കഴിഞ്ഞ വെള്ളിയാഴ്ചയാണ് കോവിഡ് 19 പോസിറ്റീവാണെന്ന് സ്ഥിരീകരിച്ച് ബോളിവുഡ് ഗായിക കനിക കപൂര്‍ സോഷ്യല്‍ മീഡിയയില്‍ പോസ്റ്റ് പങ്കുവച്ചത്. ലണ്ടനില്‍ നിന്നും ഇന്ത്യയിലേക്കെത്തിയ കനിക സമ്പര്‍ക്ക വിലക്ക് പാലിച്ചില്ലെന്ന കാരണം കാണിച്ച് താരത്തിനെതിരെ കേസെടുത്തിരുന്നു.
ലക്‌നൗവിലെ സഞ്ജയ് ഗാന്ധി പോസ്റ്റ് ഗ്രാജുവേറ്റ് ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് ആശുപത്രിയില്‍ ചികിത്സയിലുള്ള താരം കോവിഡ് 19 ആണെന്ന് അറിയിച്ച പോസ്റ്റ് ഡിലീറ്റ് ചെയ്തു. കഴിഞ്ഞ നാല് ദിവസങ്ങളായി തനിക്ക് പനിയുടെ ലക്ഷണങ്ങള്‍ ഉണ്ടായിരുന്നുവെന്നും തുടര്‍ന്ന് പരിശോധന നടത്തിയപ്പോള്‍ കോവിഡ്-19 ആണെന്ന് സ്ഥിരീകരിച്ചുവെന്നും കനിക വ്യക്തമാക്കിയത്.
താനും കുടുംബവും പൂര്‍ണമായും സമ്പര്‍ക്ക വിലക്കിലാണെന്നും ആരോഗ്യപ്രവര്‍ത്തകരുടെ നിര്‍ദേശപ്രകാരമായിരിക്കും തുടര്‍ന്നുള്ള നടപടികളെന്നും കനിക വ്യക്തമാക്കിയിരുന്നു. കനികക്ക് മൂന്നാമത്തെ ടെസ്റ്റിലും രോഗം പോസിറ്റീവായി തുടരുകയാണ്. അതേസമയം കനികയുമായി അടുത്തിടപഴകിയ പലരുടെയും ടെസ്റ്റ് നെഗറ്റീവ് ആണ്.