ഇന്ത്യ കാത്തിരുന്ന വിധി ഒടുവില്‍ നടപ്പായി. നിര്‍ഭയ കേസിലെ നാല് പ്രതികളെയും പുലര്‍ച്ചെ 5.30ന് ഒരുമിച്ച് തൂക്കിലേറ്റി. മുകേഷ് കുമാര്‍ സിംഗ്, പവന്‍ ഗുപ്ത, വിനയ് ശര്‍മ, അക്ഷയ് കുമാര്‍ സിംഗ് എന്നിവരെയാണ് വധശിക്ഷക്ക് വിധേയരാക്കിയത്.
സര്‍ക്കാരിന്റെ തീരുമാനത്തെ പ്രശംസിച്ചും നിര്‍ഭയയുടെ അമ്മ ആശാദേവിക്ക് ആശംസകളുമായി ബോളിവുഡ് താരങ്ങളും രംഗത്തെത്തിയിട്ടുണ്ട്. ശക്തരായ എല്ലാ സ്ത്രീകള്‍ക്കും ഈ ദിവസം സമര്‍പ്പിക്കുന്നുവെന്നും താരങ്ങള്‍ ട്വിറ്ററില്‍ കുറിച്ചു.
ബോളിവുഡ് താരങ്ങളായ റിതേഷ് ദേശ്മുഖ്, പ്രീതി സിന്റ, തപ്‌സി പന്നു, സുഷ്മിത സെന്‍, രവീണ ടണ്ടന്‍, റിഷി കപൂര്‍, സംവിധായകന്‍ മധുര്‍ ഭണ്ടാര്‍കര്‍ എന്നിവരാണ് വിധിയില്‍ പ്രതികരിച്ച് ട്വീറ്റ് പങ്കുവെച്ചിരിക്കുന്നത്.