പാപ്പരാസി ഫോട്ടോഗ്രാഫര്‍മാര്‍ക്കെതിരെ പ്രതികരിച്ച് നടി നോറ ഫത്തേഹി. പലപ്പോഴും തന്റെ പിന്‍വശത്തേക്ക് ഒരുപാട് സൂം ചെയ്താണ് ഫോട്ടോ എടുക്കുന്നത് എന്നാണ് നോറ പറയുന്നത്. മിക്ക നടിമാരുടെയും ശരീരഭാഗങ്ങളുടെ ചിത്രങ്ങള്‍ പാപ്പരാസികള്‍ പകര്‍ത്തുന്നുണ്ടെങ്കിലും പിന്‍വശത്തേക്ക് സൂം ചെയ്യുന്നില്ല. തന്റെത് പോലെ ഭംഗിയുള്ളത് കണ്ടിട്ടുണ്ടാവില്ല എന്നാണ് നോറ പറയുന്നത്.
”ഇതുപോലൊരു നിതംബം അവര്‍ ഇതുവരെ കണ്ടിട്ടുണ്ടാവില്ല. എന്നോട് മാത്രമല്ല, മറ്റ് നടിമാരോടും അവര്‍ ഇത് തന്നെയാണ് ചെയ്യുന്നത്. എന്നാല്‍ അവരുടെ പിന്‍ ഭാഗത്തേക്ക് അവര്‍ അത്രയും സൂം ചെയ്യുന്നില്ല. അത് അത്ര മികച്ചതായി തോന്നിക്കാണില്ല. പക്ഷെ മറ്റ് ശരീരഭാഗത്തിലേക്ക് അനാവശ്യമായി സൂം ചെയ്യാറുണ്ട്.”
”ചിലപ്പോള്‍ ഞാന്‍ ചിന്തിക്കും സൂം ചെയ്യാന്‍ അവിടൊന്നും ഇല്ല പിന്നെ എന്തിലാണ് ഇവര്‍ ഫോക്കസ് ചെയ്യുന്നതെന്ന്. നിര്‍ഭാഗ്യമെന്ന് പറയട്ടെ, ഇതൊക്കെയാണ് സോഷ്യല്‍ മീഡിയയില്‍ ട്രെന്‍ഡ് ആകുന്നത്. അവര്‍ സോഷ്യല്‍ മീഡിയ അല്‍ഗോരിതം ഗെയിം കളിക്കുകയാണ്. എനിക്കൊരു നല്ല ശരീരമുണ്ട്. അതില്‍ ഞാന്‍ ലജ്ജിക്കുന്നില്ല.”
”എന്നാല്‍ സൂം ചെയ്ത് ഫോട്ടോ എടുക്കുന്നവരുടെ ഉദ്ദേശം ശരിയല്ല. പക്ഷെ അത് വേറൊരു ചര്‍ച്ച തന്നെയാണ്. എനിക്ക് എല്ലാവരേയും പിടിച്ച് നിര്‍ത്തി പാഠം പഠിപ്പിക്കാനാകില്ല. ഞാന്‍ എന്റെ രീതിയ്ക്ക് അനുസരിച്ചാണ് നടക്കുന്നത്. എന്റെ സുന്ദരമായ ശരീരത്തില്‍ എനിക്ക് ആത്മവിശ്വാസമുണ്ട്” എന്നാണ് നോറ പറയുന്നത്.
അതേസമയം, ദില്‍ബര്‍, ഓ സാകി, കുസു കുസു, കമ്മരിയ തുടങ്ങിയ ഐറ്റം നമ്പറുകളിലൂടെയാണ് നോറ ഫത്തേഹി ബോളിവുഡില്‍ ഏറെ ശ്രദ്ധ നേടുന്നത്. ബിഗ് ബോസില്‍ അടക്കം എത്തിയ നോറ ടെലിവിഷന്‍ ഷോകളിലൂടെയാണ് അഭിനയരംഗത്തേക്ക് എത്തുന്നത്.
