അമ്മയ്‌ക്കൊപ്പം താമസിക്കാന്‍ തയാറാകുന്ന ഒരാളെ മാത്രമേ വിവാഹം ചെയ്യുകയുള്ളുവെന്ന് ബോളിവുഡ് താരം സാറ അലിഖാന്‍. അമ്മയുടെ സഹായമില്ലാതെ തനിക്ക് മുന്നോട്ട് പോകാന്‍ ആകില്ല എന്നാണ് സാറ പറയുന്നത്. സെയ്ഫ് അലിഖാന്റെ ആദ്യ ഭാര്യ അമൃത സിങിന്റെ മകളാണ് സാറ അലിഖാന്‍.
അമ്മയുടെ സഹായമില്ലാതെ തനിക്ക് മുന്നോട്ട് പോകാന്‍ ആകില്ല. ഉദാഹരണത്തിന് ഒരു അഭിമുഖത്തില്‍ പങ്കെടുക്കുന്നതിനായി പോകുമ്പോള്‍ തന്റെ വസ്ത്രവും ആഭരണങ്ങളും എനിക്ക് യോജിക്കുന്ന രീതിയില്‍ തിരഞ്ഞെടുത്ത് നല്‍കുന്നത് അമ്മയാണ്.
അമ്മ കൂടെയുള്ളപ്പോള്‍ ആത്മവിശ്വാസത്തിലാണ് ജീവിതത്തിലെ ഓരോ ദിവസവും കടന്നു പോകുന്നത്. വീട്ടിലേക്കു തിരിച്ചു പോകുമ്പോള്‍ അമ്മ തന്നെ കാത്തിരിക്കുന്നു എന്ന ചിന്ത തനിക്ക് കൂടുതല്‍ ധൈര്യം നല്‍കും. അമ്മയ്‌ക്കൊപ്പം താമസിക്കാന്‍ തയാറാകുന്ന ഒരാളെ മാത്രമേ വിവാഹം കഴിക്കൂ.
ഒരിക്കലും അമ്മയെ പിരിഞ്ഞ് ജീവിക്കാന്‍ സാധിക്കില്ല. വിവാഹം കഴിഞ്ഞാല്‍ പോലും അമ്മയെ വിട്ടു പോകാന്‍ തയ്യാറാകില്ല. തന്റെ അമ്മയ്‌ക്കൊപ്പം താമസിക്കാന്‍ തയ്യാറാകുന്ന ആളെ മാത്രമേ താന്‍ വിവാഹം കഴിക്കൂ. സ്വതന്ത്ര ചിന്താഗതിക്കാരിയാണ് അമ്മ.
തന്റെ മൂന്നാം കണ്ണാണ്. ദൈനംദിന ജീവിതത്തില്‍ തന്റെ കാഴ്ചയും ശബ്ദവും എല്ലാം അമ്മയാണ്. ഒരിക്കലും അമ്മയെ തനിച്ചാക്കാന്‍ തനിക്ക് കഴിയില്ലെന്നും ഒരു ദേശീയ മാധ്യമത്തിന് നല്‍കിയ അഭിമുഖത്തില്‍ സാറ പറഞ്ഞു. അക്ഷയ് കുമാറും ധനുഷും ഒന്നിക്കുന്ന അത്രംഗി രേ ആണ് താരത്തിന്റെ പുതിയ ചിത്രം.