ്പോള്‍ തന്നെ ഹൃത്വിക് റോഷന്റെയും നടി ദീപിക പദുക്കോണിന്റെയും ഇന്റിമേറ്റ് രംഗങ്ങള്‍ ചര്‍ച്ചയായിരുന്നു. മോണോക്കിനിയില്‍ എത്തുന്ന ദീപികയുടെയും ഹൃത്വിക്കിന്റെയും ചുംബനരംഗം വിവാദമായിരുന്നു. എന്നാല്‍ ഇപ്പോഴിതാ, കൂടുതല്‍ ഇന്റിമേറ്റ് രംഗങ്ങളുള്ള ചിത്രത്തിലെ ഒരു ഗാനം പുറത്തെത്തിയിരിക്കുകയാണ്.
‘ഇഷ്‌ക് ജയ്‌സാ’ എന്ന റൊമാന്റിക് ഗാനത്തില്‍ സൂപ്പര്‍ ഹോട്ട് ആയാണ് ദീപികയും ഹൃത്വിക്കും പ്രത്യക്ഷപ്പെട്ടത്. ദീപികയുടെ മോണോക്കിനിയും ഗാനരംഗത്തില്‍ ഇടുന്ന മറ്റ് വസ്ത്രങ്ങളുമെല്ലാം ഗ്ലാമറസ് വേഷങ്ങളാണ്. മണിക്കൂറുകള്‍ക്കുള്ളില്‍ തന്നെ ഗാനം ട്രെന്‍ഡിംഗ് ലിസ്റ്റില്‍ എത്തിയിട്ടുണ്ട്.
ഒരു ബോളിവുഡ് സിനിമയില്‍ എത്തിയതില്‍ വച്ച് ഏറ്റവും ഹോട്ട് ആയ ഗാനമാണിത് എന്ന കമന്റുകളാണ് സോഷ്യല്‍ മീഡിയയില്‍ നിറയുന്നത്. ഹൃത്വിക്കിന്റെയും ദീപികയുടെയും കെമിസ്ട്രിയും ചര്‍ച്ചയാകുന്നുണ്ട്. എന്നാല്‍ വെറുപ്പുളവാക്കുന്ന നടിയാണ് ദീപിക എന്ന കമന്റുകളും എത്തുന്നുണ്ട്.
ദീപികയുടെ സ്വകാര്യ അവയവങ്ങള്‍ അടക്കം എടുത്തു പറഞ്ഞു കൊണ്ടുള്ള ക്രൂരമായ ആക്രമണങ്ങളും സോഷ്യല്‍ മീഡിയയില്‍ നടക്കുന്നുണ്ട്. ‘പഠാന്’ ശേഷം സിദ്ധാര്‍ഥ് ആനന്ദ് സംവിധാനം ചെയ്യുന്ന ചിത്രമാണ് ഫൈറ്റര്‍. വ്യോമസേന പൈലറ്റുമാരുടെ വേഷത്തിലാണ് ചിത്രത്തില്‍ ഹൃത്വിക് റോഷനും ദീപികയുമെത്തുന്നത്.