ഒരു നാണവും ഇല്ലാതെ ഞാന്‍ ആമിര്‍ ഖാനെ ഉപയോഗിച്ചിട്ടുണ്ട്, വിവാഹമോചനത്തിന് ശേഷവും: കിരണ്‍ റാവു

വിവാഹമോചനത്തിന് ശേഷവും താന്‍ ആമിര്‍ ഖാന്റെ താരപദവി ഉപയോഗിച്ചിട്ടുണ്ടെന്ന് നടന്റെ മുന്‍ ഭാര്യയും സംവിധായികയുമായ കിരണ്‍ റാവു. 2005ല്‍ വിവാഹിതരായ ആമിറും കിരണും 2021ല്‍ ആണ് വേര്‍പിരിഞ്ഞത്. കിരണ്‍ റാവു സംവിധാനം ചെയ്ത ‘ലാപതാ ലേഡീസ്’ എന്ന ചിത്രത്തിന്റെ നിര്‍മാണ പങ്കാളികളിലൊരാളാണ് ആമിര്‍ ഖാന്‍.

ചിത്രത്തിന്റെ പ്രമോഷന് കിരണിനൊപ്പം തന്നെ ആമിര്‍ എത്തിയിരുന്നു. ആമിര്‍ ഖാന്റെ താരപദവി ചിത്രത്തെ എളുപ്പത്തില്‍ പ്രമോട്ട് ചെയ്യാന്‍ സഹായിച്ചിട്ടുണ്ടോ എന്ന ചോദ്യത്തോടാണ് കിരണ്‍ ഇപ്പോള്‍ പ്രതികരിച്ചിരിക്കുന്നത്. ഒരു നാണവുമില്ലാതെ താന്‍ ഉപയോഗിച്ചിട്ടുണ്ട് എന്നാണ് കിരണ്‍ റാവു പറയുന്നത്.

”ഉറപ്പായും. ആമിറിനെ എന്റെ ചിത്രത്തിന് വേണ്ടി പൂര്‍ണ്ണമായും ഉപയോഗിച്ചിട്ടുണ്ട്. പറ്റുന്ന സ്ഥലത്തൊക്കെ അദ്ദേഹത്തിന്റെ താരപദവി ഞാന്‍ ഉപയോഗിച്ചിട്ടുണ്ട്. ആമിര്‍ ഇവിടെയുണ്ട്, അദ്ദേഹത്തിനോട് ഞങ്ങളുടെ ചിത്രം പ്രമോട്ട് ചെയ്യാന്‍ വേണ്ടിയുള്ള എല്ലാ സഹായവും ചോദിക്കും. കാരണം ഞങ്ങളുടെത് വളരെ ചെറിയൊരു സിനിമയാണ്.”

”അത് ജനങ്ങളെ അറിയിക്കുന്നതിനായി എനിക്ക് ചെയ്യാന്‍ കഴിയുന്നതെല്ലാം ചെയ്യണം. മാര്‍ച്ച് ഒന്നിന് ആമിര്‍ ഖാന്‍ നിര്‍മിച്ച ചിത്രം പുറത്തിറങ്ങുന്നുണ്ട്. അതിനാല്‍ എല്ലാവരും കാണണം എന്ന് ഞാന്‍ പറയും. ലാപതാ ലേഡീസ് എന്ന എന്റെ ചിത്രത്തിനായി യാതൊരു നാണവുമില്ലാതെ ആമിര്‍ ഖാനെ ഉപയോഗിച്ചു. ഞാന്‍ ഇങ്ങനെയാണ്” എന്നാണ് കിരണ്‍ റാവു പറഞ്ഞത്.

അതേസമയം, 14 വര്‍ഷത്തിന് ശേഷം കിരണ്‍ റാവു സംവിധാനം ചെയ്യുന്ന ചിത്രമാണ് ലാപതാ ലേഡീസ്. നോര്‍ത്ത് ഇന്ത്യയിലെ ഒരു ഗ്രാമത്തില്‍ നടക്കുന്ന കല്യാണവും വധു മാറിപ്പോകുന്നതുമാണ് ചിത്രത്തിന്റെ പശ്ചാത്തലം. നിതാന്‍ഷി ഗോയല്‍, പ്രതിഭ രാന്‍ടാ, സ്പര്‍ശ് ശ്രീവാസ്തവ, രവി കിഷന്‍ എന്നിവരാണ് ചിത്രത്തിലെ പ്രധാന താരങ്ങള്‍.

Latest Stories

MI UPDATES: ബുംറ ഇല്ലാതെ എന്ത് മുംബൈ, എതിരാളികള്‍ക്ക് ഇനി മുട്ടുവിറക്കും, തിരിച്ചുവരവ് അവസാന ഘട്ടത്തില്‍, പുതിയ അപ്‌ഡേറ്റ്

എകെജിഎസ്എംഎ പ്രസിഡന്റ് കെ സുരേന്ദ്രനെ ഓള്‍ ഇന്ത്യ ജം ആന്റ് ജ്വല്ലറി ഡൊമസ്റ്റിക് കൗണ്‍സില്‍ ആദരിച്ചു

'എമ്പുരാന്‍ കണ്ടത് വെട്ടിമാറ്റിയ ശേഷം, സിനിമയെ എതിര്‍ത്ത സംഘപരിവാറിന്റെ വല്യേട്ടനാണ് ആവിഷ്‌ക്കാര സ്വാതന്ത്ര്യത്തിന് വേണ്ടി അലമുറയിടുന്ന സിപിഎം: ജോയ് മാത്യു

പ്രായപൂര്‍ത്തിയാകാത്ത ആദിവാസി യുവാവ് പൊലീസ് കസ്റ്റഡിയില്‍ മരിച്ച സംഭവം; പ്രത്യക്ഷ സമരത്തിലേക്കെന്ന് ആദിവാസി സംഘടനകള്‍

ഞാന്‍ കുറച്ച് ഹോക്കിയും കളിച്ചു, ആ ഷോട്ടിന് പിന്നിലുളള രഹസ്യം ഇത്, ഗുജറാത്തിന്റെ 15 കോടി കളിക്കാരന്റെ വെളിപ്പെടുത്തല്‍

നീലയിൽ ഇനിയില്ല; കെവിൻ ഡി ബ്രൂയിനെ മാഞ്ചസ്റ്റർ സിറ്റി വിട്ടു

ഋഷഭ് ഷെട്ടിക്കൊപ്പം ഒരു കൈ നോക്കാം, അജിത്തിനൊപ്പം ഏപ്രില്‍ റേസിനില്ല..; 'ഇഡ്‌ലി കടൈ'യുടെ അപ്‌ഡേറ്റുമായി ധനുഷ്

വഖഫ് ഭേദഗതി ബില്ലിൽ വൻ പ്രതിഷേധം; ചെന്നൈയിൽ നേതൃത്വം വഹിച്ചത് വിജയ്‌യുടെ തമിഴക വെട്രി കഴകം

ഐബി ഉദ്യോഗസ്ഥയുടെ മരണം; സുകാന്തിനെതിരെ ബലാത്സംഗക്കുറ്റം ചുമത്തി കേസെടുത്തു; പ്രതി ഇപ്പോഴും കാണാമറയത്ത്

ടിക് ടോക് ഇന്ത്യയില്‍ തിരികെ എത്തുമോ? ടിക് ടോക്കിന് പകരം ട്രംപ് ചൈനയ്ക്ക് നല്‍കിയത് വന്‍ ഓഫര്‍; സ്വന്തമാക്കാന്‍ മത്സരിച്ച് അമേരിക്കന്‍ കമ്പനികള്‍