ബോളിവുഡിന്റെ അക്കാലത്തെയും കിങ്ങും ക്വീനുമാണ് ഷാരൂഖ് ഖാനും ഗൗരി കാനും. എല്ലാ പിന്തുണയും നൽകി ഭർത്താവിനോപ്പം നിൽക്കുന്ന ഗൗരി പലവട്ടം കേട്ടിട്ടുള്ള ചോദ്യമാണ് സിനിമയിലെത്തി പ്രശസ്തിയും പേരുമൊക്കെ നേടിയ ശേഷം ഷാരൂഖ് ഖാന്‍ മറ്റൊരു സ്ത്രീയ്ക്ക് വേണ്ടി തന്നെ ഉപേക്ഷിക്കുമെന്ന് തോന്നിയിട്ടുണ്ടോ എന്നത്.
ഇതിന് കോഫി വിത്ത് കരണിന്റെ ആദ്യത്തെ സീസണിലൂടെ ഗൗരി കൊടുത്ത മറുപടിയാണ് ശ്രദ്ധേയമാകുന്നത്. ആരെങ്കിലും തന്നോടിത് ചോദിക്കുമ്പോള്‍ ആ ചിന്തയോട് തന്നെ തനിക്ക് ദേഷ്യം തോന്നും. അവന്‍ വേറെ ആരെയെങ്കിലും കണ്ടെത്തുകയാണെങ്കില്‍, അതിലും സുന്ദരനായ വേറെ ആരെയെങ്കിലും തനിക്കും കാണിച്ചു തരണമേ എന്നാണ് ദൈവത്തോടുള്ള തന്റെ പ്രാര്‍ത്ഥന എന്നായിരുന്നു ഗൗരിയുടെ മറുപടി.
ഗൗരിയും ഹൃത്വിക് റോഷന്റെ ഭാര്യ സൂസെയ്‌നും ഒരുമിച്ചായിരുന്നു കോഫി വിത്ത് കരണില്‍ അതിഥികളായി എത്തിയത്. ഷാരൂഖ് ഖാന്‍ തന്നേക്കാള്‍ സുന്ദരിയും പ്രശസ്തയുമായൊരു നായികയ്ക്ക് വേണ്ടി തന്നെ ഉപേക്ഷിക്കുമെന്ന് എപ്പോഴെങ്കിലും ഭയന്നിട്ടുണ്ടോ എന്നായിരുന്നു കരണ്‍ ജോഹര്‍ ഗൗരിയോട് ചോദിച്ചത്. സൂസെയ്‌നോടും കരണ്‍ ഇതേ ചോദ്യം ചോദിച്ചിരുന്നു.
മൂന്ന് കുട്ടികളാണ് ഷാറൂഖ് ഗൗരി ദമ്പതികൾക്കുള്ളത്. ആര്യന്‍ ഖാന്‍, സുഹാന ഖാന്‍, അബ്രാം ഖാന്‍. അച്ഛന്റെ പാതയിലൂടെ സിനിമയിലെത്താന്‍ തയ്യാറെടുക്കുകയാണ് സുഹാന. താരപുത്രിയുടെ അരങ്ങേറ്റ സിനിമയുടെ ചിത്രീകരണവും നടന്നു വരികയാണ്