10 വര്‍ഷം മുന്‍പാണ് ഐശ്വര്യ റായി അഭിഷേക് ബച്ചന്‍ താരദമ്പതികള്‍ക്ക് മകള്‍ ആരാധ്യ ജനിക്കുന്നത് . മകളുടെ കാര്യങ്ങളെല്ലാം തന്നെ സ്വകാര്യമായിരിക്കാന്‍ കുടുംബം ശ്രദ്ധിക്കാറുമുണ്ട്. സിനിമകളുമായി ബന്ധപ്പെട്ടുള്ള പാര്‍ട്ടികള്‍ക്കും ഇവന്റുകള്‍ക്കും ഒഴികെ ബാക്കി എല്ലാ പരിപാടികളിലും അഭിഷേകിനും ഐശ്വര്യയ്ക്കുമൊപ്പം മകളും ഉണ്ടാവും. കൂടുതലായും ആരാധ്യയുടെ എയര്‍പോര്‍ട്ടില്‍ നിന്നുള്ള ദൃശ്യങ്ങളാണ് പുറംലോകം കണ്ടിട്ടുള്ളത്.
. ഇത്തവണ മാലിദ്വീപില്‍ നിന്നും പിറന്നാളാഘോഷം കഴിഞ്ഞ് ബച്ചന്‍ കുടുംബം തിരിച്ച് പോകുന്ന വീഡിയോ കണ്ടതോടെ ആരാധ്യയെക്കുറിച്ച് കമന്റുകളുമായി എത്തിയിരിക്കുകയാണ് ചിലര്‍. കുട്ടിയുടെ കാലിന് എന്തോ തകരാറുണ്ടെന്നാണ് ഇത്തരക്കാരുടെ പക്ഷം.
ഐശ്വര്യയുടെ കൈയില്‍ പിടിച്ചാണ് മകള്‍ നടന്ന് വരുന്നത്. എന്നാല്‍ കാലുകള്‍ മുന്നോട്ട് വെക്കുമ്പോള്‍ നടക്കുന്നതിന് എന്തോ പ്രശ്നമുള്ളതായിട്ടാണ് വീഡിയോയില്‍ കാണിക്കുന്നത്. ഇതോടെ നൂറ് കണക്കിനുള്ള സംശയങ്ങള്‍ക്ക് കാരണമായി. താരപുത്രിയുടെ ഇടത്തേ കാലിന് എന്തോ പ്രശ്നമുണ്ടെന്നും ഇത്രയും കാലം ഐശ്വര്യ അത് ഒളിപ്പിച്ച് വെച്ചതാണെന്നുമാണ് പ്രധാന ആരോപണം. ചെറിയ പ്രായത്തിലും ആരാധ്യയുടെ കാലുകള്‍ കാണാത്ത വിധത്തിലുള്ള വസ്ത്രങ്ങളാണ് ധരിപ്പിച്ചിരുന്നത്. അതെല്ലാം കൂട്ടി വായിക്കുമ്പോള്‍ ഇങ്ങനൊരു നിഗമനത്തിലേക്ക് എത്താമെന്നാണ് ചിലര്‍ പറയുന്നത്. എന്നാല്‍ കുറച്ചുപേര്‍ ഇതിനെതിരെ രംഗത്ത് വന്നിട്ടുണ്ട് അവരുടെ കുഞ്ഞിനെയെങ്കിലും വെറുതെ വിടൂ എന്തെങ്കിലും കുഴപ്പമുണ്ടെങ്കില്‍ ചികിത്സിക്കാനുള്ള പണം അവര്‍ക്കുണ്ടെന്നും ഇവര്‍ കമന്റ് ചെയ്തു.