സിനിമാ ചിത്രീകരണത്തിനിടെ പ്രിയങ്ക ചോപ്രയ്ക്ക് പരിക്ക്. താരത്തിന്റെ കഴുത്തിനാണ് പരിക്കേറ്റത്. കഴുത്തിനേറ്റ മുറിവിന്റെ ചിത്രം പങ്കുവെച്ചുകൊണ്ട് പ്രിയങ്ക തന്നെയാണ് ഈ വിവരം പുറത്തുവിട്ടത്. ദ ബ്ലഫ് എന്ന ഹോളിവുഡ് ചിത്രത്തിലെ സംഘട്ടനരംഗത്തിനിടെയാണ് നടിക്ക് പരിക്കേറ്റത്.
‘എന്റെ ജോലിയിലെ പ്രഫഷനല്‍ അപകടങ്ങള്‍’ എന്ന് കുറിച്ചു കൊണ്ടാണ് ചിത്രം പങ്കുവച്ചത്. നേരത്തെ, പ്രിയങ്ക ചോപ്ര ബ്ലഫിന്റെ എന്ന സിനിമയുടെ പിന്നാമ്പുറ ദൃശ്യങ്ങള്‍ സോഷ്യല്‍ മീഡിയയില്‍ പങ്കുവെച്ചിരുന്നു. സിനിമയുടെ ക്ലാപ്പ് ബോര്‍ഡ്, സംവിധായകന്‍ ഫ്രാങ്ക് ഇ ഫ്‌ളവേഴ്‌സ്, ഛായാഗ്രാഹകന്‍ ഗ്രെഗ് ബാള്‍ഡി എന്നിവരായിരുന്നു ദൃശ്യത്തില്‍.
ബ്ലഫിന്റെ സെറ്റില്‍ നിന്നുള്ള ലൊക്കേഷന്‍ ചിത്രങ്ങള്‍ നേരത്തേ പ്രിയങ്കാ ചോപ്ര പോസ്റ്റ് ചെയ്തിരുന്നു. സിനിമയുടെ പേര് കാണുന്ന ക്ലാപ്പ് ബോര്‍ഡ്, സംവിധായകന്‍ ഫ്രാങ്ക് ഇ ഫ്‌ളവേഴ്‌സ്, ഛായാഗ്രാഹകന്‍ ഗ്രെഗ് ബാള്‍ഡി എന്നിവരുടെ ചിത്രങ്ങളടക്കം പ്രിയങ്ക പങ്കുവച്ചിരുന്നു
ദ ബ്ലഫ് കൂടാതെ ‘ഹെഡ് ഓഫ് സ്റ്റേറ്റ്’ എന്ന ഹോളിവുഡ് ചിത്രത്തിലും പ്രിയങ്ക അഭിനയിക്കുന്നുണ്ട്. ഇദ്രിസ് എല്‍ബ, ജോണ്‍ സിന എന്നിവരാണ് ഹെഡ് ഓഫ് സ്റ്റേറ്റിലെ മറ്റു താരങ്ങള്‍. അതേസമയം, ലവ് എഗെയ്ന്‍ എന്ന ഇംഗ്ലീഷ് ചിത്രമാണ് പ്രിയങ്കയുടെതായി ഒടുവില്‍ റിലീസ് ചെയ്തത്.