ഷാഹിദ് കപൂറും നടി കങ്കണ റണാവത്തും തമ്മിലുള്ള പ്രശ്‌നങ്ങള്‍ ബോളിവുഡില്‍ പ്രസിദ്ധമാണ്. താരങ്ങള്‍ ഒന്നിച്ച പിരിയഡ് ഡ്രാമ ‘രങ്കൂണ്‍’ പല വിവാദങ്ങള്‍ക്കും വേദിയായി മാറിയിരുന്നു. ഷാഹിദും കങ്കണയും ആദ്യമായി ഒരുമിച്ച് അഭിനയിച്ച ചിത്രമായിരുന്നു രങ്കൂണ്‍. സെയ്ഫ് അലിഖാനും ചിത്രത്തില്‍ പ്രധാന കഥാപാത്രമായി.
എന്നാല്‍ ചിത്രം ബോക്‌സോഫീസില്‍ പരാജയപ്പെട്ടു. ചിത്രത്തിലെ ഷാഹിദും കങ്കണയുമായുള്ള ചുംബനരംഗങ്ങളും ഇന്റിമേറ്റ് സീനുകളും റിലീസിന് മുമ്പ് തന്നെ ചര്‍ച്ചയായിരുന്നു. ചുംബനരംഗത്തെ കുറിച്ചുള്ള ചോദ്യങ്ങള്‍ക്ക് കങ്കണ പറഞ്ഞ മറുപടികളെ തുടര്‍ന്നാണ് ഇരുതാരങ്ങളും തമ്മില്‍ വാക്‌പോര് ആരംഭിച്ചത്.
ഷാഹിദുമായുള്ള ചുംബനരംഗം അറപ്പുളവാക്കുന്നതായിരുന്നു എന്നാണ് കങ്കണ പറഞ്ഞത്. ഷാഹിദിന്റെ മീശ അസഹീനയമായിരുന്നു. പോരാത്തതിന് ഷാഹിദ് പറഞ്ഞത് തനിക്ക് മൂക്കൊലിപ്പുണ്ടെന്നും അതിനാല്‍ മീശ അവിടെ തന്നെ ഒട്ടിയിരിക്കും എന്നുമായിരുന്നു.
അതിനാല്‍ ആ ചുംബനരംഗം ചെയ്യുക എന്നത് അറപ്പുളവാക്കുന്നതായിരുന്നു എന്നാണ് കങ്കണ പറഞ്ഞത്. കൂടാതെ ഷാഹിദിനൊപ്പം ഒരു കോട്ടേജ് പങ്കിട്ടത് തനിക്ക് ദുഃസ്വപ്‌നം പോലെയാണെന്നും കങ്കണ ആരോപിച്ചു. ഷാഹിദും താനും ടീമിനൊപ്പം ഒരു കോട്ടേജ് പങ്കിട്ടിരുന്നു.
എല്ലാ ദിവസവും രാവിലെ താന്‍ എഴുന്നേറ്റിരുന്നത് ഷാഹിദിന്റെ ഹിപ്പ് ഹോപ്പ് സംഗീതം കേട്ടു കൊണ്ടായിരുന്നു. ആ ഭ്രാന്തന്‍ ട്രാന്‍സ് പാട്ടുകള്‍ കേട്ടായിരുന്നു ഷാഹിദ് വ്യായാമം ചെയ്തിരുന്നത്. അവിടെ നിന്നും മാറാന്‍ വരെ ആഗ്രഹിച്ചിരുന്നു.
Read more
ഷാഹിദിനൊപ്പം കോട്ടേജ് പങ്കിടുക എന്നത് തനിക്കൊരു ദുഃസ്വപ്നമായിരുന്നു എന്നാണ് കങ്കണ പറഞ്ഞത്. എന്നാല്‍ കങ്കണയോട് താന്‍ അങ്ങനെ ഒന്നും തന്നെ പറഞ്ഞിട്ടില്ലെന്നും സഹതാരങ്ങളോട് നടി മാന്യമായി പെരുമാറി മുന്നോട്ട് പോകണമെന്നുമാണ് ഷാഹിദ് പറഞ്ഞത്.
