ലോകം മുഴുവന്‍ കോവിഡ് 19 പ്രതിസന്ധി തുടരുകയാണ്. ഇതിനിടെ വിവാദത്തിലായി റാപ്പര്‍ ഗായകനായ ബാദ്ഷായും ബോളിവുഡ് താരം ജാക്വിലിന്‍ ഫെര്‍ണാണ്ടസും. “ബോറോലോകര്‍ ബിടിലോ” എന്ന ബംഗാളി ഗാനത്തിന്റെ ലിറിക്‌സ് ആണ് ഇരുവരുടെയും പുതിയ ഗാനം “ഗെന്ധ ഫൂല്‍” ഒരുക്കിയിരിക്കുന്നത്.
എന്നാല്‍ ബംഗാളി ഗാനം ഒരുക്കിയ തന്നെ ഈ ഗാനം ഒരുക്കുന്നതിന് മുമ്പ് സമീപിച്ചിട്ടില്ലെന്നാണ് സംഗീതഞ്ജന്‍ രതന്‍ കാഹര്‍ പറയുന്നത്. കോപ്പിറൈറ്റ് അവകാശങ്ങള്‍ക്കായി ആരും തന്നെ സമീപിച്ചിട്ടില്ലെന്നും നീതിക്കായി ഗായകനെ ബന്ധപ്പെടാന്‍ ശ്രമിക്കുകയാണെന്നും രതന്‍ കാഹര്‍ പറയുന്നത്.
ഫോക്ക് ഗാനമായി ഒരുക്കിയ ഈ ഗാനം അദ്ദേഹത്തിന്റെതാണെന്ന് തെളിയിക്കുന്ന ഒരു പ്രൂഫും ഇല്ലെന്ന് ബാദ്ഷാക്കൊപ്പം ഗാനം ആലപിച്ച പായല്‍ ദേവ് വ്യക്തമാക്കുന്നത്. യൂട്യൂബില്‍ നോക്കിയാല്‍ അതേ വരികളുള്ള പല ഗാനങ്ങളും കാണാന്‍ സാധിക്കുമെന്നും പായല്‍ ദേവ് ഒരു അഭിമുഖത്തിനിടെ വ്യക്തമാക്കി.