തനിക്ക് നേരിടേണ്ടി വന്ന കാസ്റ്റിങ് കൗച്ച് അനുഭവങ്ങള്‍ പങ്കുവച്ച് ബോളിവുഡ് താരം ഇഷ കോപികര്‍. തന്റെ തുടക്കകാലത്ത് ഒരു മുന്‍നിരനായകന്‍ തന്നോട് ഒറ്റക്ക് വന്ന് കാണണമെന്ന് തന്നോട് ആവശ്യപ്പെട്ടു എന്നാണ് ഇഷ തുറന്നു പറഞ്ഞിരിക്കുന്നത്. 2000ല്‍ പുറത്തിറങ്ങിയ ഹൃത്വിക് റോഷന്‍ ചിത്രം ‘ഫിസ’യിലൂടെയാണ് ഇഷ ബോളിവുഡില്‍ എത്തുന്നത്.
ഒരു മുന്‍നിര നായക നടന്‍ എന്നോട് ഒറ്റയ്ക്ക് വന്ന് കാണണമെന്ന് ആവശ്യപ്പെട്ടു. ഡ്രൈവറെ പോലും ഒപ്പം കൂട്ടേണ്ടന്നും പറഞ്ഞു. കാരണം മറ്റ് നടിമാരുമായി ചേര്‍ത്ത് അയാള്‍ക്കെതിരെ ഗോസിപ്പുകള്‍ പ്രചരിക്കുന്നുണ്ടത്രേ. ഒട്ടേറെ വിവാദങ്ങള്‍ തനിക്കെതിരെയുണ്ടെന്നും സ്വന്തം ജീവനക്കാര്‍ തന്നെ പലതും പറഞ്ഞു പരത്തുന്നുണ്ടെന്നും നടന്‍ പറഞ്ഞു.
എന്നാല്‍ ഒറ്റയ്ക്ക് വരാനാകില്ലെന്ന് തീര്‍ത്ത് പറഞ്ഞ് ഞാന്‍ ആ കൂടിക്കാഴ്ച ഒഴിവാക്കി. ബോളിവുഡിലെ മുന്‍നിരതാരമായിരുന്നു ഇത്തരമൊരാവശ്യവുമായി എനിക്ക് മുന്നിലെത്തിയത്. അന്ന് എനിക്ക് 22-23 വയസായിരുന്നു പ്രായം എന്നാണ് ഇഷ ഒരു അഭിമുഖത്തില്‍ പറഞ്ഞത്.
18-ാം വയസില്‍ നേരിട്ട മറ്റൊരു അനുഭവവും ഇഷ വെളിപ്പെടുത്തി. ഒരു നടനും മറ്റൊരു നടന്റെ സെക്രട്ടറിയും കാസ്റ്റിങ് കൗച്ചിനായി സമീപിച്ചു. സിനിമ ലഭിക്കണമെങ്കില്‍ താരങ്ങളുമായള്ള സൗഹൃദം അനിവാര്യമെന്നായിരുന്നു അവരുടെ നിലപാട്. ഇന്‍ഡസ്ട്രിയിലെ പ്രമുഖരുമായി താന്‍ നല്ല സൗഹൃദത്തിലാണെന്നും നടന്‍ വ്യക്തമാക്കി.
സൗഹൃദം എന്നതുകൊണ്ട് ഇവര്‍ എന്താണ് അര്‍ഥമാക്കുന്നത് എന്നായിരുന്നു ഇഷയുടെ ചോദ്യം. ഒട്ടേരെ നടന്മാര് തന്നെ അനുചിതമായി സ്പര്‍ശിച്ചിട്ടുണ്ടെന്നും, വഴിവിട്ട സൗഹൃദത്തിന് നിര്‍ബന്ധിച്ചിട്ടുണ്ടെന്നും ഏക്ത കപൂര്‍ തന്നോടൊരുക്കല്‍ പറഞ്ഞിട്ടുണ്ടെന്നും ഇഷ വെളിപ്പെടുത്തി.
