Connect with us
https://southlive.in/wp-content/uploads/2018/08/728-x-90-pix.jpg

BOLLYWOOD

ദീപാവലി ദിനത്തില്‍ ഷാഹിദിന്റെ ചുണ്ടില്‍ ചുംബിക്കുന്ന ചിത്രം പങ്കുവെച്ച് മിറയ്‌ക്കെതിരെ സൈബര്‍ സദാചാര ഗുണ്ടകള്‍; ഇന്ത്യന്‍ സംസ്‌കാരത്തെ അവഹേളിക്കലെന്ന് വിമര്‍ശനം

, 5:56 pm

ബോളിവുഡിലെ ക്യൂട് കപ്പിള്‍സാണ് ഷാഹിദ് കപൂറും മിറ രാജ്പുതും. ദീപാവലി ആഘോഷത്തിന്റെതായി മിറ പോസ്റ്റ് ചെയ്ത ചിത്രങ്ങളുടെ പേരില്‍ ഇരുവരും ഇപ്പോള്‍ വിമര്‍ശനം നേരിടുകയാണ്. തന്റെ ചുണ്ടില്‍ ചുംബിക്കുന്ന ഷാഹിദിന്റെ ചിത്രമാണ് മിറ ഇന്‍സ്റ്റഗ്രാമിലൂടെ പങ്കുവച്ചത്. ദീപാവലി ആഘോഷിക്കുന്ന ചിത്രത്തിന് പകരം പ്രണയ നിമിഷങ്ങള്‍ പങ്കുവെച്ചതാണ് ഒരു വിഭാഗത്തെ ചൊടിപ്പിച്ചിരിക്കുന്നത്.

ദീപാവലി ദിനത്തില്‍ ഇത്തരത്തിലുള്ള ചിത്രം പങ്കുവെച്ചത് ഇന്ത്യന്‍ സംസ്‌കാരത്തെ അവഹേളിക്കലാണെന്നാണ് വിമര്‍ശകര്‍ പറയുന്നത്. ദീപാവലി ആഘോഷിക്കുന്ന ചിത്രത്തിന് പകരം പ്രണയ നിമിഷങ്ങള്‍ പങ്കുവച്ച് ഹിന്ദു സംസ്‌കാരത്തെ അപമാനിച്ചുവെന്നാണ് ഇവരുടെ കണ്ടെത്തല്‍. ഇത് തങ്ങളുടെ ജീവിതത്തിന്റെയും സംസ്‌കാരത്തിന്റെയും ഭാഗമാണെന്നും ഇങ്ങനെ അല്ല ആശംസ നേരേണ്ടതെന്നും ഇവര്‍ പറയുന്നു. ദീപാവലിക്ക് മാന്യമായി ആശംസകള്‍ നേര്‍ന്ന വിരാടിനെയും അനുഷ്‌കയെയും മാതൃകയാക്കാന്‍ നിര്‍ദ്ദേശിച്ചവരും വിമര്‍ശകരിലുണ്ട്.

View this post on Instagram

Only love 💕Happy Diwali!

A post shared by Mira Rajput Kapoor (@mira.kapoor) on

കൂടുതല്‍ ശ്രദ്ധ നേടുക എന്ന ലക്ഷ്യത്തോടെയാണ് മിറ ഇങ്ങനെയെല്ലാം ചെയ്യുന്നതെന്ന് പറയുന്നവരുമുണ്ട്. താരങ്ങളെ പിന്തുണയ്ക്കുന്നവരും ഉണ്ട്. ഭാര്യ-ഭര്‍ത്തൃ ബന്ധത്തില്‍ വരെ സദാചാരം കണ്ടെത്തുന്നത് മാനസിക പ്രശ്നമാണെന്നും ചികിത്സ നേടണമെന്നുമാണ് കപട സദാചാരവാദികളോടുള്ള അവരുടെ ഉപദേശം. പെണ്‍കൊടികളുടെ റൊമാന്റിക് ഹീറോയായി വിലസുന്ന സമയത്താണ് ഷാഹിദ് സിനിമയുമായി യാതൊരു ബന്ധവുമില്ലാത്ത ചുറ്റുപാടില്‍ നിന്ന് വന്ന മിറ രാജ്പുതിനെ വിവാഹം കഴിച്ചത്. 2015 ജൂലൈയിലായിരുന്നു ഇരുവരുടെയും വിവാഹം.

Advertisement